للي مو عاجبه آداء ياسر - نادي الهلال السعودي - شبكة الزعيم

ابو زيـــــاد · #1 02/04/2011, 03:51 AM

في البدايه

اللهم صلي على محمد وعلى آل محمد كما صليت على ابراهيم وعلى آل ابراهيم في العالمين انك حميد مجيد

يا شباب صلوا على الرسول الكريم

ياسر مو آله خارقه يا ناس حرام عليكم اللي تطلبونه من اللاعب ( ياسر لاهنت نبيك تسجل وتحرث الملعب وتجيب كل مباراة 10 اهداف )

مو ذنب ياسر انه مسجل 11 هدف ونص الموسم مالعب ولعب مباراة ووقف 3 للاصابه ولعب ورجعت الاصابه

وبالاخير يجون الفقراويه واللي يسمعون لهم ويقولون مسجل في فرق ضعيفه طيب ليه مهاجمين الفرق الثانيه

ماتسجل في الفرق هذي ( شر البليه مايضحك )

بعدين جميع فرق الدوري قويه مافيها ضعيف جميعها تحرج الكبار ماشفتوا التعاون كيف احرج الاتحاد وفاز عليه

وغيرها فرق كثيره منها اللي احرج الهلال وباقي الفرق الكبيره

يا ناس والله حرام اللي تطلبونه من ياسر يفرح لكم يوم سجل وبدل ماتكون الجماهير الهلاليه هي أول من يسانده

تصير هي أول من ينتقده

لاتقولون بعيد عن مستواه وهو توه راجع من اصابه وهذي ثاني مباراة يلعبها كامله

اللعيبه تنزل مسوياتها بدون اصابات ومع وقفة الجميع ترجع

رجعو آسر قلوبكم وكاسر قلوب خصومكم قبل تحكمون عليه بالنهايه .

زعيم بكلمتي1 · #2 02/04/2011, 04:47 AM

انا اقول لياسر

اذا اتتك مذمة من جاهلآ فهذه شهادة بأنك كاملآ

Sultan | سلطان · #3 02/04/2011, 05:02 AM

رغم مستوى ابو عبدالعزيز المتذبذب في المباراة
الا انها ان شاء الله بداية العودة المميزة للقناص .. لعود كما عهدناه قناصاً للشباك .. مرعب للمدافعين

بالتوفيق للزعيم

عتيـ511ـبه · #4 02/04/2011, 05:07 AM

يآسـر مآرفع كرته فوق وطيره في العجه وخلآه للحين في الهلآل الا الإعلآم !!

يآسر وش سوآ ذا الموسم علشآن تقول يآسر مظلوم ؟؟ ياكثر الهجمـآت اللي هو قتلهآ وهو منفرد ببآب

يعني لو تجيب لآعب من درجىآ آولى سجلهآ .. !

عآد كيف فريق بحجم الهلآل // آآآآآآآخ ودي يعطون طلق المحيآ فرصه صدقوني تشوفون الهجوم كلآم كبيــرٍ ..

enter3 · #5 02/04/2011, 05:13 AM

ياخي حرام عليكم انتم اللي دمرتوووه بمواضيعكم هذي

ياسر يحتاج منا نوقف معه لما نقول الصحيح

ياسر مستواه ضايع اصلا مافيه مستوى على شان يضيع

يااخوان فكونا من التطبيل

اللي يحب ياسر لا يناقش الاعضاء بخصوص الهلال

حنا مصلحتنا الهلال فقط فقط

واذا بغى ياسر يرجع لمستواه هذا يسعدنا وان جلس على وضعه الحالي

من ابسط حقوق الجمهور انهم ينتقدون ياسر وغيرررررره

ابو عبدالله@@الهلالي · #6 02/04/2011, 05:21 AM

ماضيع ياسر وعدم مبالاته الا مواضيعكم ودفاعكم عن ياسر طول الخط
نتكلم ان ياسر من موسمين منتهي وهذا يقول سجل هدف ولا اصابة وله 10 اهداف

الله يعينا بس

ابراهيم بن فهد · #7 02/04/2011, 05:24 AM

مشكلة البعض انهم يعتقدون اننا اذا انتقدا اداء ياسر يعني اننا ضده

ب العكس ننتقده لاننا نبيه يقدم الافظل نبيه يرجع لمستواه الاول للي نعرفه

اذا ما سجل يصنع نبيه يرجع لتحركاته اللي تربك المدافعين

ياسر يسجل في مباراة يغيب 3 مباريات ما يسجل فيها

ياسر صار يستسلم للمدافين الكوره لا انقطعت منه ما يلحقها

رااح ننتقده لين يرجع لمستواه الطبيعي

وجود عيسى في الاحتياط ضلم

وهذا رايي واللي مو عاجبه بسلامته

مصير اللي زعل · #8 02/04/2011, 05:25 AM

أزعجتونا بهالإصابة , كأن مافي ولا لاعب جاته اصابه

الفريدي جاه كسر مضاعف

ورجع امام النصر بإبدآآآآآآآآآآآآآآآآآآآآآآآآع الفريدي المعتاد

ياسر من 3 سنوات ما عندك أحد

وجوده ضرر وغيابه يؤثر إيجاباً على الفريق

التورنيدو20 · #9 02/04/2011, 05:29 AM

يارجال لاترد عليهم ياه تدري ان ودهم المباراه انتهت بالتعادل فقط علشان ياسر مايسجل

(للفن والابداع والفلسفه ناس .........................ولللفوز قناص وللفوز كاسر

ولياجمعت الفن في عقد الالماس .....................يزفها التاريخ لابداع ياسر

15 و 20 وبس · #10 02/04/2011, 05:32 AM

للفن والابداع والفلسفه ناس .........................ولللفوز قناص وللفوز كاسر

ولياجمعت الفن في عقد الالماس .....................يزفها التاريخ لابداع ياسر

السيف-الهلالي · #11 02/04/2011, 06:00 AM

والله مع احترامي للجميع ياسر سيئ مستواه ولاتقولون جاب هدف هو سد هدف محقق من اسامه هوساوي ولاتعودون للقطه تعرفون وضيع هجمه ماتضيع يوم سحب بالحارس اتمنى تواجد المحياني

ابورنـا · #12 02/04/2011, 07:49 AM

بالتــوفيق للهلآل

----------

قـناص20 · #13 02/04/2011, 08:46 AM

اذا احتاج الهلال النقاط ماتلاقي الا ياسر يجيبها ..
الفيصلي والاتفاق اكبر دليل .. فيها 6 نقاط يازعماء ..

{FaHaD} · #14 02/04/2011, 08:49 AM

إقتباس

الرسالة الأصلية كتبت بواسطة ألا قلبي والهلال


	أقول ليتك اكتفيت بمتابعة المباراة ... والله ماتفهم كورة مع احترامي لك .. ياسر والله ثم والله ثم والله لو مأعلام الهلال قاعد يرفع فيه ويدعمه أن المفروض بالدرجة الثانية أو بالانديه المتأخره بالترتيب .. والله أنه نقطة ضعف بالهلال ياسر2007 اتفق معك أما من بعد ذاك الموسم ياسر سيء وعديم الفائدة بس محظوظ فيك واشكالك المطبلين له انت تكتب عن ياسر عشان تشوف عدد الزوار بس وتطبل .. اكتفى عن كثيري بأشاره الهلال فوق أي لاعب

عساك سالم بس .. وصلتك هدية .. الهدية في الداخل تفضل ..

{FaHaD} · #15 02/04/2011, 08:51 AM

إقتباس

الرسالة الأصلية كتبت بواسطة مصير اللي زعل


	أزعجتونا بهالإصابة , كأن مافي ولا لاعب جاته اصابه الفريدي جاه كسر مضاعف ورجع امام النصر بإبدآآآآآآآآآآآآآآآآآآآآآآآآع الفريدي المعتاد ياسر من 3 سنوات ما عندك أحد وجوده ضرر وغيابه يؤثر إيجاباً على الفريق

وانت للحين حي ههههههههههههههه ترى ياسر سجل هدف
حسسني انك هلالي لو مره وافرح بالفوز .. وترى المتصفح
حقك خربان الظاهر .. مغير يكتب بالاحمر .. ترى يوجد ألوان أخرى