مرحبا بكم جميعا شباب ..

ويعطيكم العافية على هالجهود المتميزة فعلا ..

واعتذر عن تقصيري وقلة مشاركاتي << من كثرها يا شيخ

لكن صدقوني انا متابع جدا لكم .. قد ما اقدر وقد ما تسمح ظروفي العملية اني اشارك ..

ومرة ثانية يعطيكم الف عافية ..

كالعادة بعض النقاط ودي اقولها :


* " رانييري وديـل بييرو " يتبادلون السلام

ما فيه جديد .. دل بييرو طول عمره كبير .. ولا يفكر في المسائل بطريقة شخصية ..

وكلنا نذكر العام الماضي .. يوم ترك البلنتي لتريزيقول .. ديل بييرو همه اليوفي وليس همه امجاده الشخصية او مواقفه الشخصية .. ولذلك صار رمز اليوفي العظيم


* مع إن الكلام في المدرب القادم لليوفي سابق لأوانه .. لكني اعتقد ان اليوفي يحتاج مدرب ايطالي النكهة والقالب .. أو على الأقل مدرب يدرك حقيقة اللعب في الكالتشيو .. ولكن ما يكون مثل دونادوني مثلا او رانييري .. يعني ما اعتقد ان بينيتز مع احترامي الكبير له راح يكون خيار مناسب لليوفي .. ربما يكون راموس خيار مناسب اكثر منه .. وفيه حقيقة بسيطة .. ان اللعب والتدريب في الكالتشيو غير تماما عن اللعب والتدريب في البريمير .. عموما هالكلام مثلما قلنا سابق لاوانه ..

* نفس الكلام ينطبق على يايا توري .. هذا اللاعب ما أعتقد إنه راح يكون مناسب لليوفي بأي حال من الاحوال .. شفانشتايقر ومودريتش ودعم المنطقة الدفاعية والظهير الايسر بقوة خيارات افضل واهم بكثير الحقيقة .. لانه هالخانات هي اللي تنقص اليوفي .. خصوصا مع تراجع نيدفد وقرب رحيله عن الفريق .. وتوسط مستوى المدافعين بشكل عام .. أما الهجوم فاعتقد انه بخير في وجود الرباعي المرعب ..

* المباراة الجاية لليوفي راح تكون لنابولي وبعدها قدام ريال مدريد .. باتمنى شي يمكن يستغربه بعض الشباب .. لكن
انطلق من مبدأ الحرب خدعة .. وبسم الله باقول اللي عندي : أتمنى اليوفي ما يقدم مستوى كبير في المباراة مع نابولي.. وان حصل يفوز بمستوى متوسط او متذبذب هذا طيب .. في المقابل اتمنى ريال مدريد يفوز في مباراته في الدوري وان حصل يكتسح الفريق اللي بيلعب معه نسيت من هو .. واتمنى رانييري يكون ذكي لو مرة بحياته ويصرح تصريحات تزيد من نشوة الفريق الملكي وتخدره اكثر .. في مقابل ان الفريق حقنا يستعد للمباراة الكبيرة نفسيا وفنيا وبدنيا استعداد عالي المستوى .. يباغت فيه الفريق المقابل في المباراة المرتقبة .. وبكذا باذن الله ممكن نحقق شي .. ولو لاحظنا يا جماعة ترى الريال حاليا .. يلعب باسمه فقط قلتها قبل .. يعني ما يخوف لذيك الدرجة .. ولكن في المقابل ما ننسى بعد ان اليوفي يمر هالأيام بهزة عنيفة .. ممكن يكون تجاوزه لها وبداية انطلاقته الحقيقية هالاسبوع ان شا الله .. اتمنى ذلك ..

محبتي لكم جميعا اخواني