[فواز بن عبدالله]

بسم الله الرحمن الرحيم

مبروك الفوز مع دق الخشوم

بدخل في الموضوع على طول

رساله الى (خيبة دوري شين للمحترفين ) اول شي بأبدا من حيث دخلت

من الأبواب اقصد من الجحور الضيقة اللتي يندفع اليها الاف المشجعين للدخول

او من شبابيك التذاكر اللي وكأنك في حجز منفوحه عيب عيب عيب يادوري رقم 16 عالميا

وليت من نصب الدوري في هذا المركز يشاهد ماحصل أمس . . شوفوا معي السجن اللي يبيع التذاكر

والجحور اللي يدخل منها الجمهور . .



ناظرو معي السجن حق التذاكر وع اليمين للأسف اسمه باااب اقصد بويب



لاحظو معي الهمجيه في التنظيم وذلك بسبب طريقة بيع التذاكر الغبيه وين احتراف معه قولولي تكفون





كم واحد تتوقعون وده يستمتع بالمباراة ولكن خيبة دوري المحترفين وقفت دون ذلك



بالله شوفو كيف هالمسكين يشتري تذاكر تتوقعون في الدوري الإنجليزي او الأسباني او حتى السوداني فيه مثل

هالمنظر عيب والله عيب وين ميزانيه الرياضه تروووووووووووووح.





وهذا احد الوافدين المتخلفين في نظام الإقامة والعمل يبيع سعوديين التذكرة الوحده بـ 50 ريال وهي بـ 20 ريال وين

طويلين العمر يشوفون




وهنا بعد شخص ثاني



وهنا نفس الشي عيني عينك من امن العقوبه اساء الأدب







ترى الزحمة في الصورة الجايه الساعه 10.15 بالظبط مع بدايه المباراة وكل اللي في الصورة واكثر ماقدرو يدخلون لقلة

التذاكر وسوء التنظيم وضيق المداخل والله قهر




حتى وانا معي تذكرة بدخل طويل العمر السيكورتي موقف السرا تعب من الزحمة وعدم وجود مساندة له في عمية تنظيم الجمهور


هذي صورة بعد مادخلت والاف الجماهير في الخارج حسبي الله عليك يابو خشة



عفوا هذي الصورة مهيب واضحه بس الشي البرتقالي هذي فرشه منع دخولها العسكري ابو وجه طويل

وين الكراسي اللي مواعدينا فيها من سنتين ماشفنا شي يامحترفين اجل فرشه وسجاده ممنوعه اااخ بس



وبين الشوطين مع حرارة الجو نزلت ابشتري مويه او شي بارد والله والذي لا اله الا هو ان المصري يقول ان الشرطة

مانعه بيع المويه وان عاملين ركبوهم في الجيوب عشانهم باعوا مويه وعندي مقطع فيديو المصري يعترف فيه باللي

صاير لكن ما اعرف انزل لا واللي زاد الطين بله مكينه الببسي خربانة تخيلوا والله فضيحه لو تشوفونهم كيف يبيعون في

شبك غنم حاطينهم والعسكري كل شوي يجي لم المصري ويشر له يعني لا تبيع احد والله هذا اللي صار والله يشهد

علي لكن ان شالله الدوري هلالي عناد لهم هم اصلا يبون يطفشون شعب الزعيم لكن يبطووووووون

شف المصري مكتف يديه



وهذي الزحمة على شبك الغنم اللي يبيعون فيه



منظر لبعض الجماهير اللي نزلت اكثر من 100 درجه من المدرج العلوي عشان شي يشربونه واذا جا يرقى عطش ثانيه

من الدرج وش رايكم بالله



الصورة تتكلم



شفتوا الزحمة ذي كلها بعد المباراة بوريكم الحين وين بيطلعون معه



بيطلعون من الجحر هذا تخيلوا



وفي الختام ما اقول الا دوري محترفين طل وزين طل الا شين مشني زي وجيه اللي يوقعون العقود الوهميه

اللي ماشفنا منها شي اجل كراسي اجل حسبي الله ونعم الوكيل وبس .

واترك التعليق لكم انا تعبت والله فمان الله

ملاااااااااااااحظة : ارجو من اي عضو نقل الموضوع لكل المنتديات لتوصل فضيحه دوري المحترفين للعالم ووللإتحاد الآسيوي خاصة . اللطش مسموح خخخخخخخ

[هلاليه محترفه]

اه بس ردد ياليل مطولك
محد جاب خبرنـا
ناس ماعندهم جماهير ويتمنون يكون عندهم حضور جماهيري مثل المملكه العربيه السعوديه
وربعنـا يطفشون الواحد !!

لاتنظيم لا تجهيزات للمباره لجماهير
وبويب صغير
وش يحسون فيه يحسبونـا بهايم !! على هالمعامله الي صارت !!

وين فلوس الدوله الي تعطيها للإتحاد السعودي وين العقود والرعايه وين فلوسهم راحت !! لاحكام استفدنا منهم ولاملاعب استفدنا منها وين راحت هالفلوس !! راحت ع الرواتب بس !!
لاكراسي لا تذاكر الكترونيه حتى بوابة الكترونيه مافيه ولاجهاز امن لتفتيش مثل المطارت !! مو ناقصنا شي الفلوس موجوده بس قل دبره !!

لابوهم لابو من جمعهم !! ناس همج !! فشلونـا الله يفشلونهم
قال دوري محترفين يسمعون بالإحتراف
ترتيب الدوري 16 ولله انا متأكده ان السالفه فيها "أن" جت بالواسطه !!
حسبي الله عليهم من أمن ومن إدارة ملعب
وان شاءلله ربي بياخذ حق الجماهير واحد واحد


لامستحيل هذا وشو !! كافتيريا
ياقلبيه ع المصيبه اللهم اني صايمه بس
برجع لكـ بعد مافطر لان اخاف اتكلم بشي ويجرح صيامي حسبي الله عليهم

[زعيمنا حبيبنا]

يعطيك الف عاافيه على المتاااابعه

وانا من الناس اللي ما دخلت الملعب الا الساعه عشر ولا شاريها من السوق السوداء باربعين ريال

لان لو مسكت سرا على الشباك اللي ذكرني بشباك مقصف المدرسه كان خلصت المباراة وما دخلت

عموووما نتمنى وقفه قويه من الادارة الهلاليه بهذا الخصوص وايصالها للمسئولين

بصراااااحه طفشووووووووووونا

[T H U N A Y A N]

حسبي الله ونعم الوكيل

المسئول الاول هو مدير الملعب عن هذه الفوضى


بصراحة من هذه المعاناة والمعاملة الواحد يفكر الف مرة انه يروح لمباراة بسبب التعامل السيء والفوضى الموجودة عند الملعب

[تووم كرووز الهلالي]

والله لو تتكلمون بالعذابين ماراح يتحرك ابو الخطط واما سيدي سمو الامير عبدالرحمن
اعتقد انه يقدر بس يد وحده ماتصفق
وغير كذا شي من الجماهير علطلول محاسبه اما شي ضد امن الملعب قسم بالله لتتفل دم الين مايتحركوون (اسئلني) اه اه اه بس

[قلـ الزعيم ـب النابض]

والله مافيــه تنظيـــم ... مانقوول الا حسبي الله ونعم الوكـيــل .,

[AL-GNY1]

حسبي الله ونعم الوكيل

المسئول الاول هو مدير الملعب عن هذه الفوضى

[دحــ9ــدح]

واحد معــي .. فتشوهـ .. ودخل .. وقف ينتظرني ..

جـآء العسكري ورجعــه يفتش ثـآني مره ويصف سرى ؟؟؟

ليش ؟؟ عشــآنه انتظرني اخلص من التفتيش ونروح سوآ

[زعيم اكبر القارات]

هاذي مو اول مره يسووونها صااارت عاااده نعرفها منهم اي مباراة للهلال

[أ-أبوياسر20]

حسبي الله ونعم الوكيل
...........................................

[عالي الشان]

والله والله والله عيييييييييييييييب ياناس دوله متقدمة مثل السعودية وفي ملعب رئيسي بعاصمتها .. هذا هو مكان بيع المشروبات والمأكولات بالملعب .. ياناس عيب



من المسئول لو تدافع الناس بعد المباراة وصار فيها وفيات بسبب تسكير بوابات الخروج الكبيره ؟؟


والا ننتظر تصير مصيبه حتى يصير فيه تصحيح ؟

[اسطورة اسيا]

الله لايوفق من حارب الهلال وجمهوره

اللهم دمره في انفلونزا الخنازير في هذا الشهر الفضيل يارب العالمين

[شاعرالهلال9]

الحين بعد ماأفطرت وصليت المغرب وولعنا ال......

الله لايوفقكم ياأتحاد الرياضة

يارب يارب تفوز البحرين ويرتفع ضغط سلطان واشوف فيه يوم ومرتفع ضغطه


يارب يارب تفوز البحرين ويرتفع ضغط سلطان واشوف فيه يوم ومرتفع ضغطه


يارب يارب تفوز البحرين ويرتفع ضغط سلطان واشوف فيه يوم ومرتفع ضغطه


يارب يارب تفوز البحرين ويرتفع ضغط سلطان واشوف فيه يوم ومرتفع ضغطه


يارب يارب تفوز البحرين ويرتفع ضغط سلطان واشوف فيه يوم ومرتفع ضغطه

تبي تقول وش دخل سلطان أقولك هو من علمهم يسوون كذا بجمهورنا من العام وأحنا ساكتين

تكفى ياشبيه الريح أدخل على بو متعب وعلمه وش اللي يصير تكفى

لقد طفح الكيل

[ابعاد 566]

لا وازيدك من الشعر بيت هلامصري الي بصورة كانوا يعبون موية من بزبوز

في الجدار والله اني طالع برا الملعب عشان الموية

[أبو جوجو الزعيم]

هالمنظر عيب والله عيب وين ميزانيه الرياضه تروووووووووووووح.


الظاهر إنك طحت على الجرح وبديت تتعدى الحدود خخخخخخخخخ
أجل وين الميزانية تروح؟؟؟؟
أنت تدري إن ميزانية الكراسي كل سنة تطلع وما يحطونها لأنها تخلص قبل يبدأ المشروع
وين تروح على كلامك الله أعلم
قال إيش قال الدوري رقم 16 عالمياً هههههههههههههههههههههه