نادي الهلال السعودي - شبكة الزعيم - الموقع الرسمي - اتفرقنا لما اتخلّفنا .. وللأسف زدنا على تخلّفنا : عناد ! ممكن تدخل يا صديق !

يا تميسة :razz: ، يا فووول ، لك يا تبولة ! ، وا معصوب ، أقول يا عكرة ، يا فلفل ، يا شاي أخضر :s5s: ،
يا مرقوق ، شو يا زعتر ، انت يا قورو ، يا مطبق ، يا ......... :s5s: << مشفر مراعاةً لمشاعر الأذواق الحساسة !!
عارف إنك تبغى تعرف المشفر ؛ لكن أقول كمّل أحسن .. = ) ..

عفوًا ما سلّمت .. السلام عليكم ورحمة الله وبركاته ، كيف حالكم أهل المجلس الكريم ؟!! :) ..
معليش عالإنبراشة إللي حصلت فوق :yes: ! بس إيش نسوّي ، المقدّمات وما تِعمل !! :re: ..

ممكن نقسم إللي قرؤوا السطرين إللي فوق إلى مجموعتين :
* الأولى : ما لقي شيء جديد ، يعني عادي ..
* الثانية : وقّف ! وممكن يكون صرّخ :s5s: : إيييش هالسخافة ؟! ( وهي الفئة الأقل مع الأسف ) ..

نعطيكم تعريف لما ذُكر أعلاه :
نقدر نعطيهم تعريفين ، ففي الإصطلاح يقولّك : مفردات تطلق وتستخدم لإشفاء الغليل من شخص ما :s5s: ، معتقدًا بأنه أرفع ، وأعلى شأناً وقدراً من الطرف الآخر .. :shocking: ..
وبالعامي : سبّة خفيفة عالطاير !! s24s:) ..

أسألك بربك أنت يا إللي تستخدم هالمصطلحات : إيش الإحساس إللي يجيك وأنت تصرّخ وتقول - مثلًا - : يا فووووول يا وجه الطعمية :s5s: !! << فكّر فيها بالله .. :) ..

وسؤال يفرض نفسه بقوة : بالله كيف لو قابلت شخص إيطالي - مثلًا - وقهرك :cr: ،
تقدر تقوله يا باستا وإلا يا سباغيتي :mad: ؛ حتى تفضي شوية من إللي في صدرك !! =S ..

* تعليقي : قمة في الغباء .. :):yes: ..

نروح للنوعية الثانية من المصطلحات إللي عَجز العلم عن كشف مصدره ، واحتاروا العلماء إنهم يعرفوا سبب استعمالها ! :tonguess:
وبصراحة إللي اشتغل عليها في الزمن المعاصر يبغاله بالجزمة - الله يكرمكم - على فمّه ..

تخيّل معايا وأنت ماشي في شارع الأعمدة ( من شوارع المدينة ) .. تسمع واحد يصرّخ ويناديك يا سعوودي يا مش عارف إيش !! :s3s: ..
بالله عليك إيش يكون شعورك ؟! وتتوقع كم مليون علامة تعجّب ينقزوا لك في رأسك ؟!! :yes: ..

أكيد عرفتوها ؟ .. إللي هي ( النتف بالأصل ) ،
وهذه تعريفها : مصطلحات تستخدم أيضاً للتقليل من شأن الطرف الآخر لكن بذكر اسم موطنه ،
كقولك - مثلًا - يا مصري ، يا أفغاني ، يا يماني .. إلخ ، s29s ..
وهذه مع احترامي ، من أشد أنواع الغباء إللي ممكن الشخص يوصل لها وهو ما يدري !! :) ..

وإللي يزيد الدم حرقة ، إن إللي معاه جواز سفر قوي ( أعتقد واضحة معنى قوي ) معفي من الأسلوب هذا .. :) ،
مهما كان شكله ولونه وهيئته وطريقة تفكيره ، المهم عنده جواز قوي !! :yes: ..

تخيّلوا معايا : طفل في المدرسة ينادي زميل له في الصف بـ : ( يا باكستاني ) - مثلًا -
يعني طفل توه طالع للدنيا ويالله ينطق ويقول اسمه صح ، يتّريق على زميله ويعيّره .. بإيش ؟ ...... بأصله ، يا جماعة الخير يعيّييره بأصله !!:ranting:..
والطفل الثاني المسكين ( الباكستاني ) عايش حالة رعب وحرب مع نفسه ... لا هوّ مرحّب بيه في البلد إللي ممكن ما قد شاف غيره ، :yes: ..
وهناك ملاقي العالم حوالينه طايحين فيه وفي بلده الأصل ، يعني يالكائن أنت : قولي بالله إيش تبغاه يسوي لك ؟!! :yes: ..

والله مشكلة إننا مش عارفين كيف نعيش ! بالله عليكم إيش الحل لهذه المشكلة ؟! إيش الحل لقمة التخلف الفكري إللي عايشين فيه ؟!
والطامة إن الظاهرة هذه مش بس في السعودية ، بل في كل العالم العربي ، ومقاطع اليوتيوب - بجميع مجالاتها - الدينية والسياسية والرياضية والإقتصادية والأدبية ، والترفيهيه ، حتى مقاطع الطبخ إللي ما سلمت منها :s5s: !! - خير شاهد لانتشار هذه الظاهرة .. :):yes: ..

