[ابو فيصل566]

خل جمهوور الجار ينبسط علينآ.. =)


جمهوور واحد ونشجع كيان واحد .. ونغلط على بعض ..!!

ياحسافه بس..!

[walid0220]

اقول انت وياه جالس تتكلم وانت ماتدري وش السالفه والله بلاكم ماشفتو التنظيم الي صاير بالملعب ؟؟ يكون بعلمك نفس الجماهير الي بالملعب كانت برا والسبب التنظيم الين راحو من القهر وتاخر الوقت

[الذهبي606]

اللي يقول انهم مايحضرون هذا شكله ماجرب المباريات بالرياض


عننا استادين

استاد الملك فهد

واستاد الامير فيصل

اذا رحت رفعوا ضغطك العسكر ومحلات بيع التذاكر والتنظيم

وبعدين وش نسوي

[سينمائي الزعيم]

هذي حالتكم كل مباراة

انفلونزا الخنازير ممكن ان تنتقل عندما يجلس بجانبك مصاب بها

[تركي المحيميد]

الحضور مقبول نوعاً ما

وجمهور القصيم دائماً يساند الزعيم

[هـلال العمر]

إقتباس الرسالة الأصلية كتبت بواسطة هلالي نجدي السلام عليكم اسعد الله جميع أوقاتكم وتقبل منا ومنكم صالح الأعمال في هذا الشهر الفضيل أعلم أن أغلب الأعضاء كتب عن هذا الموضوع ولكن لم استطع احتمال ماشاهدت ..... أخواني : بعد أن شاهدت حضور الجماهير الوفيه لمباراة نجران صدقوني حز في نفسي ماشاهدت ؟؟ ماهذا الحضور الباهت لجماهير الزعيم التي تهز الأرض لاسيما وأننا نعيش في إجازة طويلة ولايوجد مايمنع الحضور لجماهير الرياض ؟؟؟ أين الكلام قبل انظلاق الدوري نريد ونريد ونريد وحينما تقوم الإدارة بفعل الشيء المطلوب وتفي بإلتزاماتها تجاه نادينا يكون هذا رد الجميل !!!!!!!!! رساله نوجهها لإدارة النادي الموقره : اسمحوا لنا فقد قصرنا ياسمر الأمير والعتب على كافة جماهير الزعيم التي لاترحم فقط متفرغه للانتقاد وانتم تعانون من جراء كثرة الانتقادات والكلام الغير منطقي في ظل هذا الحضور الباهت والغير مبرر ولاتتقبل ياسمو الأمير بعد ذلك لومة لائم إلا في حال حضور الجماهير بشكل يشرف هنا متأكدون أن صوتنا سيكون له صدى لدى سموكم الكريم ولكن الآن نقولها بالفم المليان لكل من ينتقد الإدارة في ظل هذا الوضع المخجل ( قف عند حدك فأنت المقصر ) ؟؟ نتمنى ان يكون الحضور أكثر قوة في القادم من المباريات وإلا لن نطالب الإدارة أو نلومها بأي شيء مع يقيني أن الإدارة تعرف مايحتاج الفريق وهي أحرص من الجميع على مصلحة الفريق بغض النظر عن المطالبات الجماهيريه ................ تحياتي للجميع ،،،،،،،،،

ياخي الادارة لازم تدخل ياعزيزي..!!

5000 مشجع برا الملعب الساعه 9:45 دقيقة ومقفل باب الملعب والعساكر ياخارشون الجمهور..؟!!

من الي بيحضر مره ثانية الي ضاعة جزمته وانتم بكرامة والي ضاع مفتاحه والي انكسر ت نظارته..

رايحيــن حرب حنا......؟؟؟؟؟؟؟!!!!!!

الموضوع ماينسكت عليه ياعزيزي..الجمهور مو ذنبه ذنب الهمج الي عند البوابات

[MăģЗđ]

أقول تعالوا بالملز وشوفوا
التعامل السيئ من رجال الأمن وادارة الملعب
قم تكلموا على جمهور الرياض أنت وياه

[هلالي وذكي بعد]

اقول لا ياكثررر يلي تهاااايط الي تقووول جمهوور الريااض حق منتديات ....

لعلملك في ناااس شرووو تذاااا كر ومااادخلووووعددهم تقريباً 5000 او اكثررر

بحجة ايش ... الأمن الكذااب يقووول الملعب مليااان احناا وش ذنبناا اذاا الابواب تسكرت بوجيهنااا....

