|
حتى تتقدم الرياضه السعوديه آلسلآم عليكم اضع بين ايديكم رايي بعد حسرتي على كرة القدم السعوديه اولا دلآل آللآعبين: عندنا بالسعوديه نوعين من دلال اللاعبين واستعراض بعقود اللاعبين وكلهم نفس النتيجه خسارة الكره السعوديه بالله خلونا صريحين شوي اللاعبين السعوديين ولا واحد يستاهل عقده الا اذا بستثني لاعب واحد يمكن محمد نورمع انه اكثر اللاعبين دلال بس مو بالفلوس بكل شي ونقدر نقول عنه هو اللي مستواه ثابت طوال الموسم يعني بالعربي "افضل السيئين" وهذي رواتبهم وانتم احكموا 1-عبدالله الشهيل (500) الف شهريا 2-ياسر القحطاني (460) الف شهريا 3-محمد نور (357) الف شهريا 4-حسين عبدالغني (300) الف شهريا 5-عبده عطيف (300) الف شهريا 6-احمد عطيف (300) الف شهريا هل هؤلاء يقدمون قد ماياخذون؟ [IMG]http://www.m5zn.com/uploads/2011/3/3...1s16glha7k.png[/IMG] شوفوا ترتيب المنتخب السعودي والمنتخب المغربي ويقدر مرتب اغلى لاعب مغربي وهو مروان الشماخ لاعب ارسنال الانجليزي بحوالي (300) الف ريال سعودي وهو يلعب باقوى دوري بالعالم ومع فريق ارسنال الانجليزي ليتها تنتهي على كذا اي اشاعه اي كلمه اي سب وحتى المدح صار نقطه سلبيه على اللاعب عندنا اللاعب بالسعوديه اذا مدحته قالوا بيغتر واذا سبيته قالوا يتاثر واذا طلعت اشاعه يتاثر واذا انتقد لاعب الفريق الفلاني قالوا يشجع الفريق الفلاني ولا اصبروا على اللاعب اللاعب كان كذا وسوى بالموسم الفلاني كذا لو كان كل لاعب بماضيه كان ماشفتوا ريفلينو بالهلال كان ماشفتوا ريفالدو مع بونديكور خلاص اللاعب مايقدم ماعليه صبر القضيه مب قضيه انسانيه القضيه كورة قدم (متعه) ولكم مثال بقضية تيري واشلي كول المثبتات ويلعبون ولا كانه صار شي داخل الملعب شي وبرى الملعب شي ثاني. ثانيا التعصب: يالهلالي ماتحب ولا تعرف اي واحد نصراوي وممكن يكون من قرايبك؟ نفس السؤال للنصراوي نفسه للاهلاوي للاتحادي انا بتكلم عني انا شخصيا انا ابوي نصراوي وانا هلالي معقول بكره ابوي عشان كوره ولا ابوي بيكرهني عشان كوره لحد يقولي هذا لا والله احب فلان واحب علان وهو نصراوي بحياتكم الشخصيه ماقد سمعتوا كلمة ماعليه شرهه هلالي او نصراوي او اتحادي او اهلاوي وان كانت مزح اللي عقله صغير مايعرف مزح راح يبدا يلاحظ ولو سواها مشجع الفريق اللي هو يشجعه مايلاحظها لكن لو سواها مشجع الفريق المنافس يلاحظها خلونا صريحين ماقد سمعتوا كلمة الفريق الفلاني بقايا حجاج ولا الفريق الفلاني خكر وبنات والفريق الفلاني اغبياء ودلوخ ولا اللي يشجع فريق الهلال مايلبس اصفر واللي يشجع النصر ولا الاتحاد مايلبس ازرق ولا البرودكآست بالبي بي اووووه عد واغلط وراعين البلاك بيري خير شهود عارف انه بيطلع واحد ويقول فيه احد مايقول ولا يسوي كذا لكن قليل حنا نتكلم عن العموم ليه مانحسب الاخطاء والعيوب على الشخص نفسه ليه بعض الجماهير تقول جماهير الفريق الفلاني كذا وهو اذا جيته وقلت لك على اي اساس كلامك هذا يقول فيه واحد من جماهيرهم سوى كذا وهو نص اخوياه اللي قاعد معهم واهله يشجعون الفريق المنافس بس يدور اشين واحد فيهم عشان يعمهم مايروح يعمهم على ازين واحد ولا على الاغلبيه المشكله مب بس من الجماهير لحالها المشكله تبدا من رئيس النادي الا المشجع اقولك كيف يجي رئيس النادي يقول النادي الفلاني قطع غيار والثاني يقول تشليح الجمهور بتفاعل مع هالكلمه ويقول كل الفريق المنافس كذا طيب ليه؟ اللي تكلم كل جمهور واعضاء شرف ولاعبين النادي ولا رئيسهم؟ ورئيسهم هو شخص ولا عشرين شخص؟ عشان نمشي ونقول عينه ولا رئيس رابطة المشجعين من ضمن اهازيجه سبه بلاعب الفريق المنافس ولا الفريق بكبره. ثالثا القرارات واللجان انا ماعندي خلفيه كبيره لكن لاحظت التضاد التعاون ونجران انا ابي افهم وشلون يقررون انه نجران فايز بعدين يطلع قرار يختلف 180 درجه عن القرار الاول وبعدين يوقفون ويتركون اللوائح ويستانسون بقرار الفيفا القضيه ماتحتاج هي وحده من ثلاث ان من يراسون اللجان ليسوا بكفائه او تضاد اللوائح وكل رئيس يدور اللائحه اللي تخدم فريقه او الخوف من عدم اصدار القرار لان رؤساء النوادي وجماهيرهم لايثقون باللجان وقرارتها. باقي النقاط ساعطيكم اياها بشكل مختصر -ترقيم كراسي المدرجات -كشكات بيع الاكل في الملاعب -قلة الملاعب الدوليه فقط 3 ملاعب هذه النقاط برايي هي اهم النقاط التي تقف عائق امام تقدم الكوره السعوديه وليس تطورها على المستوى في الملعب فقط بل داخل الملعب وخارجه وهناك نقاط كثيره لكن برايي هذه اهمها بالاخير اتمنى ان اني كفيت ووفيت والخطأ وآرد وآنآ آسف آذآ آخطيت آتقبل آلنقد من آلجميع بس آتمنى آللي بينتقد يقرآ كل الموضوع وياخذ راحته |
500 الف يالظالم !!!!!!!!!!!!!!!!!! شهريا !!!!!!!!!!!!!!!!!!!!! وبهـ المستوى !!!!!!!!!!!!!!!! وييييين 500 الف !!!!!!!!!!!! والله العظيم لو انا رئيس العام او رئيس الاتحاد السعودي لكان راتب كل لاعب مابين الـ 300 الف الى 100 الف .. ياكلون خبز وينطقون ..!! :d |
آممممم مبآلغ بِ آلهبل آلآ يآيآسر مآتبي تسآـفني ههه .. صرآحـه هذي نقطه مهمه آلآ هو آلدلآل يعني آلوآحد يبي فآـوس زيآدهـ .. لكن آعتقد يآسر يلعب من آجل آلفريق شوفوهـ كيف يتحرق لبى يآسر وآللهٍ .. |
إقتباس:
الشرهه مب عليه على اللي دفع له إقتباس:
لو كل واحد نبي نصبر عليه لانه يحترق عشان الفريق كان ماكدينا خير يعني انت لو لعبت مع الهلال ماراح تحترق عليهم لكن ماعلي انا من حماسك ابي مستوى ثابت |
الدنييآآآ أرزآآق وانا اخييك .. والله مايستاهل ولا خمس مئة بالشهر |
مو بس الرواتب الي اثرت فيهم الشهرة والغرور بس مانقول الا الله يصبرنا |
إقتباس:
هذآ اسمه دلآل وصآرت آلكوره وظيفه مب هوآيه إقتباس:
الشهره والغرور ماله حل لانه مشكله شخصيه لكن تقدر تحط حد للرواتب شوفوا ايام يوسف الثنيان وماجد اذا مانتحرك ونتكلم ونطالب ماراح تتقدم الكوره عندنا |
لايستحقون هذه المبالغ الخيالية ...........500000ريال على ايه............ |
كَل شَهر نص مليَون ! يَعنيي رآتب وآحد يجيَب لك بآنآميرَآ :D وبيبَقى حول آل 100 آلف زبَن نفسْك فيهآ لنهآية آلشهر ههههههههههههه :D آللهم لآحسد بس :) |
الله يعطيك الف عافيه المفروض رواتبهم ما تزيد عن الـ 20 الف تحياتي لك |
إقتباس:
إقتباس:
ههههههه لو انتم مكانهم فتحت معرض إقتباس:
هذا اللي بمستوياتهم يستحقونه لكن صعبه يخفضون رواتبهم كذا مره وحده نورت الموضوع |
, آلدنيآ آرزآق وآنآ آخخَوك , آلي خلآهم يتبآهون , آلغرٍور , آلشهره , آلمآل .. |
إقتباس:
شآكر لك مرورك عطرت آصفحه بتوآجدك |
الله يزودهم الخير خيرين ويرزقنا الرزق الحلال |
إقتباس:
بالنسبه لتعليقاتكم تراي انا ماحسدت احد ولا كتبت الموضوع عشان تدعون لهم انا ابي تعليقات على الموضوع مب تقرا كلمتين وتجي تعلق اللي بيسوي كذا مشكور ويعطيه العافيه ويحتفظ بتعليقه لنفسه |
| الوقت المعتمد في المنتدى بتوقيت جرينتش +3.
الوقت الان » 10:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd