03/09/2008, 04:22 AM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم ورحمة الله وبركاته
:: اقتراح ::
شباب جت ببالي فكرة جديده وانا اهوجس امس
الحين نشوف بكل رابطة فيه نشاط معين يا اما توقعات او من هذا اللاعب او اسئلة ثقافية ...... الخ
المهم جت ببالي هالفكرة ونسميها مثلا هواجيس الرابطة 
ويجي اي واحد منا ويكتب عنوان
هاجوس الرابطة 35
ويجي ويكتب عن أي شي يتعلق باليوفنتوس ويحاول يخلي كلامه واضح ومفصل ولو يبغى يدعمه بالصور او اي شي
وبالاخير يقول هذا ما في جعبتي  وش رايكم انتم ؟
عاد نجيه مدحدرين وهات يا نقاش
والله ان الرابطة تنقلب كلها زيران وبتوصل لمليون صفحه ولا راح نمل منها نهائيا
اكيد بيكون فيه اختلاف رأي وهذا شي صحي وبكذا نقعد نتناقش الين نذن
وبيصير فيها ذب وضحك اكيد
طبعا زي ما تعرفون ان النقاشات هي حلاوة الانترنت , مهي الدعوه نزل خبر وفلان يعقب عليه وخلاص
ودك يصير فيه مطاحن ونقاشات وسواليف الى قبل
لاني صراحة اتذكر مرات كثيره يجي واحد ويطرح سالفة وبعدها نجي وكل واحد يطرح رأيه وبطريقة حلوه ونستفيد جميعا ونستمتع بالنقاش
اخرتها نقاش حامي بيني وبين مبارك وابوثامر عن الادارة وتفكيرها الرياضي والاقتصادي , سهرانيين الحالنا الصبح وقعدنا وقت طويل نتناقش
والسبب ان بسيط ( عبدالرحمن ) رمى كلمة عن الادارة وخلانا نتفلت على بعض
فهذي هي الفكرة بشكل مفصل , وطبعا ماهي محدده لا بوقت ولا بشي , اللي يبي يطرح شي يكتب بس عنوان واضح برد فردي ويكتب اللي بخاطره وبنمسك سالفته لين ننتهي 
من ضمن اهداف هالحركة ان الواحد ماينسحب عليه لو طرح نقاش يعني غصب الناس يشاركون .
انتظر ارائكم , وترا عندي سالفة جاهزه وودي نتناقش فيها بس انتم عطوني الضوء الاخضر .
عاد بتسمونها هواجيس الرابطة
بسطة الرابطة
صالة بلياردو الرابطة
ونش الرابطة
المهم الفكرة ماعلينا من الاسم
في الانتظار (:
|
