طيب حبيبي النادي جا له عرض افضل مين بيدفع فارق السعر ,,

طيب لو عرض علينا كجمهور اننا ندفع فارق السعر لكل سنه بسنتها وعرض عليك انت شخصياً يا صاحب الموضوع انك تكون اقل واحد بالجماهير كلها في الدفع هل بتدفع ريال واحد ؟؟

لا والله ماتدفعه وتحس بأن وراك التزامات تسددها كل فترة للنادي وتقول ياليتني خليتهم يتعاقدون مع اي شركة ووفكيت نفسي من هالالتزامات ,

طيب الادارة نفس الشي الادارة عندها ضغط رواتب وضغط اصلاحات وترميمات بالنادي وعقود تتجدد للاعبين وعقود احترافية تسجل للهاوين المبدعين و و و و ... الخ

تبينهم يجلسون يدفعون من جيوبهم ورعاية النادي تستاهل اكثر من هالمبلغ اللي تدفعه موبايلي ؟

مايخالف يدفعون من جيوبهم في حالة ان النادي مايستاهل اكثر من هالمبلغ لكن نادي مثل الهلال يستاهل من سبعين الى تسعين مليون سنوياً كأقل تقدير تجي موبايلي ترمي لنا اقل من نصف مكانة النادي؟؟

ياخوي الادارة لو وقعت عقد بميتين مليون بالسنه بيدفعون زياده من جيوبهم بدال لاتقول جزاهم الله خير بيدورون لنا الافضل تقول وفاء بالعقود ؟؟

والله لو انت مكانهم لتقول المهم اخذ كل قرش يستحقه النادي واصرف رواتب هاللاعيبه اللي كل واحد فيهم يطلب مبلغ جامد نهاية كل شهر , ولو تخلوا رجال الهلال عن الدعم المادي ولقيت الاعبين كل واحد يطالب ويشتكي ويبي حقه والا بينتقل والله لتقول الله لا يعيدك يا موبايلي لكن انت مرتاح ماعندك غير الكتابه من ورا الشاشه ومشترك بموبايلي ومبسوط معهم عادي ياخي لا تلغي اشتراكك معهم حتى بعد فسخ العقد لكن انك تطالب بشي يضر النادي لا والف لا ولو انت مسكت ادارة النادي وشفت ان ناديك يستحق اكثر من هالمبلغ بكثير والله ماتسكت لو ان الراعي الرسمي شركة اخوك ابن امك وابوك لانه لو فقدت اي لاعب او فقدت اي شي بالنادي او قصرت في اي شغله بسبب ماده الكل بيلومك ,

وبعدين يا حبيبي فسخ العقد لمصلحتك ومصلحتي وملحة كل هلالي لانه الاعب بيستلم راتبه بشكل مستمر واللاعب بيكون مرتاح البال من الناحية المادية وهذا يعود على الناحية النفسية للاعب بالايجاب ويزيد تركيزه ويؤدي المطلوب منه واكثر في الملعب ونفرح انا وانت والنادي وكل هلالي بأي انجاز وش رايك تبينا نجلس مع موبايلي ومن خساره في خساره والسبب متأخرات الرواتب او ديون او متأخرات مقدمات عقود ؟؟

لو كنت هلالي مخلص صدقني لن ترضاها ياعزيزي ....