[جن جنوني بحب الهلال]

أتمنى محاسبة هذا الشخص..العشكري..لا أخلاق ولا أحترام ولا شي..

سٌلامٌ عليكمٌ..

وشلون الهلاليين..هٌاردلك لنا..معوضينٌ با الدوريٌ إن شاءٌ اللٌه..

طالٌ عمركمٌ..من ذهابيٌ إلى خروجيٌ من الملعب..كل شي غبنهُ..
وأسف على الصور البايخه..الي ماتستاهل..كنت والله ناوي على تغطيه

ماراحت ولا جت..بس الهمج هالعشاكر..خربو علي كلش..قلع أن يقلعهمُ..

..العساكر الامن في الملعب ....اقسم بالله عليهم تفتيش ابن ستة وستين كلب..

ياخي حتى الاعلام مثل الناس واللافتات ما يخلونك تدخلها !!

كيف ياخي تبي تعيش اجواء اوروبيه (ابطت) بملعب زي هذا ...

يجونك عسكر اغلبهم معهم شهادة المتوسطه.... و تعاملهم همجي ....

لا احترام ولا اخلاق ولاشي....وقسم بالله هذا اللي يقرفك من الملعب

كله ناس زي كذا يكون لهم سلطه عليك ويذلونك فيها.. ..وتلقاه مستلم من الصبح

ومعصب ونفسه بخشمه....ويطلع حرته فيك ؟؟ ....وش ذنبي اناا ......؟

حتى الصلاة يذلك عشان يخليك تطلع تصلي ؟؟..والله اشتري راحتي واجلس بالبيت..
ماتطلع من الملعب تصلي يقولك تبي تصلي رح صل بس منتب راجع..

لاحظوا التخلف بس...احد المباريات والله اني مصلي انا وكم واحد بالدرج الله يعين بس..

والله لو تعرف وش يواجه جمهور الهلال وهو با المدرج يمكن ما تصدق..

مضايقة من رجال الامن + مصادرة الشالات والاعلام واللوحات والكاميرات حسب
المزاج +ممنوع ادخال الماء او اي مشروب مهما كان + ممنوع الخروج من المدرجات
والصلاة في المسجد خارج المدرجات والعوده للمدرجات ممنوع + ممنوع احظار اي نوع
من انواع الاكل مهما كان+ الجو الحار او البارد + زحمة شوارع الرياض اللي ما تطاق +
عشان القى مكان زين وحلو لازم اجي قبل المباراة بساعتين + الي تكلمنا عنه فوق..
مايحتاج أكرر+ بعد المباراة والتدافع با الخروج والتنظيم السئ.......


.وبعد كل هالظروف اللي تواجهني احظر واتفاجأ بمستوى هزيل ولا بريال...
وتبوني احظر ؟ ليه ........عموما هذا اللي يواجه جمهور الهلال با المدرج
ان كانكم ما تدرون.....,,

يكفيك ان ملعب الملز بحي راقي..... وماتشوف اشكال غبيه ولا عسكر اغبياء

الا كم واحد....ونفس الشي سيارتك عادي تاخذها هناك.. لان الحمدلله المواقف
بشارع منور وعلى الشارع العام ....لكن القهر لصارت با الاستاد..

شيء يحز بالخاطر ما نشاهده نحن كـ مشجعين للهلآل ..لآ تلومون الجمهور إن ما حضر ..
والله لا تلومونهم .. !لآنكم ما ذقتوا مرارة الى ذاقوه في رحلتهم من البيت للملعب
و من ثم من الملعب للبيت .. ! .. شيء يقرف و يخليك ما تتمنى انك تحضر .. و تعامل شديد
من رجال الآمن للجمهور و ينظرون لك كـ مشجع بنظرة حقد .. قسم بالله أسلوبهم سيء جداً ..

البارح بعد لقاء الشباب واحد معلق علم الهلآل بالكبوت المهم وقفه عسكري و قال له
شيل العلم .. الرجال نزل و شال العلم و قال وش فيها لو خليت العلم .. قسم بالله على طو
ل قمزه بالباص للقسم !!! ليه تقمزه وش مسوي هو عشان كل هذا !! وبصراحه سؤاله
صحيح ليه اشيل العلم وش في شيء يخالف اني احط العلم و بسرعه البرق هالرجال بالباص

ياخي شوفو وش يصير معنا لو حضرنا مباراه بالاستاد....
المباريات تجيك بنص الاسبوع.. / الكرسي مغبرررررره و تقعد تنظفها بملابسك..
لا فيه لا مطاعم.. ..ولا حتىكافتيريا.. , حاطين لنا مقصف ما يبيع الا لوزين و
بسبسي حار.. ..ممنوع تدخل مويه او اي شي معك للمدرجات ,..
حتى الفصفص يقولك فك الكيس و حطه بمخباتك وارم الكيس..
واللي يغبنك زياده " ممنوع تدخل معك اعلام " ,.. خير خخخخخ..

يعني لو ما دخلت هالشعارات وشجعت بالملعب.... بالله وين استخدمها بملحق بيتنا!
هذا غير لو هي مباراه نهائيه.. ..لازم تجي قبل ما تبدا المباراه بـ 4 ساعات ,
يعني تقريبا ممكن تضيع بالملعب 7ساعات من يومك وانت طفشان وقافله معك

والله ياجماعه لاتلومون الجماهير إذا ماحضرو..
أجل تبي تجي للمباراة وعنوآنك المطبوع على الجـبين
{ اذا كـان من حقك ان تـدخن فمن حقى ان اسـتنشق هـواء نـقي }..
وتنـصدم في النهاية كل واحد مطلع لي { بكت دخان حق هنود }..
وشاب الزقارة ..ويكتمك بريحة دخانه الخايسه..
كل هذا يصير....وفوقه سوء تنظيم فوق هذا كله ناس
تجي الملعب للاستهبال.. فقط ويخرب جوك..

كل اللي ذكرته بهـالنقطه انا معاكم شي يقهر... بس ماتلوم بعض الجماهير..
لما يروح من العصر وفي اوقات يكون حر وشموس وطبيخ .. ويجيك من حقين
الامن واحد رافع خشمه ويتفلسف عليك بطريقه.... وكأنك تشتغل عنده....

.. ماادري متى نرتاح من هالشي .... غير القرارات الاخيره وزي ماقلتوا ممنوع ممنوع
.. وكلها اشياء غير مقنعه .. ..وهذا اللي قلل عدد الجماهير .. يجلسون قدام مكيفات
ويتقهوون ولاحد ينفخ عليهم ... اتوقع الحل عند اصحاب الحل ..

ذولا العساكر..كل أساليب التطفيش عندهم ..
يستعبطون ويهايطون عشان تقوله يآخي تكفى....
ويجيك خويه ياعشكري ياأبو تبن خله يروح ..
ويجيك العشكري لا لا .. قمة التخلف ..
وطبعاً ماأحد يتكلم عن هالشيء لأن الجمهور يتعب يتمرمط عآدي
بس تعالوا وشجعوا ولا تشتكون ولا تنتقدون.... واللي في المدرج يتفرج ..
ياليت 5% من هالإهتمام اللي للاعبين يعطينا منه أبو فيصل..
ويحل لنا سالفة هالتطفيش اللي نعاني منها ..

][ قصتي مع العشاكر ][




العسكري..صاحب السالفه الي بذكرها الحين..أتمنى أن لاتمر مرور الكرام..


شسمه طال عمركم إن إنسان حضرت المباراة عشان أستمتع..
بس مع ذا العساكر الهمج..قسم با الله يجيبون المرض..صبر بقولكم..
أجل ياتبن..أجل ياورع..أجل ياحيوان..أجل ياحمار...........إلخ..!

أي والله هذا الي صاير ياعيال..قصتي من البدايه..أني كنت جالسن
با المدرج أصور الجماهير..زيالناس..وفجئه جان عشكري خال
وجسم يخوف با المره..قلي لاتصور ياورع..قلتله طيب أبشر..


وطنشته ومازلت أصور الجماهير..واصور توزيع الأعلام على الجماهير..
صرخ بوجهي قال ياتبن أنت ماتسمع الكلام..رحت عنده وقلتله
لو سمحت سؤال..التصوير ممنوع وإلى لا..عشان أعرف بس...!


ويمسكن كأني حمار عنده..وخذ يا الضرب..والكلمات الي مدري وشو..
ويرفسن برا المدرج..وشاهد على كلامي أعضاء مجلس الجمهور الهلالي
تركي الهديب ومازن العسرج..وياسر الطلاسي..هالمهم..قلتله خير وش تبي..
قلي أمشي ياولد وإلى عذبتك..وهو ماسك فنيلتي ويسحبن با الأرض..


قلتله لو سمحت..بس بعرف..وش أنا مسوي..صرخ بوجهي أسكت
ياورع وإلى ترا عذبتك...وفجئه سحب جوالي قلتله لو سمحت
فيه أشياء خاصه كذا..صرخ بوجهي..أسكت ياورع.......!


بعد كذا..ركبني الباص حقهم..قلتله خير وش السالفه..بس بعرف
وش صاير..ويناظرن بطرف عينه..ياربي يخوف..ويجيب شلة
الخوال العشاكر..أبي واحدن منهم مؤدب ويعرف يحتسي..والله مافيه..
هذا يقول ياتبن..طبعا أنا كنت جالس با الباص حقهم..الثاني قلي ياورع
إنتا أرجع ورا با الأخير..قلتله طيب لو سمحت ممكن أكلمك شوي..
ناظرن بحقد لو أني قاتل أبوه..وأنا كل شوي أصوت على واحد فيهم
لو سمحتو أنا ماسويت شي خطئ..ممكن أعرف إيش السالفه..



بعدين جا الخال الي أسمه ممدوح..بدون قصد قفل جؤالي..جأن طاير
قلي ياتبن أنت كم الرقم السري..قلتله خير يابو تراي منب حيوان..
قلي أسكت وإلى عذبتك مثل الحيوان..ويصرخ بوجهي مره ثانيه..
كم الرقم السري ياورع..قلتله والله عاد أنت الي قافل الجوال مب أنا
ناظرن بطرف عيونه..قلتله الصدز أنه جوال أخوي وما أعرف الرقم
السريٌ..رد علي..تعطين الرقم السري وإلى ترا بتجلس هنا إلى بعد المباراة


قلتله تستهبل أنت..الحين الجوال معك..وأنت مقفله..وش تبي با الظبط..
بعد كذا جا واحدن فيهم قلي عطان جواله قلي أتصل على أخوك وقله كم
الرقم..أتصلت على أخوي مايرد..أهوه جان البلشه..وش أسمك أنت
قلتله ليش..قال بنكتب تقرير عن الي سويته..قلتله طيب ميخالف..بس
علمن وش أنا مسوي..يضحك بوجهي قال مب لازم تعرف ياحيوان..!!


هالمهم 40 دقيقه وأنا على هالحال..بعد كذا جان الأستاذ ياسر الطلاسي..
عضو العلاقات العامه با النادي..وعضو مجلس الجمهور الهلالي..
قلي وش سالفتك..سكتو هالعشاكر..أنا رديت قلتله ذولا مدري وش
عندهم..سحبون من المدرج..ويستهبلون..عاد هالعشاكر يكذبون
عيني عينك..يقولو أنه يتلفض علينا كذابين والله ..رديت على العكسري..
ترا أيات المنافق لاتنسى..إذا حدث كذب..صرح بوجهي ومدري وش قال..


هالمهم أنا قلت لياسر..تعال معي شوي أبيك بكلام..وعلمته السالفه كله..
وقالي أجل كذا..وطنشهم وقلي أمش معي للمدرج يابعدي..ورحت معه
وعلمته الي صار..ودخلت المدرج..على وقت بداية المباراة...!


وأنتهت السالفه ذي..وموب كذا وبس..بعد المباراة جالس با المدرج
أنتظر الزحمه تخلص وأمشي..جان عسكري..قلي يالله أطلع..قلتله
دقايق بس..صرخ بوجهي أنت من تشجع..قلتله هلالي..ضحك وقلي
هلالي وجالس..ههههه..أطلع برا يالله..قلتله المباراة ماله 10 دقايق
مخلصه..وعلى كيفي أطلع متى مابغيت..صرخ بوجهي..أطلع ياورع
وإلى شوتك..وأنا عاد طلعت وش أسوي....!

ياجماعه..قسم با الله هالشي يكرهك با الحضور..
بالنسبة لي القهوة والشاهي..وشاشة زي الناس.. وأكثر من قناة تنقل لي المباراة...
بلقاءات مباشرة وأكثر من تحليل للمباراة ومتكي ومدد رجيلاتي _ الله يعزكم _
..يعني بالعربي ليش أطلع وأنا مرتاح في بيتي..ولا أحد يقول ممنوع تسوي كذا ..
وإلى يعاملني وكأني حيوان..هذا الصدز ياجماعه وأعذرون..

والله من القهر الي فيني ودي أجلدهم واحد واحد..عشان يعرفون
أن الله حق..وأخر شي أقوله توبه أحضر مباراة توبه...!




المجرم..أتمنى محاسبته..



][ صور من أستاد الملك فهد ][








مجلس الجمهور الهلالي يوزعون على الجماهير شالات..



قبل ندخل المدرج..شفنا مذيعين القناة الرياضيه السعوديه..





مجلس الجمهور الهلالي وتوزيع أعلام وشالات على الجماهير..



هذا يطلع دايم با التلفزيون وصورته..





العشكري..أبو تبن..



صلاح البطاطي رئيس رابطة الجمهور..













مجلس الجمهور الهلالي وجهود واضحه..بتوزيع الشالات على الجماهير..





عضو مجلس الجمهور الهلالي..مازن العسرج..






مجلس الجمهور الهلالي..الي لابس ثوب ياسر الطلاسي..


























الصور سخيفه ومب واضحه وقليله كله من هالعشكري أبو تبن..
أدري تصوير غبي..وموضوع بايخ وخرابيط...وش أصوي سامحون..
توي راجع من الرياض قبل شوي وصلت للقصيم..بكره عندي اختبارين..
أدري الموضوع خرابيط ومايستاهل..ومهب مرتب..بس أعذرون..
وأخر كلمه أقوله..توبه توبه أحضر للملعب توبه..

[الفريدي]

الله يعينك //
والحمد لله على السلامه //

بالنسبة للعساكر ,, ما ادري وش اقول
لكن ان شاء الله يلقون حل

ونصيحة احضر فوووق بالمدرجات وريح رأسك من
العسكر اللي رايحين فيها تحت ،،

×

تحيتي لك،
وإن شاء الله يلقى الجمهور ما يرضيه من الادارة
وبالتوفيق للزعيم

[طارق ابو برنس]

الله يعطيك الف عااافيه

على الموضوعك الراائع\

[عاشق السكب الهلالي]

الف شكر لك ع التغطيه الرائعه..

بالنسبه للعسكر ما أدري وشو يحسون فيه وخصوصاً في مباريات الزعيم.؟؟؟

[ا ب ر ا ه ي م]

كان الله في عونك بس انا حاضر ماشفت شي الا انا مستغرب محترمين وواحد يقولي لو سمحت ارجع انا مستغرب


بس على الي سوالك الغرورلاء
ادع عليه وتحيسب عليه

وراسل الاداره ان كنت تعرف اسمه او شي وهم بياخذون حقكك


بس لو مسويبي كذا راحت عليه كان الحين خليته يتسحب في الشوارع


على العموم

حسبي الله عليه
مشكور

[صعــ المنال ــب]

إقتباس قلي أنت هلالي..قلت أيوه هلالي..ضحك بوجهي..وقال هلال وجالس..

خيييييييير ؟! !! والله هالكلام ماينسكت عليه
المفروض الجماهير يوصلون كلامهم لاحد كبير في الهلال لعل وعسى يسوون
شي مع أني أشك بهالكلام لكن حآولوا يمكن يصير شي !

وهذا اللي يبونه الحين حقين الملاعب مع جماهير الهلال أكثر من واحد يقول منيب
حاضر ومدري أيش وأولهم أخوآني وغير اللي يقولون منحب حاضرين مره ثانيه حسبي
الله عليهم تقريبا قدروا يوصلون للي يبونه يمملون جماهير الهلال بأي طريقه !

[<< كبرياء هلالي >>]

وتلومون جمهور الرياض ليه مايحضر ... !!

يكفي شهادتك اخوي هذا وانت من القصيم
اجل كيف اللي من الرياض وهم اللي يحضرون كثيييير ويجيهم أشد من اللي حصل لك
ومع ذلك نتحمّـل .. الذل .. والإهانه .. والشقى .. ونحضر (كله لعيون الهلال)
ولكن .. محد يحس فينا .. ومحد يعبرنا .. داااااايم يجينا تحطييييم

*
*

مشكور على الحضور وعلى التغطية اخوي
والله يوفقك في إختبارك
برآيفت <ليش تم حذف موضوعك اللي كتبته نفس هذا .. وش السبب>

[miss zozo]

الله يكون بعونكم والله
من جد بعض الناس لا اسلوب ولاشي
متى بيتطورون ان شاء الله

[ولــد أمــه]

يعطيك العافيه


والله كلامك صحيح


متى يتطورون العسكر اللي عندنا

[<< كبرياء هلالي >>]

حمدلله على وصولك للقصيم بالسلامه

وهاردلك الخساره

[()هلالي وراس عالي()]

يارجال هذي معاملتهم
بس غريبه يوم يقولك ياورع والله انزل وادخل يدي بكرشته

[جن جنوني بحب الهلال]

إقتباس وتلومون جمهور الرياض ليه مايحضر ... !! يكفي شهادتك اخوي هذا وانت من القصيم اجل كيف اللي من الرياض وهم اللي يحضرون كثيييير ويجيهم أشد من اللي حصل لك ومع ذلك نتحمّـل .. الذل .. والإهانه .. والشقى .. ونحضر (كله لعيون الهلال) ولكن .. محد يحس فينا .. ومحد يعبرنا .. داااااايم يجينا تحطييييم * * مشكور على الحضور وعلى التغطية اخوي والله يوفقك في إختبارك برآيفت <ليش تم حذف موضوعك اللي كتبته نفس هذا .. وش السبب>

شاكرٌ لك مرورك..وتفاعلك مع الموضوع..
وأنت الصادز..منول كنت أسب وأشتم جماهير الرياض ليلي نهاري..
أقول الحين ليه مايحضرون..وش يمنعهم..الحين عرفت ليه..

بخصوص الموضوع الي كتبته وأنحذف..مدري والله..وسبب
غريب صراحه..هذا أقتباس السبب..شي غريب....!

إقتباس السلام عليكم شبكة الزعيم ليست مكانا للتهجم على أشخاص مباشرة دون إعطاء الطرف الاخر حرية الرد ، ما فعلته بموضوعك هو تهجم على شخص لم نسمع رأيه بالموضوعلا بأس بطرح أي قضية بشكل عام لكن بدون وضع صور لأشخاص و اتهامهم

[.k.aziz]

.
.
مااقول الا حسبي الله عليهم
عساكر متخلفة اللهم لك الحمد

[♥ N E V E S ♥]

قسم بالله هذ اللي يصير !!

عساكر سلنتح ماكملو ابتدائي ويتكلمون هالكلام على ناس اكرم منهم ومن طوايفهم !

والله من جد قهر قهر قهر !

ولد ناس ومحترم و يجيك سنتوح مايسوى وطية نعلة ويتكلم ويذلك وحالته حاله !

لكن تعبنا و احنا نتكلم لكن تعودنا انه مافيه احد يدافع عننا للاسف !

والله يعينك ,,

[فيلسوف الشرق]

بني حنووووووووووووووووووووووووووووووووووووووووس الله يشيلهم قال امن قال ؟