ونت يلي تهاايط حنااا مباااريات الدوري كاامل تقريبااً كلها في الرياض يعني موو من المعقوول اجي كل المبااريات مهبوول انااا

ونت مااتجيك أ لا مبااره وحده في سنه ...يعني في فرق يبووو شباااب

يعني اتمنى انك تفكرر قبل لااتتهم جمهووررالزعيم بعدم الحظورر ....


وشكراً

[قناصـ الزلفيـ20]

والله الجمهور كان حلو لاكن ودنا الملعب يصير مليااااااااااااااان

[مخدتي زرقاء]

نصف الجماهير برا الملعب بسبب سوء التنظيم والجهل

[هلالي عزيز وغالي]

انا اليوم شفت المباراه بكوفي
وكان زحمه كله هلاليين
مدري ليش محد منهم راح للملعب
خلوني اشوف الشوط الاول وانا واقف

[كلنا للازرق]

والله مدري وش يحسونبه اعذارهم زحمه باب الديره مدري الحاره البايخ في البيت افضل ومدري وش اتمنى من الجمهور الوقوف مع النادي { الي يحب لازم يضحي } واحنا مانبيكم تضحون نبي حضووور والله عيب

[assss]

تاكي على النت وجاي تهايط وتتفلسف يبوي انت وياه شفناكم وش سويتوا.

الشرقيه اكبر مهايطيه وهم ما ملوا ملعب الراكه وهو 12 الف حاضرين 7 الاف ويتكلمون بعد.

الغربيه يملون لي نص الواجهه ويقولون حنا حضرنا

اقول اسكتوا وظفوا لسانكم هذا والهلال ما يجيك الا بالسنه مره وما تعبون ملعب ابو 25 الف .

الجماهير اليوم عبت الواجهه والمباراه قدام نجران وانتوا قدام الاتحاد ولا الاتفاق ولا الاهلي وما تعبون حتى الملعب,

اقول استحوا على وجيهكم مو معقوله تبونا نحضر كل مبارايات الدوري حتى لو قدام الفتح الهلال كل مباريات الدوري برياض اكيد مو كل مباراه راح نحضر.

وخلاص اسكتوا استحوا على وجيهكم انتوا الهلال يجيكم مره ومرتين وقدام فرق كبيره مثل الاتحا والاهلي والاتفاق وبالياله تعبون الواجهه وحنا نعبيها قدام ننجران وما عاجبكم لو فيكم خير ورونا شطارتكم مو ملعب الراكه والهلال ما يجيكم الا مره والملعب ما يشيل الا 12 الف والحضور 7 الاف.

ما فيكم الا الكلام منتوا رجال اقسم بالله ان الي يقول جمهور الرياض مقصر اليوم ماهو رجال شتبون اكثر من كذا

لاكن الله من الحسد

انا ما عندي مشكله تتوقف عضويتي بس لحد يتكلم عن جمهور عبى 70 الف مدرج وانتوا 30 ما مليتوها وتتفلسفون بعد يالله كلوا كبر راسكم واسكتوا بس

[الحرس الوطني]

إقتباس الرسالة الأصلية كتبت بواسطة القناص قاهر الناس جمهور الهلال بالرياض فقط جمهور منتديات فقط لا غير

اقول والله ودي ارد عليك رد صاعق وقوي

لكن هذا منتدى الزعيم

ياخوي تعال شف الضرب الي عند البوبات والزحمه

ياخي قسم بالله الشوط الاول راح منه 15 دقيقه والبوبات مقفله والتذاكر مافيه الا بـ 50 ريال

حرام تظلم جمهور الرياض

[المتأمل للحياة]

يا أخوان استهدوا بالله شوي ،،،،، وخلونا نرتقي بردودنا ،،،،، اول شيئ مبروووووووووك فوز الهلال بالنتيجة الحلوة هذي

ثاني شيئ كلنا نجتمع برابط وهو حب الهلال سواء في الشرق ولا في الغرب ولا في الجنوب ولا في الشمال ولا في الوسطى

الشيئ المفروض ان نقوله الآن كثر الله خير الي حضروا في المبارة ،،،،، ونطمح بالمزيد في المباريات القادمة ،،،،،