|
" لهـذا السبب ( لا أحضر للملعب لتشجيع الهلال ) " بسم الله الرحمـن الرحيـم السلام عليكم ورحمة الله وبركـاته مسـاء / صباح .. الخير جميعاً أخواني أنا أنسان ( بـدمِ أزرق ) .. ولكن بالرغم من أني هلالي أباً عن جد .. إلا أني لم أحضـر للهلال مباراة في الملعب نهائياً .. مع العلم أني أسكن بالرياض !! وأكيد السؤال هنا يطـرح نفسه .. < ( سؤال نصراوي ) :s2: أنا ليه ما أروح للملعب وأشجع الهلال !! بكل بساطه أقولكم .. بكل بساطه أو أسف !! مادري اش أختار فيهم صراحه ! لكن السبب الي مايخليني أشجع الهلال في الملعـب هو " طريقة التشجيــــــــــــع " !! .. أيه طريقة التشجيع هي الي ماتخليني أجي وأشجع الهلال في الملعب !! أنا ما حبيت طريقة التشجيع الي يقدمها الجمهور أو الرابطه الهلاليه للاعبين في الملعب .. لأنها مجـرد كلمات وتلحين !! .. أنا جاي أحضر مباراة ماني جاي ( حفله غنائيه ) ! .. يا جمهـور الهلال ويا رابطة جمهور الهلال .. نبي شيء غريب على الملاعب العربيه .. بل والعالميه أيضاً !! نبي تشجيع بصوت واحد .. من غير " طقطقه وموسيقى ومدري ايش " مانبي واحد يجي يغني لحاله من اول المباراة لين نهايتها .. نبي تشجيع زي تشجيع الدوريات الاجنبيه .. كلهم بصوت واحد . أتمنى من الاخوان الي يقرون موضوعي يقولون وجهة نظرهم .. أذا أنتم معاي أو ضدي في وجهة نظري مع التوضيح والتبرير .. أنا أبي أقنعكم أو تقنعوني أنتم .. أنا حقيقه مادري اش أكتب غير كذا لكن أهم شيء الفكـره وصلت .. وهل بكل بساطة " مانبي طقطقه وأغاني في الملعب " نبي تشجيـع .. بصوت واحد وتصفيق مثلاً وموج . ونبي أي واحد شاعر فيكم يكتب بيتين مدح للهلال .. نرددها كلنا بصوت واحد أثناء المباراة .. أو كلمات مرتبه . مانبي واحد يجي يغني ع المايكرفون من بداية المباراة إلى نهايتها .. " نبي نشارك كلنا بدون مايكرفون . عموماً أتمنى الفكره وصلت وأتمنى التركيز جيداً في كلامي لا يجي واحد يقول لي انت متناقض تقول مانبي اغاني وفي نفس الوقت تقول نبي نشجع .. الي انا ابيه مابي واحد ع المايكرفون يغني .. نبي نشجع كلنا بدون مايكرفون . ونبي إبتكارات جديده ياناس . في أمان الله . ملاحظـــــة هامه : بعد طرحي للموضوع أشوف ناس ترد ردود تدل على فكر سطحي جداً وردودهم كالتالي ( أنت جاي تحضر تشجع الهلال ولا تشوف الجمهور وتنطرب ) !؟؟ أنا أجاوب عليك عزيزي الهلالي .. أنا جاي أحضر عشان اللاعبين أكيد .. لكن أنا بسئلكم سؤال !! انا لو رحت احضر المباراة بجلس خارج الملعب لحالي مثلاً !! أو بيكون لي واجهة لحالي !! الجواب هو : أني بجلس مع الجمهـور الهلالي يا ذكي انت وياه .. واذا جلست مع الجمهور بسمع الاهازيج النايمه الي تقوله الرابطه الهلاليه .. فهمتوا أعزائي !! مابي أشوف ردود سطحيه مثل هالردود أو واحد يشطح علي يقول مستغنين عن تشجيعك ! ههههههههه . |
الله يعطيــــــك العافيه بس أنت قد رحت للملعب لو مره واحده .. ؟؟ شف الملعب : والله العظيم متعه وفله بس الشي الي يقهرني بعض الاحيان لابد انك تحضر للمباراه من الساعه 5 أقصى حد .. عشان تجي الواجهه الي مايبي الواجهه يجي أي وقت بس والله داخل الملعب فـــــــله .. تشجيع .. حركات الموج تشوف اشياء ماتعرضها ( الكاميرا ) حاول ولو مره : تجرب تروح للملعب بس لازم يكون معك أخوياك عشان تفلها صح لحالك صدقني تطفـش .. |