* فاصل :
س / تعرفوا أصل كلمة ( سدِيق ) أو ( سدِيك ) ؟ :yes: ..
إللي برضه مع الأسف تقال للشخص ، والغرض طبعاً التقليل من شأنه .. وتستخدم على الأغلب مع الفئة إللي جاية من دول آسيا الوسطى ..
ج / هذه يا الطيبين أصلها ( يا صديقي ) ..... والأجداد كانوا يستخدموها مع إللي جايين من بره للسعودية - لأي غرض كان - كنوع من الإحسان إليهم والرفق بهم ، سبحان الله !! :yes: ..
ومع عوامل التعرية والتحولات التكنوفيزيولوجية في العقول :dead: صارت زي ما نشوفها الآن - مع الأسف الشديد - .... وهكذا !! :) ..

بقولكم موقف عالسريع صار لي الجمعة الماضية مع أحد الأخوة السعوديين إللي جايين للعلاج ،
المهم كنت جالس مع واحد من الشباب بعد صلاة الجمعة ، جاني أخ جزائري وقال : إنه حصّل أخ سعودي وجابه معاه للمسجد .. ويبغاني أتعرف عليه ؛ لأسباب ما علينا منها !
وبعد تردد قلت طيب نتعرّف عليه ، رحت معاه حصلت رجال كبير معاه ولده .. العم جاي للعلاج وولده مرافقه ،
جلسنا نتكلم وتعرفنا على بعض ووو .. شوي الأب تلهّى مع أحد الأخوة يتكلموا عن ليبيا !
وجلسنا أنا والولد نتكلم ومع الكلام سألني : ( حربي ؟!! ) قلت له : لا ! ( أفغاني s32s ) .. وجه الأخ صار كذا : :shocking::rh: .. << مش عارف بس تقريباً زيّهم !! ورجع وراء ولا تكلّم ..
حسيت فيه ومشّيت الموضوع ، ومنعاً للإحراجات إللي حتصير .. قلت لهم تعالوا أعرفكم على مجموعة طلاب سعوديين ،
قالوا : يا ليت ، رحنا للجهة الثانية من المسجد ، والحمد لله حصلت الأخوان إللي واصلين جدد ( حقين المرحلة السادسة ) ، وعرّفتهم عليهم واستأذنتهم ، وسحبت نفسي ... وبس ! :yes: ..

السؤال : إلى متى ؟! خلاص يا عمي كلنا مسلمين ، جاي دولة تتمنى تشوف فيها أخ مسلم .. وتسألني حربي وإلا عنزي وإلا مش عارف ؟!
يا عمي الحمد لله مسلم ، وإلا أقولك إنسان ! عاملني بس على إني انسان قدامك .. :):yes: ..

سؤال أخير قبل ما أختم ، إيش إللي خلى أوروبا تتحد ؛ بعد إللي عاشته من تخلف في العصور المظلمة ،
وكيف اتحدوا مع إنهم تقريباً 27 دولة ، و23 لغة رسمية ، مش عارف كم دين ، وما فيه أي صلة دم أو قرابة ....
أوروبا فيها أكثر من 500 مليون بني آدم عايشين وينتقلوا بين الحدود بشبكة ربط مواصلات .. مثلًا : القطارات إللي تربط دول أوروبا ؛
- إللي كان عندنا في فترة من فترات تاريخنا وحدة منها :) ، ودُمرت في الحرب العالمية بعدما حسوا بخطرها ؛
لأنها كانت تربط العالم الإسلامي ربط مذهل من العاصمة في تركيا إلى الحجاز وكانت الخطة إنها تكمّل حتى اليمن ؛ لكن ما كتب ربي - ،
وزي ما نشوف : عملتهم واحدة ( زي ما كانت عملتنا أيام زمااان ) ، والآن راح يوحدوا لبس الشرطة ، ( إللي كنا نحنا عاملينها ) !! وغيرها الكثير ..
إيش إللي خلاهم يتحدوا ؟ ونحنا نفترق ، بعد العز إللي كنا فيه ؟!!
ممكن قلنا نجرّب نعيش عصور أوروبا المظلمة ، وإلا نطبّق تجربة قوم سبأ ( عمليّاً ) ؟!!

فعلًا : إن الله لا يغيّر ما بقوم حتى يغيّروا ما بأنفسهم .. :yes: ، سبحانك يا ربي ..
بصراحة القلب يحزن على الوضع إللي نحنا فيه ، لكن على الله ، لعل فرج ربي قريب ..

في الأخير حبيت أوريكم هذه الصورة إللي ما قدرت أعلق عليها بحاجة غير : سبحانك يا رب ،

http://dc08.arabsh.com/i/02830/zn0fhf92417a.jpg

لاحظوا معايا النباتات هذه كيف عايشة ومتجانسة مع اختلاف ألوانها : عندك الأبيض ، الأحمر ، الأخضر الفاتح والغامق ، والأصفر ، ومن تحت نشوف البنفسجي ! :re: ..
- وسبحان الله - إللي جمع بينهم بكل وفاق ، سبحانك يا ربي .. :yes::) ..

إللي أبغى أوصل له : يا ليت ما نزيد في التفرّق ، وخلاص يا ناس ، انسوا الأجناس والأعراق ، وعاملوا الناس على إنهم بشر ، وكفاية كذا ! ترى الكأس إذا تعبّى راح يفيض بطبيعة الحال ..
وأتمنى إنه ما يفيض ، وإن الوضع يتعدّل ، وما يتعدل إلا بـ ( التربية ) ، والتمسّك بالدين .. والله المستعان !

الموضوع مجرد فضفضة ، واعذروني إذا أخطأت على أحد ، ترى ما جبت حاجة من عندي ، هذا هو واقعنا الأليم إللي أتمنى يتغير وأرجو من الله أن يغير الحال ..
نراكم على الخير .. شكراً ، :rose: ..