هلالي الشماسية


يا هلا والله وغلا

أما اعتلى ركب العلياء ثم متعود! ، أثر مهوب بس الطلاب اللي ينحاسون آخر الترم حتى المدرسين يوشّون

إقتباس مادام معك الجوال فأنت مقيد ورهن الاعتقال , وتحت رحمة غيرك ,,

أي والله تحت رحمة غيرك، هالتعبير يحاكي الواقع بالحيل..

إقتباس أما إن كنت في سفر طلباً للراحة والاستجمام فأنا لا أتردد بإغلاق الجوال ورمي شريحته وإبدالها بأخرى لا يعرف رقمها سوى الوالده حفظها الله

والله ياخي إذا سافرت لمدة طويلة (سياحة) فأنا استخدم نفس طريقتك لكن استحي أقول لأمي لا تعطين الرقم أحد، والوالده الله يحفظها تعطي الرقم للوالد ، والوالد لو يسأله جارنا : وين عبدالرحمن ما نشوفه بالمسجد؟ كان يقول دوك رقمه وقل له يتصل علي أبيه!

مشكلة الجوال تظهر بالسفرات القصيرة ( أسبوع وأقل) هذي تكلف غثاء نفسي وغثاء مادي..

إقتباس أذكر في مامضى أخرجت لوالدتي جهاز جوالٍ جديد فركبت الشريحة وبدأت تتصل على الأخوات تخبرهم بأنها استبدلت الجهاز وعليهم حفظ الجهاز الجديد ؟!

الله يطول بعمرها على طاعته وعسى الله يزيدنا به جهل ما دام هذا وضعنا..


العفو وأنا أخوك وترى مرورك " أحبه" سواءً بك نوم أو مصحصح >> ما عنده لف ودوران


__________________________


القاضي


يا هلا والله وسهلا ،حيا الله أبوعبدالله

إقتباس ليس هذا فقط و إنما انتقلنا إلى حقبة جديدة تتمثل في إعطائنا جوال آخر للقسم و في بعض الأحيان يضاف إليه جوال ثالث للطواريء .يعني هذا أن النتيجة ثلاث جوالات و لا يرن اثنين منها إلا و هو يحمل خبراً سيئاً في العادة.

الله يكون بعونكم، الارتباط بهذا الأسلوب يخلي اليوم شاق وممل ، لكن مثلك ما شاء الله مدرسة في فن التعامل مع الآخرين والتعاطي مع الأحداث وإلا لما كان في حوزتك جهازين للاستخدام الجدي..

إقتباس ربما أن من حظي ، أو من سوء حظي لا أدري ، أن أم عبدالله لا تحب الجوال و لا الثابت و لا ترد عليهما إلا نادراً ، جميل جداً أليس كذلك !؟ انتظر قليلاً لتعلم أنها عندما تريدني فهي تستخدم جميع وسائل الإتصال المتاحة.

اسمح لي أتدخل وأقول أنه مادام كذلك فهو من سوء حظك، على الأقل تقدر تتجنب القصف إذا جاك من زاوية وحده، هذا إن كنت في حاجةٍ ماسة لتجنبه!



شكراً جداً تواصل بنكهة خاصة


__________________________


دانكن دونت

يا هلا والله وغلا

إقتباس الجوال مثل السكين ,, إذا استعملته بحذر تسلم وإذا استعملته بغير حذر لن تسلم

لو هو مثل السكين كان تلقى خدود أخوي مشطبه

إقتباس تبغى الصراحة لايوجد حل !! اقلك ليش :- الواحد يطلع الشارع وعنده اصدقاء فأكيد كل صديق ومعه جوال فلا يدريك من الذي معه افلام خليعة ومن الذي معه اغاني فلا يوجد لجعله وسيلة اتصال

يا غالي ما فهمت عليك زين..

عموماً شكلك تقصد إن الجوال مهوب بس للمكالمات ، لأن فيه مقاطع فيديو وصوت وألعاب يعني صار مثل الكمبيوتر المحمول، هذا اللي فهمته وهذا شي مفروغ منه..

لكن اللي كنت أقصده يوم قلت " كيف نجعل منه وسيلة اتصال صوتي" أعني أنه ما يكون سبب في اتصالنا الذهني المستمر والمقلق مع كل الظروف اللي تمر في يومنا..


العفو يا غالي وشكراً لمشاركتك


__________________________



htlr 20


هلا وسهلا..

إقتباس وبعدين يمدحون شي اسمه صامت واذا مره مره خلاص قفلت معك طفه ......

أطفيه!! ، والله ياخي ما أبالغ إذا قلت لك إنه لو مره انطفأ جوالي وبغير إرادتي لسبب أو لآخر فإني أحس بتوتر شديد حتى وإن كانت الظروف حولي هااادئه..



العفو ياغالي وشكراً لمرورك


__________________________


ابو خليلوفتش


هلا و غلا

إقتباس كأني أرأك ترمي سهامك

لا إطلاقاً ، والعلم الأكيد عند أخوي

إقتباس حط الأسماء الي تبي في مجموعه واحد والجوال ما بيرن إلا إذا دق أحد من هالمجموعه وريح حالك

صحيح أنا ما أفهم كثير بتقنيات أجهزة الجوال، لكن أعرف إني أقدر أخصص بعض الأرقام في مجموعات، لكن وبعدين وش سوينا؟؟ يبي يتصلون علي أوادم ويتجمعون بقسم " لم يرد عليها 3" ! ويرجعون لسالفة التذمر وأرجع لسالفة الحرج منهم!

إقتباس أحسن ما في الموضوع لما أحد يدق عليك العصر ويلقاه مشغول وتجي تدق عليه إنت ويقولك كيف دريت إني أتصلت وتقول له من خدمة موجود إكسترا تحس بوناسه غير طبيعية

تتطنز يالياباني!

ترى كلٌ ميسر لما خُلق له ، ووبعض الناس ما عنده شغله إلا هالجوال

إقتباس بس الي ما توقعته إن تفكيرك رجعي شوي وتستحي من إسم أمك

ما عندي أغلى من أمي، ولا عمري ناديتها باسمها و لا أذكر إني سمعت أحد يناديها باسمها ، و إذا صرت أنا ما أحتاجه أجل غيري وش يبي فيه؟! أو بس لقافه، عرفت ليش الأولين يفكرون صح..

إقتباس قبل ما أخلص بونس صدوركم بسالفة تتعلق بالموضوع .

الله يسامحك بس، جايب لنا سالفة ما يفهمها إلا أنت والمشاغب وتبينا نستانس؟

عطنا التفاصيل وإلا ما هنا وناسة. كُبَّ العشاء ياهذا ولا عليك من أحد


شكراً على مشاركتك والله يبارك بعمرك والفال لك إن شاء الله >> لا تقول آمين تراه فالٍ يضرك ما ينفعك يابو عشر جوانح تسذوبه!


__________________________



راااجع بإذن الرحمن