والله يا ليت شوف جمهور ليفربول اكثر فريق لديه جمهور حمااااس شوف نشيدهم وااااو روعه اتمنى جمهور الهلال يقتد ببرشلونه او ليفربول في التشجيع |
خلها 2000 واساعدك:ap: اتمنى اني في الرياض عشان احضر كل المباريات واللي يقول المشكله تجي من الساعه 5 عشان الواجهه بالنسبه لي ما عندي مشكله اخش الملعب الساعه 3 فاضي لا شغل ولا مشغله المعذره ما احضر الا المباريات المهمهs13s |
بس لازم يكون معك أخوياك عشان تفلها صح لحالك صدقني تطفـش .. هاذي حلاااهاا انا رحت لحالي بس طفششش :bl: |
تترك عشآن حركآت آلتشجيع مآ تعجبك ؟!!!!!! لآ سألتك بـ الله تحلف ؟ و إلآ تعآل أعطيني كف عشآن أصدق !! أنت أيششش ؟ فهمني !! أنت رآيح آلملعب عشآن آلهلآل و إلآ عشآن آلمدرج و مآ يصير فيه !! و تقول دمك أزرق ؟ آآآآآآآآآآآآآآهـ يآقلبي من آلغغغبنه ؟ و الله لو أن أدري آلمدرجآت بيولعون فيهآ حريقه لآ أترآقص عليهآ و أقول فدآك يآ هلآل ... |
اتفق معاااك اخووي بشكل رهيب لاتلوم الجمهور في هالشي ... اللوم على مجلس الجمهور الهلالي بقياده تركي الهديب للي ماشفناا اي شي ظاهر لنا كمتابعين ومشجعين للهلال وايضاا على البطاطي في اهازيجه الميته واللي تجيب الاحبااط في بعض الاحيااان |
عفوااااااااااااااااااا الهلال ماوقف ع تشجيعك اخوووووي خلك فبيتكم ولا تجي وتسوي زحمه زي حال بعضهم عشان ياكلوون فصفص خخخخخخ |
انا اتفق معااك وبقوه بعد .. :yes: صرآحه الاهازيج الي من الرابطه مالها دآعي هآذي للاتشاد والفقر مو للزعيم. :ba: اتمنى يكون ترديد اسم الهلآل من الجمهور بصصوت واحد او حركه الموج أو أو ....... الخ :s5s: :smilie47: ,مو واحد ماسك لي المايك ويغني بلحاله. :mad: tanx :rose: |
هههههههههههههههه اجل عشآن الجمهور .. جآي تشوف الزعيم ولآ جآي ترقص وحركآت |
أنا معك و عندي نفس وجهة النظر , أنا لو إني أبي أحد يغني لي و يطبل لي عرفت وين أروح , و فيه أهازيج سامجة لا تسمح للجمهور المشاركة , لصعوبة ترديدها , المفروض يكون فيه , كلمات بسيطة و سهلة , مثال/ بالطول بالعرض الأزرق يهز الأرض , يدورون لهم جملة وحدة تخلي الجمهور كله يشارك فيه الكبير و الصغير .. و الأهازيج تكون إنتقائية .. و أتمنى موضوعك يلاقي ردود فعل لإن ربعنا موب معطينك وجه , سبق و جربت أروح محمد غندر |
أخوي انت جاي الملعب ليه ، عشان الهلال والا عشان الرابطه ؟؟؟؟؟؟؟؟؟؟؟؟؟؟؟؟؟؟؟ |
انا بعد مثلك بس انا كنت احضر زمان ووبعده سحبت على الملاعب صراحه الي يروح مايشوف ولا يسمع شي ماغير ازعاج وزحمه وحر ومشاكل مع الشرطه والاماكن كلها محجوزه واذا بدت المباره ماتقدر تشوف شي والاعبين موب واضحين واذا جا هدف ماله اعاده الا ذيك الي ماهي واضحه ولا فيه تعليق ولا تحليل ,,, انا احب اشوف واستمتع واركز في الملاعب هالاشياء مستحيلة تصير عشان كذا احسن شي غرفتي وكاس شاهي وفله .. او المقهى مشكوور خيو على طرحك |
اتفق معاااك اخووي بشكل رهيب لاتلوم الجمهور في هالشي ... اللوم على مجلس الجمهور الهلالي بقياده تركي الهديب للي ماشفناا اي شي ظاهر لنا كمتابعين ومشجعين للهلال وايضاا على البطاطي في اهازيجه الميته واللي تجيب الاحبااط في بعض الاحيااان |
أنت تره جـآي تشجع مو جاي عشان ترقص وتنـطرب..:to: |
| الوقت المعتمد في المنتدى بتوقيت جرينتش +3.
الوقت الان » 07:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd