|
مــــن الــمــتــســبب في الــكارثـــة ؟!! استبشرنا خيرا بمقدم المدرب كالديرون وقابلنا الفتح ومن على شاكلته وفزنا عليهم بشق الانفس وقلنا هذا المدرب الذي طرده الاتحاد بعد الخمسه الشهيرة من الزعيم قد تعلم من اخطاءه وحتى الان نقنع انفسنا بهذا المدرب ولكن لاحياة لمن تنادي لم أعد احتمل مشاهدة زعيم سيسقط من اضعف الاعداء بمستوى هزيل وتكتيك عقيم وطريقة لعب بدائيه ولاعبين فاقدين العزيمة والطموح فلولا توفيق الله ومن ثم ابداع حسن العتيبي في مباراة الغرافة ومباراة الاتحاد لقلنا لزعيمنا هارد لك على الخروج المذل من المعترك الاسيوي والمحلي ففريق بمباراة الغرافة والاتحاد فقط يرمي بالكرة الى لاعبين الوسط في الفريق المنافس ومن ثم تعود الهجمه ولاتقف الا بين يدي حسن العتيبي لايستحق ان نصفق له لم اتعود هذا الضعف من الهلال ولم اتعود على التمريرات المقطوعه بمنتصف الملعب بهذا الكم يجن جنونك وانت ترى الهلال يشتت مدافعيه والحارس الكره وتعود لهم مباشرة دون حراك من الفريدي ورفاقه مايزيد الأمر سوءا هو المدعو المدرب كالديرون اسأل نفسي تارة هل يرى هل يسمع هل يتكلم ,,,, ولكن (ماعافه الطير وهو به خير ) هل يشاهد التمرير الخاطى هل يشاهد سوء التغطية بالمنتصف هل يشاهد سوء المهاجمين واللخبطة داخل المستطيل الخضر لم ارى منذ عام 1415 اسوء من مستوى الهلال هذه الايام فوالله مستوى يندى له الجبين ونحن امام مباريات مصيرية في المعترك الاسيوي والدوري السعودي من يتحمل هذا الامر في هذه الفتره هو شخص واحد ولكن التطبيل الزائد يعفيه من تحمل النتائج السلبيه يتحملها الكابتن سامي فهو من أصر على اختيار المدرب ومن أصر على اختيار المهاجم أحمد علي الذي لااعلم على اي اساس تم اختياره هل على الكنترول الضعيف ام على مهاراته التي تشابه مراوغة الليو أم مــــاذا ؟ نريد هلال ايريك جريتس أريد هلال وسطه يتحرك ولايتبختر في منتصف الملعب نريد هلال تعد على الاصابع تمريراته الخاطئه وليس الصحيحه ؟ اريد هلالا يفوز بالثلاثه والاربعه والخمسه اريد هلالا احضر في المدرجات وانا واثق من تقديم مستوى يليق بقامة هذا العملاق الاسيوي كابتن سامي نريد مناقشة المدرب على تغييراته السيئه على بطئه في سد الثغرات الواضحه خلال المباراة نريد شافي الدوسري يسد مكان الزوري وليس ذنبه ان لم يوقع العقد حتى الان يتم ركنه في الدكة حتى يتم التوقيع معه باقل الاثمان ؟؟ الاخطاء واضحة وضوح الشمس في رابعة النهار ولكن أين الطبيب ؟؟؟؟ أيـــــــن الــــطبـــيــــب الذي سيداوينا قبل ان يتمكن المرض من زعيمنا ؟؟؟ :ba: http:///Mar11/92I65977.jpg |
اخوي موضوعك فيه تحامل وتهويل الامور كما كانت للاتحاد فرص كانت للهلال فرص .. اوافقك الرأي ان كالدي اخطأ اخطاء في بعض المباريات ولكنه هذا لايعني فشله لاحظ معي ان الفريق لم يكتمل مابين اصابات وايقافات حتى الآن يغيب ياسر ثم يعود .. يعود نواف العابد ثم يغيب .. يغيب الدوسري ثم يعود وكلها اسباب الاصابات رادوي لم يلعب المباراة لسبب الايقاف .. الزوري يعود بعد غياب طويل للاصابه وهذا مايجبر المدرب على عدم ثبات على تشكيلة معينه بالنسبة لاحمد علي انا اشوف انه مقلق للدفاع ومتحرك لكن عدم التوفيق يعانده دايم ولو يلعب مع ياسر في المقدمة راح تكون مهمته سهله .. ولاتنسى انه يلعب مهاجم وحيد وعلى فكرة الكنترول افضل شي عنده .. مايفتقده المهارة .. ويتميز بالقوة كل الشكر لك |
انا دائماً وابداً احسن النية لكن مسجل من 2006 33 مشاركة فقط لا تعليق |
إقتباس:
|
لا حول ولا قوة الا بالله الرجل على مشارف بطولتين بتوفيق الله وانت تقول ...............؟؟؟؟؟؟ |
من جد مستوي الهلال مايبشر بخير الله يستر |
إقتباس:
اخوي هذا المبرر غير مقنع لأن مثلا عدد لاعبي الوسط في الهلال خمسة و غالبا العابد و الدوسري ما يلعبون ثنينهم اساسيين وويلي ما كان مصاب الحمد لله و لا الشلهوب و كمحاور عزيز من فترة كان جاهز و القرني كذلك و الفريدي برضوا ياسر حتى لو ما كان مصاب مستواه طايح و يمكن ما يفرق مع الفريق كثير حتى بالنسبة للزوري فشافي ما كان سيء اطلاقا المشكلة مو في الادوات الفنية ( اللاعبين ) المشكلة ان الهلال ضعيف جداً تكتيكياً و فيه عشوائية فظيعة في وسط الملعب بالإضافة إلى حرمان الفريق من أفضل صانع لعب ( الشلهوب ) ووضعه لاعب محور و الاصرار على الفريدي في صناعة اللعب بالرغم من بطئه الشديد و الطامة الكبرى هي الموافقة على أحمد علي لأن كالديرون يبي يعتمد على الكرات العرضية ... الهلال عمره ما كان يعرف يلعب بطريقة الكرات العرضية .. الهلال تاريخيا خطير في العمق و مهارات لاعبين الهلال هي السبب في نجاح هذي الطريقة |
نقد لمجرد النقد واجد لك مبرر إنك حريص على الفريق لكن بسألك هل كالدي قال لدوسري وياسر كل شوي زحلقوا أو قال للفريدي اقعد ساعه لين تمرر الكوره ياخي الإتحاد يعيش افضل حالاته عكس الهلال اللي مستواه متذبذب والتعادل من صالحنا ماخسرنا شي والدوري لازال بأيدينا وأنت تحلف إنك لم ترى الهلال من فتره بهذا المستوى وشكلك نسيت هلال اديموس والعجلاني سلام عليم |
لم ارى منذ عام 1415 اسوء من مستوى الهلال هذه الايام فوالله مستوى يندى له الجبين ونحن امام مباريات مصيرية في المعترك الاسيوي والدوري السعودي اخوي الهلال يمر بضغط مباريات عجيب ولازم نقدر هالشي ولاتنسي انها مباريات حساسة جدا للزعيم وضغط نفسي على اللاعيبة اتمنى انكم تراعون هالشي ولاتحكمون بعين اللى مايحب الهلال خلوكم واقعين |
يارجال الاتحاد مقفل لاعب بـ 6 دفاع وش تبينا نسوي |
والله صكني راسي ادخل موضوع يحمل سنون ياسر سوء مستوا الهلال ودخل ثاني يحمل برود الفريدي الطامه الي نزلت على الهلال وداخل موضوع ثالث يقول الشلهوب ما هو في الفورمه ويقولون حرمة ولهامسون سبب خسارة الهلال < قديم صح وعاشر يقول الشاطر حسن وخامس طعش يقول المدرب وسامي جاه حقه وحتى الدعيع ما سلم وهو يحلل لو تا تشوف كل واحد منهم وجهت نظره بعيد(ن) عن التعصب تلقاه على صواب ولو تاتجمعها في قالب واحد ينتج عنها روح الهلال والله ماعاد فيه روح لدى الاعبين (الا في بضعت مباريات في الموسم) تحسهم يلعبون ويطالعون الساعة متى تنتهي المباره (يذكروني بحلتنا قبل الفطور برمضان) |
اهم شي بالمدربين هو قراءة الخصم وهذا يفتقده كالديرون |
ماعندنا احد يعطينا بلنتي مثل فريقك اجل الكوره تضرب جنب هوساوس والحارثي يبي بلنتي يحسب الحكم من الجماعه بعدين عمك ابوعبدالله رفع اربع بطولات والخامسه بالطريق ان شاءالله وانت ورئيسك ماترفعون الا البيانات |
المستوى ليس مقنع ولكن ليس بهذا السوء الذي وصفته التهويل لا يخدمك ويفقد موضوعك المصداقيه لو جت وحده من الفرص العديده اللي سنحت تغير كلامك قصدي اختفى موضوعك لأن في ناس ما نشوف معرفاتهم الا للتهبيط والسب |
والله اشوف كل واحد صار مدرب ومحلل وحكم،، صحيح الهلال مستواه متذبذب ،، فالهلال الذي خسر من الفريق الايراني غيرالهلال الذي كسب النصر بعد الخسارة الاسيوية،، ثم عاد وبمستوى غير مقنع امام الغرافة؟ لكن ماننسى ضغوط هذه المباريات يعني الهلال يلعب امام الغرافة ولا يملك اي نقطه في الرصيد الاسيوي ويلعب خارج ملعبه وامام الغرافة الذي يريد الثأر لخسارة الموسم الماضي وايضا يريد اصلاح وضعه امام الهلال بمدربه الجديد متسوووووووووووووووو؟ ولكن ماننسى ايضا كل الفرق مستوياتها متذبذبه الفرق الوحيد بينهم وبين الهلال ان الهلال بمستواه غير المقنع مازال يتربع على صدارة الدوري ويمسك بقبضة البطولة بفارق ست نقاط،، ومتأهل طرف في نهائي كأس ولي العهد ،، ويحارب على جبهة ثالثة في الدوري الأسيوي؟ ويعاني من اصابات وايقافات فما يكاد يعود رادوي للعب حتى يوقف مره اخرى. اضافة لاصابة المحاور الغنام والبرقان مع وجود عزيز وحيدا في ظل هذا الغياب وعزيز كما نعرف عائد للتو من اصابة يعني لم يكتمل لياقيا.. لا بد ا ن نلتمس للفريق العذر وندعم اللاعبين ولا نحاربهم ولكل مباراة ظروف وتكتيك وكلنا رأينا الهلال في اخر ربع ساعة مع الاتحاد عندما لعب احمد علي بجوار ياسر مع وجود ويلي كان هناك تهديد لمرمى الاتحاد. واصلوا الدعم بالكتابة والحضور والتشجيع لنحتفل مبكرا ببطولة الدوري نحتاج (13) نقطة لحسم البطولة هذا في حالة كسب الاتحاد لجميع مبارياته المتبقية لكن احتمالية خسارته لنقاط معينه وارد وبالتالي ربما نحتاج لنقاط اقل من الـ (13) لحسم البطولة. |
اي كـــارثـــــة بســم اللــه عليــكــ شكـــلكــ تـــوكــ قــايم مــن النــوم وش رايــك تفطــر بــس اجــل مــن 1415 :ap::ap: يــاخــي الزعيــم نــادي بطــولات ومــن الطبيــعي ان يــكون هنــاكـ تــذبــذب فــي المستــوى تــراهــم بشــر ولا هــم بــآلات الظــاهــر لــو يجــي مــورينهــو ويــدرب الهــلال ويخســر مــايعجبــكم تقبــل مــروري |
الهلال يلعب باسم لعيبته (ومن قدوم كلدرون) ضاعت هوية الهلال لا يوجد ضغط على حامل الكرة ولا لعب للمسة الواحد ... وكلمة حق لو الله سبحان وبراعة حسن العتيبي اما الغرافة والاتحاد لو وجدنا النتائج مثل اصفهان الايراني |
الغريبة ردودكم ... كلها انتقاد للكاتب وكانه قايل جريمة بس لو دخل قول واحد بحسن العتيبي البارح كان علوووووم (ابي اذكركم بشي جرتس هزم كالدرون مع الاتحاد بخمسة) |
إقتباس:
اتق الله .. ودع القوس لباريها |
ايه صح الهلال مهوب متصدر الدوري بفرق 6 نقاط ولا هو الثاني بمجموعته بالاسيوية ولا عنده نهائي كاس ولي العهد بعد ان اخرج الاهلي والنصر ايه صادق المفروض نسكر المنتدى ونقلبه بوفيه فول ومعصوب |
اذا بررنا بالاصابات .. اجل وين دكة الاحتياط اللي احنا نتفاخر فيها .. اليس البديل بمستوى الاساسي .. ياجماعه الهلال ناقصه وسط قوي مثل التائب .. اللي طلع ماجم وهداف من لامهاجم .. |
كلام في الصميم أتمنى ان يجد صداه لدى الادارة ولو كان كلام صالح الحمادي حينما قال الهلال يفتقد شخصيه البطل هذه الفتره لكنت وافقتة !!! |
إقتباس:
000000000000000000000000000000000000 |
إقتباس:
جوابا على سؤالك وعذرا على قسوتي لك , المتسبب في الكارثة هو الجمهور الذي لا يقرأ الفريق كاملا وأيض الذي لا يقرأ اللعبة جيدا , وأيضا الذي لا يقرأ التكتيك جيدا. لقد تحدثت عن الفريق إداريا وفنيا ولاعبين , ولم تنل الخطوة على رضاك , ولا اللاعبين , أما إداريا فيكفي الإنضباطية داخل الملعب , أما خارجه فلست ملزم بمعرفته أو يبرر لك. أما فنيا فبعض الكرات مقطوعة وهناك بعض الأخطاء , نتيجة للخطة الدفاعية البحتة من قبل فريق الإتحاد - لعب بظهيري جنب , وقلبي دفاع ومحورين , ولاعب وسط مساندين لوسط الملعب ومهاجم واحد -, وأيضا نتيجة الضعط على حامل الكرة , وأيضا عدم خلق مساحات لتمكين لاعبي الهلال من الحرية في نقل الكرات البينية - العودة السريع لمنتصف الملعب واللعب على الكرات المرتدة -, والنقطة الأهم هو الكم الهائل من اللعب العنيف داخل الملعب , نقطة أخرى , التوتر الواضح على اللاعبين خشية فقد نتيجة اللقاء , جهد اللاعبين المبذول رائع جدا والنتيجة رائعة جدا للهلال وتسبب ضغط هائل على افتحاد في جميع مبارياته القادمة. من جد ما أدري وش يعجبكم يا جمهور الهلال , كالدي من أفضل المدربين قراءة للمباريات ووضع التكتيك المناسب لكل مباراة. شكل الواحد يتراهن مع أصحابه على الفوز وإذا ما فاز حط حرته باللاعبين والمدرب والإدارة تحياتي أخوي وأرجو النظر بعين هلالية وعقلانية وهدوء وتحليل منطقي مفيد, حتى لو ما أعجبتك النتيجة |
إقتباس:
اما احمد علي تقول متحرك كان ليلو امبيلي متحرك ... نبي هداااااااف وهدااااااف فقط |
إقتباس:
وحاضر مباريات الهلال داخل المملكه وخارجها مو مثل غيري ارجو ان نناقش فكرة الموضوع فقط |
إقتباس:
ولاتنسى ان الدوري جاء بمجهود غيره ؟؟ بمجهود الكوتش اللي قبله نبي نشوف كالدي بالبطولة الاسيويه .........الله يستر بس |
إقتباس:
|
إقتباس:
اذن اين المدرب ؟؟؟؟ |
إقتباس:
واذا اللاعب مو مهيئ نفسيا ودائما الاعذار نفسيه ....وينهم ماقدموا لنا بالاسيويه مستوى لما امتلأ الاستاد عن بكرة ابيه |
إقتباس:
|
إقتباس:
|
إقتباس:
ووالله لم اقصد تهبيط ومو من عادتي اكتب بس مستوى الفريق مخيف جدا جدا |
صصحيح آن آلمسستوى مو مقنع بس حط ببآلك آننآ مآخسسرنآ ولآ مبآرآه آلى آلآن ولله آلحممد وآلآتححآد آلكل يعرف آنهم مقفلين آلملعب بآلآسسآس وبعدين قدآمنآ مبآريآت مهمه مآله دآعي هآلكلآم وآحممد علي يوم كآنه بدآ يقدم مسستويآت جيده تقول مآآدري ليش جآيبينه آحمد علي آفضضل آلموجودين في آلهجوم آلآن |
اي كـــارثه يرحم امك اكتب موضوع زي الناس اللي يشوفك خارج من كل البطوولات وربي جمهور يجيب المرض |
يااخي انا مستغرب الحين كااالدي وصل للهلال نهائي كأس ولي العهد وهو متصدر ال ثاني شيء عن المستوى : اكيد بيصير مستوى الهلال كذا من ضغط المباريات يكفي 9 مباريات متتالية كلها قويه الأهلي - سباهان - النصر - الغرافة - الاتحاد - الاتفاق - الجزيرة - الشباب - النصر شوف كم مباراة قويه بيلعبها الهلال متتالية . ولاننسى الوحدة بالنهاائي . |
للرفع ياما حذرنا وحذرنا من بداية المشكله ...ولكن كنا مندسين واذناب و....الخ |
كنت في بعض مباريات الدوري وأسيا أحس أن المدرب يريد هزيمة الفريق بالقصد ولكن نجوم الزعيم ينتفضون بمجهوداتهم الفردية .. فاطرد ذلك الهاجس الأن تأكدت أن كالديرون مهمتة الأصلية هي ايقاف الزعيم وليس الأنتصار بالله هذا مدرب والذي أكاد ان أجزم بانة هو من زرع تلك الروح الإنهزامية في نجومنا.. نريد مدرب حماسي و ناري لايرحم اللاعبين ولا الخصوم تحياتي |
| الوقت المعتمد في المنتدى بتوقيت جرينتش +3.
الوقت الان » 07:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd