|
لغز حيرني ويؤرقني ؟؟؟؟من يجيب عليه ؟؟؟؟ بسم الله الرحمن الرحيم أخواني الزعماء مالذي يحدث في الهلال منذ عرفته من قديم الزمان ،سوف أكتب أسماء وتعرف الجماهيروخاصة المخضرم منهم مغزى سؤالي محمد التمياط ،فهد الغشيان ،عبدالله الجمعان ،خميس العويران ،أحمد الدوخي ،يوسف الحيائي،(حتى الثنيان في بداياته)،نواف التمياط ، خالد الدايل ، والان ياسر القحطاني لو لم أكمل سؤالي لعرف الهلاليون ماذا أقصد ؟ ولكن من أجل نشر الموضوع وعدم حذفه لقصره من قبل المشرفين سأكتب تساؤلي ؟ هؤلاء النجوم هم أبرز من لعبوا في للهلال ولكن لم يخدموا الهلال لفتره طويله الا الثنيان ...ياترى مالسبب هل الهلال منحوس ؟ أم بروز النجم بشكل لافت في الهلال تبدأ تشتغل قلوب الحساد لوأد النجم ، أم تسليط الضوء على النجم بشكل مبالغ فيه يجعله يهرب من الاضواء ليبحث عن حياة الاستقرار والهدوء وراحة البال الاتذكرون محمد التمياط (طائر النورس ) وبروزه الملفت للانظار في مركز الجناح الايمن واختفاءه سريعا الاتذكرون (الغشيان ) وبروزه الذي اشغل الساحه الرياضيه واختفاءه بسرعه ألاتذكرون المدفعجي (عبدالله الجمعان ) الذي تضمن نتيجة المباراه بتواجده واختفاءه بعد فترة بسيطه من تألقه ألاتذكرون يوسف الحيائي راس الحربه البارع الذي يملك كل مواصفات راس الحربه واختفاءه بسرعة البرق ألاتذكرون (العويران والدوخي) وانتقالهم من الهلال ونحن بأمس الحاجة لهما بعد بروزهما بفتره ألاتذكرون (تألق خالد الدايل ) وتركه للكره ونحن بأمس الحاجة له ألا تذكرون (يوسف الثنيان وانقطاعاته ولم يستطع الهلاليون اقناعه الا ببداية التسعينات وكان سببا رئيسيا في زعامة الهلال لاسيا بعد انتظامه ) (نواف التمياط ) بعد عودته من الاصابه لم يستطع العوده لمستواه ياترى مالسبب؟؟؟؟؟؟ والان النجم الكبير ياسر الذي طالما بحثنا عمن يملأ هذا المركز سنوات طوال والان ....كأننا تعودنا على رفض ماأنعم الله على الزعيم بهذه الموهبه الفذه وما أراه في المنتدى كأننا نريد ان نعض اصابع الندم مستقبلا على محاربة هذا الموهوب ( ملاحظه / يحظى الكابتن المحبوب الشلهوب بعناية خاصه اعادته لمستواه رغم وصوله الى مستوى متدن جدا خلال موسمين ، كما يحظى اللاعب المصري علي بعناية خاصه رفعت من مستواه .....نتمنى ان يحظى ياسر بما يحظى به النجمان ) الف تحيه للجميع |
ياخوي الله يطول لي بعمرك .... ياسر اكثر لاعب في الملاعب السعودية تم الاعتناء به ( وتدليله ) .... هذي السنة الثالثة على التوالي التي نشاهد فيها ( ياسر ) يتطور ولكن ليس في مستواه ،،، يتطور باختيار النظارات الجديدة ،، ومتابعة اخر صيحات الموضة ،، إلى متى بس؟؟؟؟ أنا ابي اعرف بس إلى متى نهتم ونقول بيرجع؟؟؟؟ ما مر أي لاعب في الهلال خلال 50 سنة حضي بهذا الدلال والـ ( دلع ) مثل ماحضي به ياسر!!! يكفي والله العظيم يكفي ...!!!! |
والله وانا اخووووك كل واحد من اللي قلتهم وله ظروف وله اسباب يعني ع سبيل المثال ,,التميااط لعبت فيه الاصابات تقبل مروري ,,,, |
الإدارة هي من وضعت ياسر بها الشكل شوف شلون تعامل إدارة محمد بن فيصل مع الشلهوب . |
يالييييييييييييييييييييييييييييل يعطيك العافيه يابطل ع الموضوع أحس أني بديت أكره ياسر وكله من سبتكم ياسر فيه و فيه عاقبوه خلوه احتياط سووبه حطوه وسط . افعلو افعلو تراه انســــان وكل انسان يخطي .. هو كل مايرجع مستواه تجيه اصابه وكل شي بيد الله أنتم تحبونه صدق !! أدعو له .. بالتوفيق ويرجع لمستواه وييقهر العذال انتم ماتشوفون هنا فيه جماهير تقهر ياسر كل مايلعب . مع اي فريق ازعجوه {{ ياسر وينه فالا؟؟؟؟؟ }} والله حتى في قطر يقولوونها ؟؟؟ بالله انت لاعب تسمع هالكلام واشاعات وش بيكون موقفك ؟؟ انا اعتقد ان مشكله ياسر نفسيــــــــــــــــــــــــــــــــــــــــــه جيبو ل ياسر دكتور نفسي مع أنه الاصابات هي الي ضيعته هالموسم ولا .. 10 أهداف وهو مالعب كل المباريات معدل تهديفي جيد جداَ بمثل حالته |
إقتباس:
الناس مايعجبها العجب ياخوي انا باضرب لك مثل معاي جوال n70وأنا قادر اشتري موديل جديد لكن ماابغى كل مايطلع جوال اخسر 500ريال والمستفيد هالشركات مسوي نفسي قدوه لمن يراني لكن تصدق ان الاطفال يضحكون لاشافوا جوالي لانه قديم وانت تبي ياسر يظل على النظاره القديمه وهو نجم سوبرستار تحت الفلاشات أكيد بيلبس كل ماهو جديد نعود لمستواه هو هالحين يقدم مستويات جيده وهذا ويلهامسون والشلهوب يشوتون الكوره سماء ولاشفنا احد قال شئ الاياسر كل شوته لازم قوووووووووووووووووون |
إقتباس:
ابغى ارد عليك قبلهم لانك متوتر يالحبيب ياسر يابعدي يسوى بؤبؤ عيني ولا اتمنى وياليت كان المشرفين حريصين عليه حذف اي موضوع عنه لمدة ستة اشهر وشوف وشلون يعود بعيدا عن الضغط اما الاهزوجه والله لاتقدم ولاتأخر كلاب تنبح وأصلا من يرددها هم سرابيت دشير عليهم من الذنوب والمعاصي ماتنؤبحمله الجبال (كلنا عيال قريه وكل يعرف أخيه) لاجت العطله الصيفيه رح لشرق اسيا وشاهدهم حتى ان البعض يصل لعمر المئه وهو في وضع مزر نسأل الله لنا ولهم العافيه .........هي بس وقفت على ياسر وهل هي حقيقه ام تهمه ملفقه |
إقتباس:
|
يعطييييييييييييييييك ألف عااااااااااااااافيه تعبنا واحنا نتكلم بهالموضوع بس جمهور الهلال مو راضي يفهم يقولون قدرنا ظروفه وساندناه ومدري ايش!! طيب ياسر في بداية الموسم كان مقدم مستوى جيد وسجل اهدااااااااف بعدين جته الاصابه وبعد الاصابه مالعب زين وهاذا شئ طبيعي مدري متى بعض جمهور الهلال راخ يفهم ويستوعب الوضع الى يمر فيه ياسر انا عن نفسي راح ابقى واساند واقدر وادافع عن ياسر للابد طول ماهم يسوون فيه كذا !! ما مر أي لاعب في الهلال خلال 50 سنة حضي بهذا الدلال والـ ( دلع ) مثل ماحضي به ياسر!!! أخوووووي كل واحد له وجهة نظر ومره ثانيه قدم وجهة نظرك بدووون تجريح وعبارات مالها دااااااااااعي وس لون ياسر بيرجع لمستواااه وفي واحد زيك بس يحطم فيه |
