مرحبا بجرح يشكي ..

من جد موضوع خطييير مره جعلني أعود بذاكرتي للوراء >>صز أحسبه للأمام ..

أما الألعاب والله كثير أذكر منها ..

1- لعبة تلعب بتشبيك الأصابع .. يعني وحده تشبك أصابع يدينه بأصابع يدين الثانيه وهي تغني :
سي سي سي سي مي مي مي مي ,, لعبيني ولعبك ,, لا أكسر صوبعك>>ماعنده وقت ..
صوبعك من لولو .................>>نسيت هالمقطع يالله اللي يكمله له جائزه نكمل:

ماما عطتني كاس حليب ,, نومتني ع السرير ,, والسرير طوح طوح ,, مايخلي حد يروح ,, إلا صلاح ومراته >> عاد أدخل على الله ماعندي علم من هو صلاح ومن هي حرمته ..

2- لعبة تلعب بين شخصين :

الأول : كم بيض الحمام ..

الثاني : 1

الأول : ام ؟

الثاني : أجل كم ؟

الأول : 2

وهكذا دواليك .. ولازم السرعه عشان يخطي واحد منهم .


3- سكر مكر ..
كيفية اللعبة : كل واحد يصفق ايديه بيد الثانيه مره بالأمام مره فوق مره تحت >>أدوخ ع الشرح

ويغنون :

سكر مكر يم يم يم ,, ياكل يشرب هم هم هم ,, قال قيل سوف يقول ,, سكر مكر لم لم لم ..


4- ثلج ماء

5- شجرة نمله ..


6- واحد طش ,, والغاليه متابعه غلط عليتس ياعين ابوي .. تسذا تلعب اللعبه :

واحد طش
اثنين طش
ثلاثة طش
أربعة طش
خمسة طش
ستة طش
سبعه طش
ثمانية طش
تسعه طش
عشره بووو >> مهب طش


7- وهاذي لعبة صفين بنات قبال بعض يكونون بعيدين شوي ..

الصف الأول يجون متماسكين لم الصف الثاني ويقولون : صبحكم بالخير يالعمال العماليه ..

الصف الثاني يردون وهم ماشين قبالهم والأول راجعين على وراء : مسيكم بالخير يالعمال العماليه

الأول ((نفس الحركه يستمرون عليه)) : هل تعطون بنتكم يالعمال العماليه ؟

الثاني : ما نعطيكم هي إلا بألف وميه ..

الأول : ننزل على دياركم ونحطم أبوابك والحرم دواركم وهاذي عروستنا ويختارون وحده تصير العروسه >> ترى دايم يختاروني


8- لعبة يجتمعون فيها البنات ويسوون دائرة ويبسطون يديهم ع الأرض وتصير وحده الرئيسه تقول : طارت الطياره .. الباقي يرفعون يديهم ويقولون طارت .. وبعدين تقول طارت الدجاجة >>> طبعا ماتطير >> محل خلاف دائماً
المهم اللي ترفع يده تطلع براااا وهكذا دواليك , مره تجيب شي يطير ومره لا >>لعانه

9- السلالم والديبان >> ياكرهي لداب الطويل تسيف يسطي يرجعن للبداية وهم ..

وبقى كثير بس ما أذكرهن بالضبط ..

أن تسان تذكرت بجي مرتن ثانيه ..

عوافي جرح ..

مره استانست ..

يسلموو ورده