[ღ دحوم الهلالي ღ]

السلام عليكم ..
مبروك للزعماء الفوز والابداع الهلالي ..
انا مبي احلل المباراه او اتفلسف زياده ..
شي قهرني اليوم واهاني كله لاجل الهلال
وكله من من من حراس الامن حقين الملعب ,, وليسوا العسكر ..
الي لابسين اسود وابيض واشكالهم سوود !!
المهم انا بتكلم عن السالفه .. وصلت الملعب متاخر وكانت المباراه باديه ..
بشتري تذاكر الاف الجماهير كلهم عند شباك التذاكر .. وهواش وطق ومدري وش ..
واخر شي التذاكر خلصت !!
المهم مالنا الا السوق السودا .. حنا اربعه اشخاص ومعنا طفل عمره 9 سنوات ..
شريت اربع تذاكر التذكره بـ اربعين رياال لعيون الهلال ..
جينا بندخل .. سكرو البوابات في وجيهنا .. فتحو البوابات مره ثانيه ..
وبالغصب دخلت انا والي معي الا الطفل ابو 9 سنوات
من قوه نذاله حراس الامن سكروا البوابه في وجيه الجماهير ومن ضمنهم اخوي الصغير !!
الولد جالس يبكي .. وجالس اشحذ حارس الامن .. ياولد طفل توه صغيررر لحاله برىا يرحم امك تكفىا دخله
واجلس اشحذه تقول اني قاتل ابووه وابيه يعفي عني!!
يقول ماعلي ان فتحت البوابه دخلو الجماهير !! قلت طيب طلعني بطلع مابي اخش خلااص
قال معليش ماقدر !! دبر نفسك .. والجماهير منذله الولد يصايح من برىا وهذا ببرود هو وشلته ..
انا تنرفزت ورحت للبوابه واخوي يسمعني قلت رح بسرعه للبوابه الثانيه بروح هناك

مالي الا اروح البوابه الثانيه .. رحت ركض وصلت الا العسكر موجودين الله يخليهم ..

وافهمه السالفه وقلت يرحم امك الولد برىااا لحاله وتوه بزر .. قال ابشر بس اطلع معي واجيبه لك ..
فتح البوابه .. واشوف الولد بين هالجماهير يصايح .. قلت ذاك .. ويروح العسكري جزاه الله خير ويجيبه ..
وقال ادخلو وانتبهو .. دخلت ومشيت شوي الا قدامي ذاك العـ ... !! الي هو حارس الامن ..
وقال قدرت تدخله .. قلت غصب عنك .. وهو باستفزاز يضحك !!!
وهذي السالفه .. اليوم والله اهااااانه ..

على العموم حسبي الله عليهم .. والله جمهور الهلال الي برىا وماقدر يدخل .. اكثر من الي داخل !!

والله ياناااااااس قهر ..

وبعدين ثاني مرره لاتجون تقولوا جمهور الرياض وجمهور الرياض ..
والله انهم يعاملونا على اننا يهوديييين ..

حسبي الله ونعم الوكيل .. ومبروك الفوز