كفو يا جماهير الهلال في الشرقية - نادي الهلال السعودي - شبكة الزعيم

واحد من جمهور الزعيم · #1 03/04/2011, 04:55 PM

الف مبروووووك الفوز
الثمين
المستحق

فوز جاء بمجهود كبير بعد صدمة ( كأن الاتفاق عطى الهلال كف يصحيه ) << هوساوي

المستوى جيد جداً

نجم المباراة : احمد علي

الدفاع سيء في اجزاء كبيرة من الشوط الاول و ممتاز في الشوط الثاني

اشيد بهوساوي و لي يونق ولا يهونون المرشدي و الزوري

الوسط سيء في الشوط الاول و ممتاز في الثاني

اشيد بالشلهوب و الفريدي لقلة الكرات المقطوعة منهم

ويلي كالعادة رائع و توغلاته ممتازة جداً

ياسر غاب في اجزاء كبيرة لكن الاهم التسجيل

قصتي مع المباراة :

كنت انتظر المباراة من شهور لعيون الزعيم

و نويتها ع الملعب من بدري شوي

المهم هذه قصتي يوم المباراة :

من الساعة 4 وانا استعد و مشت للملعب من الساعة 6 و نص

دخلت الملعب الساعة 7 اشتريت تذكر و دخلت و استنيت اخوياي الـ 5

اخذت مكان قريب من الرابطة (جهة الهلال في الشوط الاول)

دخلت الامير عبدالرحمن بن مساعد بتصفيق حار جداً و سلم على ذوي الاحتياجات الخاصة في منظر رائع و مؤثر

بعدها بشوي دخل العتيبي و الشمري بتصفيق حار

و بعدها دخلوا اللاعبين و يبدأ الجمهور بالحماس و الووف للتصفيق و رددوا اسم ياسر اكثر من مرة

جاء الامير و سلم ع بعض اللاعبين و رددنا اسم عيسى يوم يسلم على الامير عبدالرحمن

بدأ اللاعبين يشوتون على المرمى و جت كم شوتة حلوة و دخلت هدف و اذكر حقت ياسر اللي سقطها بقوة (على طريقة توتي ) و تفاعل الجمهور كثير معها و العتيبي صد اكثر من كورة صعبة

بدات المباراة بتشجيع و حماس و لكن تلقينا صدمة هدف الاتفاق الاول , لكن الجماهير ماوقفت عن التشجيع

جاء بلنتي الاتفاق و حطيت يدي على راسي لاياخذ العتيبي احمر

دخل الهدف الثاني و الجماهير ماوقفت عن التشجيع

* مالاحظت اي سب و شتم للاعبي الهلال و مافقدنا الثقة فيهم

والحمدلله جاء اهدف الاول من اجحمد علي و الجماهير تحمست و جلست تشجع الى نهاية الشوط

بين الشوطين : دخل نواف العابد و سخن و توقعنا دخوله

بدأ الشوط الثاني و علطول هدف الشلهوب << كان عندي احساس بأنه هدف

الهدف ولع الجماهير و شجعناشجعنا لين ماجاب القناص الهدف الثالث و رددت الجماهير ( اووهيا ياسر ) كثير

بعد الهدف انواع الونااااسة و الحمااااس

سونا الزلزال لمدة دقيقة تقريباً

سوينا الامواج اكثر من 10 مرات

وعلى كذا لين مانتهت المباراة بفرحة كبيرة ازدادت بعد علمنا بخسارة الاتحاد

و اشتريت علم الهلال و رفرته في الشوارع

و رجعنا للبيت بحدود الـ 12

و الى الآن ماشفت المباراة بالتلفزيون << ماتعرفون متى تنعاد ؟!

-----------------------------------------------

أشكر جماهير الهلال (الموج الازرق) بالشرقية

كفو يا جماهير الزعيم

و موعدنا في مباراة القادسية في 15/5/2011 ( اتوقع بتكون اما مباراة التتويج بالدوري أو مباراة للاحتفال بالدوري )

حسن8 · #2 03/04/2011, 06:24 PM

إقتباس


	سوينا الامواج اكثر من 10 مرات وعلى كذا لين مانتهت المباراة بفرحة كبيرة ازدادت بعد علمنا بخسارة الاتحاد و اشتريت علم الهلال و رفرته في الشوارع و رجعنا للبيت بحدود الـ 12

كفووووووووووو

نشوف يوم الثلآثاء جمهور الرياض وش رآح يسوون ..!

وجمهور الشرقيه معروف بحضور وتشجيعه المؤثر ..@!

( الامــيــر ) · #3 03/04/2011, 06:55 PM

استغفر الله
أشكر جماهير الهلال (الموج الازرق) بالشرقية
كفو يا جماهير الزعيم

الهلال و بس 14 · #4 03/04/2011, 07:04 PM

جمهووور أكثر من رآئع

أتوقع آلفوز كآن من بعد آلله الجمهووور الحاضر

الحمدلله على الفوز

وبانتظار الجمهور يوم الثلاثاء

وبالتوفيق للزعيم

مجنونة نادي القرن · #5 03/04/2011, 07:21 PM

فعلا جمهور كفووو والحمدلله الزعيم ما خيب مسعاهم

الدور والباقي على جمهور الرياض يوم الثلاثاء ومايقصرون ان شاء الله

حب الزعامة · #6 03/04/2011, 07:26 PM

بصراحه جمهور خيالي ورائع
اعجبني سردك لاحداث المباراة حسيت اني معكم وتفاعلت وعشت جو ههههه
ياليت مباراة الجزيره تكون في الشرقيه على المناظر الحلوه للجمهور

كره زرقاء · #7 03/04/2011, 08:24 PM

جمهووور مجنون وكنت حاضر بالملعب ,, الملعب كان فل الا في إجزااء قليله جدا

انتظر مبارة القادسيه وإن شاء الله أقدر احضرها بعون الله

هلالي 95 · #8 03/04/2011, 08:44 PM

والله انا حضرت وزحمة مرررة قعدت بالواجهة واخر مقعد تحت
و
شفت ياسر السقاطي على فهد الشمري هدف رووووعة

-HM_1 · #9 03/04/2011, 08:49 PM

جمهور الشرقيه دايم ماتحرج جماهير الهلال بالمناطق الاخرى
يالبيه ياجمهور الشرقيه ^^

فداكـ روحي · #10 03/04/2011, 08:56 PM

والله مافي زي احمد علي

سجل صنع سوى فآول

كفووو يانصر الفرعوني

اعذرني اخوي قصة يعني كان افضل ماتذكرها

عاشق الهلال ومغرمبه · #11 03/04/2011, 09:08 PM

الله يعطيهم العااااااااااافيه جمهور الشرقيه

زعيم 2022 · #12 03/04/2011, 09:11 PM

انشالله جمهور الهلال يبيضها يوم الثلاثاء بااذن الله

انفاس الهـجر · #13 03/04/2011, 09:31 PM

والله الجمهوور بالشرقيه بجد ماقصر
بالذات اخر المباررااه وان شاء الله جمهور الرياااض يبيضوون الوجه يوم الثلاثاء
والله يوفق الهلال ياارب

alhilal%% · #14 03/04/2011, 09:48 PM

كفو يا نواخذة الشرقيه ماقصرتو بيضتو الوجه

Abu Nayef · #15 03/04/2011, 11:22 PM

كفو والله حمستنا زياده حسيت اني معكم في الملعب وحتى لو صار التتويج في مباراه القادسية والله تستهلون ياجمهور الشرقيه