إقتباس:
ثانيا / متى اخذ باقي عقده قبل شهر وهوموقع له سنين ثالثا/ عندما سجل هدف في الغلرافه في البطوله السابقه بقطر باخر الدقايق قالوا الفوز من سامي يمكن هو من صلح له الكوره ويخرج سامي ويقول الشلهوب والمحياني نجوم المباراه وبالاحضان بعد تسجيل الاهداف ماعمرنا شفنا سامي حضن ياسر ....هي مومهمه لكن لماذا يحرص على تحضين الشلهوب والمحياني والمصري ............طيب وياسر ولاتنسى لقط الاميرعبدالرحمن كلمة صحفي سأل عن عقود اللاعبين وجاء الامير يقول ان الصحفيين شملهم ان لاعبينا لايستحقون العقود الكبيره ................ياسر جاك وهو تارك 20 مليون زياده من البلوي وجالس تتحكم فيه كيف بيعود لمستواه |
ياسر مبدع وان شاء الله يكون رده قاسيا" لمن اساء له والله يوفق الزعيم . |
ياسر انشاء الله بيرجع من الجزيرة الاماارااتي وتقولون اني ما قلته |
الغشيان والعويران والجمعان والدوخي سمعوا كلام اعدا الهلال وصدقوهم وشف وين ودوهم والتمياط والدايل اعتزلوا لاسبابهم |
ياسر بيرجع وقريب جدا وتحطمية كذا مراح يرجعه بالعكس راح يزيد الامر سوو .. اي لاعب في العالم عادي ينخفض مستواه طبيعي والمطلوب منا يالجماهير ان حنا اذا بنتقد ننتقد طريقه معقوله بدون تجريح وكلام منه فايده ويمكن يزيد الوضع سوو .. ياسر بحاجة الجماهير والوقفه معه مثل مالجماهير دايم توقف مع الاعبين لمن ينخفض مستواهم .. |
الله يوفق الهلال ويوفق جميع اللاعبين وياسر اولهم ان شاء الله بس عندي ملاحظة .. هل عمركم شفتوا سامي او الشلهوب او التمياط او يوسف حاطين ربطه بيضاء على اليد اليمين وسوداء على اليسار ومليون ربطه على الشراب تقول قوس قزح ومن هالكلام والله كل تركيزهم بالملعب وبالجمهور والادارة وبأنفسهم سامي ياما انضرب ويقوم ويكمل ماكأنه صار شيئ .. التمياط كذلك .. والثنيان حدث ولا حرج يقاتلون على الكورة حتى يسقطونهم غصب عنهم ... حتى طيحة ابويعقوب فن ماقلنا شيئ يكشخ ويلبس بس مو على حساب نفسه وحساب فريقه وادارته وجماهيره الوفيّه لعلمك ياسر اعرفه واعرف اهله ومن نفس القبيله كلنا بس هالشيئ ما يسر احد ماعمري تكلمت عنه بس وربي طفح الكيل كل يوم موضوع نبيه يهتم بنفسه لانه هو يعتبر جزء من تاريخ الهلال زيه زي سابقين الذكر عمالقة الهلال اتمنى له التوفيق والعوده لمكانه الطبيعي بالملعب وفي قلوب محبيه ... وسهم في خاصرة خصوم الهلال دمتم بود |
| الوقت المعتمد في المنتدى بتوقيت جرينتش +3.
الوقت الان » 07:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd