بلنتي عيون!! وتخبط الحسيني!! وسجود الشلهوب في كل بلنتي وتحميلة مسؤلية الحسم - نادي الهلال السعودي - شبكة الزعيم

بحرالعيون · #1 27/05/2009, 03:00 AM

دايما جمهور الهلال يخفي الحقيقة ولا يعرف وين مصلحة فريقة

كنت اصرخ وانادي قبل بداية الموسم ومواضيعي اللي اكتبها كانوا يردون علي ان الادارة ابخص..
كيف الاتحاد السعودي يسمح لك ب 4 أجانب

ولا تحضر ولا واحد منهم مهاجم !!

عندنا الدوسري والتائب والشلهوب والفريدي وتروح تجيب ويلي وسئول وسط !!

بالإظافة الى رادوي (( لاعب ممتاز ايام كوزمين .. بعد ماراح كوزمين مادري وش حصل له))

التائب اليوم روح شوف المباراة اكثر من مرة في كم هجمة يحاول يستعرض او يسجل بنفسه ولا يهمه مصلحة الزعيم

البلنتي مطلوب هدف ولاعب اساسي وفي الفورمه بكل حماقة تلعب بلنتي عيون !!

والغريب اشوف الجماهير تروح تلوم الشلهوب اللي كان احتياط ونزل وشغل الوسط وكان يحرز هدف وايضا وضع الصويلح امام المرمى

قرأت كثير من الجماهير تقول يالتائب يفداك الف بلنتي ؟؟؟

لية ؟

أو يقولون جدد عقد التائب رغم انه سيغيب من بداية الموسم لفترة طويلة ؟؟

طيب ليه ؟ على حساب مين ولحساب مين ؟؟

يعني الشلهوب كان احتياطي وكثير من الموسم غائب
وأُختير لتسديد كرة الحسم الاخيرة وتحت ظغط وكان يسجد في كل كرة تهدف للهلال يعني كان مرتبك ويتمنى الفوز

يعني كان مرتبك .. مو التائب يستعرض بلنتي عيون ؟؟

والدعيع ماشوف احد يلومه ؟؟

رغم الدعيع يهمه مصلحته اكثر من الهلال

هو عارف من جاء للهلال كم رد من بلنتي ؟؟

من جاء للهلال صرنا نخسر في الضربات الترجيح

كل القنوات تضحك ؟؟ فيح حارس دولي يقفز قبل ماتلعب الكورة !!

والمدرب طلب تغيره من العتيبي اللي رد في مباراة واحدة مع الحزم 3 ضربات

وكذلك الشمري المظلوم في الهلال اللي صد اتوقع معظم ضربات الترجيح والجزاء ايضا عليه

لكن الدعيع همه مصلحته ورفض الخروج للتغيير !!

وفيه ناس تقوول اعتزال المفرج هون علي المصيبة !!

المفرج ياذكي هو اللي احرز هدف البطولة اللي حققتها السنة هذي !!

والمفرج ماعتزل الا انه نفذ صبره مع الجماهير اللي ماتفهم كورة ..
انا لو انا مدرب اليوم وجود المفرج افضل واتوقع كان مانخسر

يفداك الف بلنتي يالتائب ؟؟ هذة عقل ومنظق ..
ويلومون الشلهوب اللي توفي والدية في فترة قريبه

وحتى فلوسه كانت في حساب ابوه .. والاخوان انكروا ذلك على ماسمعت لست متأكد ..

المدرب الحسيني ايضا فكر بمصلحته .. مطلوب منه امام الشباب الفوز بأربعه ويلعب بمهاجم واحد

وحتى عندما ابدع الشلهوب وصنع هدفين لسئول وويلي اخرج الشلهوب ؟؟؟

واليوم يلعب بمهاجم واحد وبمحوريين ؟؟

مفترض اخرج الغنام اللي نقطة ضعف دايما بالهلال واشراك مهاجم ثاني من بداية المبااااااااااااااااارة

وووالله حرام تلومون الشلهوب ؟؟ وهذا المدرب يتخبط .. وهذا اللاعب يستعرض

لو من بداية المباراة الصويلح وياسر وخلفهم التائب والشلهوب وويلي ورادوي

والله ان نفوز من بداية المباراة

ويالله التوفيق وتكون جماهير الزعيم تفكر في مصلحة فريقها

والله ماكتب الفوز الليلة

بحرالعيون · #2 27/05/2009, 03:03 AM

لماذا لم يتم اسناد مهمة المدرب الا مدرب مو مدرب لياقه

حسين الحبشي برز ودرب الهلال تحت 23 لكن مادري لماذا ابعد ؟؟

* ص ع ب * · #3 27/05/2009, 03:05 AM

كلاااامك كله بالسليييم طاارق تفلسف اكثر من اللازم في البلنتي وقهرنا الله يساااامحه

والشي الثاني والي قاهرني ترك المفرج لنادي الهلال مو اعتزااال الرجال يبي يلعب ويكمل بس جمهورنا الحبيب معاد بقى فيه شي قال اشوفلي نادي ثاني اصرف , الله يوفقه يااارب

$الخرجاوي$ · #4 27/05/2009, 03:05 AM

وربي عين العقل اجل الهلال يلعب بمهاجم واااااااااااااااااااااااااحد
سووووووووووول وااااااه ياسول بالله هذا لاعب تجيه الكوره وتروح مادرى عنها

صــ لهم ـــاحي · #5 27/05/2009, 03:05 AM

والحـــــــــــــمد لله على كل حـــــــــــــــــــــال

سبحان الله وبحمده سبحان الله العضيم

أســطورة الأســاطير9 · #6 27/05/2009, 03:06 AM

بلنتي عيون والا خشم

ما علينا

هو لعبها صح

قوية وفي زاوية

لكن الله كاتب انها تضيع

كبير يا طارق

ويفداك مليون بلنتي

يكفي حماسك واخلاصك

يكفي تمريراتك في المباراة

لاعب كبير ومبدع وفنان

عبقري وخرافي

الله لايحرمنا منك يا برنس الابداع

طيار هلالي · #7 27/05/2009, 03:10 AM

وش فيكم تلومون المدرب وكانه هو السبب ..؟

السبب ماهو المدرب ولاهو الاعبين

السبب هو فقط التوفيق من الله وبس

المدرب خطه اليوم حلوه حتى يوم غير ياسر الي بارد وماكان بجو المباراه ابد وهذا عيب ياسر دايم خارج جو المباريات

وشفتوا الصويلح والشلهوب يوم نزلوا تحرك الهجوم وكثرت الهجمات الخطه بالرغم من قلة خبرة الصويلح

الشلهوب افضل لاعب هلالي بعد هوساوي والمرشدي طبعا الي كانوا ساترين على الدعيع طوال الموسم

وبعدين حلوه ياجمهور التطبيل كلمه يفداك الف بلنتي يالتايب و يالشلهوب ليه تضيع البلنتي يلا اعتزل ..؟

الشلهوب بالدقايق الي لعبها سوى الي ماسواه التايب ياجمهور طبل طبل

زعيم..والله زعيم · #8 27/05/2009, 03:15 AM

عاد تدري

رغم اني مغبوون من الهزيمة المره

بس كلامك في الصميم

فعلاً

في العظم في العظم في العظم

بس تدرون

لا احد يتعذر

السبب الوحيد اليوم

اننا ما طلعنا سول

ودخلنا الصويلح بداله

وتكون الخطة 4-4-2

منها يفك الضغط عن ياسر ويكون في الصندوق

والصويلح متحرك ويزعج الدفاعات القطرية

والاطراف ويلي والتايب يتحررون

وانتهى الموضوع

وربي تحسم من الوقت الاصلي

لكن

أمر الله

الحمد لله على كل حال

اللهم لا اعتراض

والخيره فيما اختاره الله سبحانه

يا هـــــــــــــــــلال

تبقى كبيـــــــــــــــــــــــــر,,,,,,,,,مهما يصيــــــــــــــــــــــــر

OMAR15 · #9 27/05/2009, 03:16 AM

الهلا هو من هزم نفسه بنفسه منذ نهاية الشوط الاول بالتعادل السلبي أيقنت ان المباراة ذهبت

ابو ديــــما الهلالي · #10 27/05/2009, 03:16 AM

مووضوعك 10/10 واللي يقول غير كذا غلطان

4 اجانب ولا واحد منهم مهاجم

قووووووووووووووووووووووووووووووويه يالزعيم ..ياما قلناها بس الشكو ى لله

الهلالي المالكي · #11 27/05/2009, 03:20 AM

ونا اخوك واللله الحسيني الظاهر عقد اي ار تي اثر فية

وقاعد يالف اليوم

اجل بالله واحد يطلع ويلي ويخلي السوااااق سول

سماء الرياض · #12 27/05/2009, 03:25 AM

اقول لكم شيء يا جماعة ..
ام صلال عارف ان الهلااااااال فااااااااشل في ضربات الترجيح .. عشان كذا لعبوا للوصول إليها ومن ثم الفوز .. والدعيع ماله داعي يعترض على التغيير حسن افضل منه في صد ضربات الجزاء ..
اي نعم لم يلعب طوال الموسم لكن الرجال قادر على صد كوره على الأقل .

ويا هلااااااال خذ لك دوره في تسديد ضربات الجزاء .

jciiio · #13 27/05/2009, 03:27 AM

ااااااااااااااااااااااه يالقهر

لو الهلال يلعب بدوون جهااز فني وبس عند الاعبين رووووووووح كاااااااان فزنا

كل الاعبين يقهرووووون ماعدا هوساوي

اااه يالقهر من يوم رااح كوزمين ووضع الفريق يتدهور بس ان شاء الله مع بدايه الموسم القادم راح يرجع الزعيم زي ماكان وراح ناخذ اسيا بس لايتدخلوون اتحاد الكرة السعوودي

ولد دلع · #14 27/05/2009, 03:27 AM

مو هذا طارق الي انتم تطبلون له !!!!!!!!!!!!!!

طارق التايب لاعب مهاري من الطراز الاول
طارق صانع لعب نادر مثله بلملاعب العربيه

ولكن طارق وجد من يطبل لحركاته واخذها بجميع مبارياته
لم يفرق بين الحاسمه والعاديه
ضربه ترجيحيه بوقت حساس جدااااااااااااااااااااا ويلعبها باص عيون ويقال له يفداك الف بلنتي

بكل اسف طارق وجد الدلال والتطبيل مالم يجده باي نادي بلعالم

طارق في اغلب المباريات يستعرض اكثر مما يلعب
طارق لايملك ابجديات الهدوء والتركيز داخل الملعب
لاعب يستفز بسهوله
طارق لايجيد قطع الكرات او الالتحام
طارق لايفكر هل الهلال يحتاج الفوز ويجب ان يفوز او يحتاج لممارسة المهارات وباص العيون حتي بضره ترجيحيه مهمه

لا والله ياطارق اذا لم تغير من اسلوبك وتترك العصبيه داخل الملعب وتلعب فقط لمن رفعك وعزك وجعل من اسمك كبير فاذهب غير مأسوف عليك

لن تكون اغلي من الشلهوب او المفرج
الدعيع اعتقد ان الاعتزال افضل لك

The Mo0on light · #15 27/05/2009, 03:28 AM

مووضوعك 10/10 واللي يقول غير كذا غلطان