باك

تدرون ان عقلي الأيسر قال لي لا تردين عليهم واسحبي
بس عقلي الايمن رفض الفكرهـ هذي ..
وجاء عقلي الوسطي وقال إلا ردي .. لانهم ردوا عليكـ .. عيب تسوين كذا ..
و(مير ) اني اتفشل من عقلي الوسطي وكلامهـ لي
قلت أرد وليهـ ما أرد كم عندي من مجلس أنا

..

نبدأ بسم الله

//
\\


&& هلاليه &&

هلا والله ومحرحبااااااااااااااا

إقتباس هذااا اكيد الرياااااااااااااااااض

وش دراكـ
أشكـ انكـ تعرفيني وانا مدري
<< اللي يشوفكـ يقول كل أحد يعرف ماهنا إلا كلكولهـ

إقتباس عيني بعينك اول مره

للأمانهـ ..
لا
بس والله ثاني مرهـ

إقتباس انتي مشهورة مفروض ماتزعلين

رايتس

إقتباس انتي

إقتباس اكل علك والنفسيه عااادي والبدنب جالسه ع كنب واطالع التلفزيون وشبعانه نوووم عندي اوف اممم وش بعد بس

الحمد لله وضع نفسي وبدني جيد

إقتباس والله انك شي انا قلت الموضوع بيصير رومنصي

رونانصي
أنا وين والرومانصيه وين
خلينا على هبالنا أصرف لنا

إقتباس عشان تصيرن انو حطي كل ابو دايم مخرج ومدخل واللي تبين اهم شي تكتبين موضوع توسعين صدورناا

اجل ابي اصير انو
الله يعينكم كل ابو دايم اجل بحط مدخل ومخرج

إقتباس ياعيني قايله انا المدخل الرياااض والحين صااحب الرياااض

وأنا قايلهـ انتس تخوفين
بسم الله وش دراكـ

بسم الله علينا
وش بقى ماتعرفين
<< توحشت وجلست تقرأ الموعوذات

إقتباس يماااااااااااااااااال العافيه ياحت حت على هالموضوع اللي وسع صدري وانا فاضيه

الله يعافيكـ ياقلبي
شرفتيني

//
\\

راكان _ 20 _

إقتباس يا الغالي أكثر الأسئلة مترابطة يا ليت تغير كم سؤال لأن الموضوع مشيق للغايه إذا ممكن لك تحياتي على الإبداع .

هلا بكـ راكان ..
والله هذا كل اللي طلع معي
واذا طلع شيء جديد
أبشر بسعدكـ

//
\\

darseen

إقتباس والله موضوووعك مادري وش يبي صراحه انا تشتت مرره اشووف نفسي معك بالفصل وشووي الا انا بالسيب حق المسااعده وشووي الا جالسين بزاوويه الساحه وجتنا بنت ترركض تقول ابله منيرره تبيك واخرتها حسيت اننا ببرنامج العرااب من مدرسه لبرنامج شــــي هالموضووع

الله يصلحكـ
وش عرفكـ بفن اسلوب الكاتب
هذا فن خاص
تعلم من الاسلوب المشوق
<< ايهـ هين

على العموم مشكوووووووور على المرور

//
\\

عاشقة الزعيم 15

وربي ياعشوقهـ اني احبتس

إقتباس هاا اعذريني في بس بدون ذكر اسامي

عاطي جطا خليكـ صريحهـ
وماعليتس من أحد

إقتباس مو انتي

إقتباس لانك تكرونيه

إقتباس فووووتك بعاافيه ورده ورده سلاااااااااااااام

ربي يعافيكـ


//
\\

المتعه 9 الجابريه

إقتباس موضوعك حالته صعبه وحالتك اصعب على طاري التهريب ايام الثانوي كل يوم نهرب بس مانهرب كل الدوام شطار حنا وعندنا طموح نصير دكاتره ومهندسين يعني نهرب نص الدوام نروح البوفيه نفطر ونقبع لنا شاهي حليب واذا بغينا نرجع للمدرسه ناخذ سندويشة فلافل للمدير عشان لاقفطنا نعطيه ويمشينا سانكيو على موضوعك الي ميه ميه وانواع النفسيه

لي رد على سالفة النفسيه بعد شوي

بس من جد تعرفون كيف تسلكون اموركم مع المدير

مشكور ع المرور


//
\\

ابو طلال

إقتباس انتي من كثر ماتتكلمين عن سوء حالتك النفسية شكلك بالاخير بتنهبلين .. وماتكتبين موضوع إلا بعد ماتاكلين حبة مهديء .. وهالنفسية كل شي يتبعها .. لو تتثاوبين تعبت نفسيتك قايلك مشكلة هالنفسيه تتعدل مع تغيير هاللون المخنز

الله يصلحكـ يابو طلال

شوف أنا اصلا ما أفضى للمواضيع إلا اذا كانت نفسيتي مش ولابد
يعني اذا كنت مبسوطهـ ومروقهـ
ما أفضى للمواضيع ولا حتى للنت

يعني انتم ضحية نفسيتي الزفت
<< صريحهـ وأقولها على بلاطهـ

وغير كذا النفسيه كانت زفت يوم اني بالمدرسهـ ويوم الاحداث ذي تصير
بس يوم رجعت للبيت مابي إلا العافيهـ


وربي ان ذا اللون يشعرني باني عايشه الحياة صح
<< يمديكم على هالجملهـ
بس ما أحد جرب
اسأل مجرب ولا تسأل طبيب

إقتباس بالنسبة لموضوعتس ... احترت والله من احطله هالكلمات .. ومن اخصه .. فيه مجموعه من الأسامي لهم اختيار واحد .. عموما .. حبيت اسجل حضوري واعجابي بمواضيعك الحلوه .. وربي يسعدك .. ويسلم نفسيتك من كل شر

الله يسلمكـ يابو طلال ويسعدكـ وبيخلي لكـ عيالكـ وامهم
حضروكـ اسعدني كثييييييييييير
لا عدمنا ذا الحضور

//
\\

بني حارث

إقتباس خويتي فاتن الله يرحمها شهر وأسبوع على وفاتها

الله يغفر لها ويرحمها

إقتباس هههههههههههههههههههه مشكورة حبيبة قلبي موضوع زريف وخفيف لا خلا ولا عدم

العفو قلبو
أنتي أزرف

كل الشكر


//
\\


S K Y

إقتباس ابلى نوره ياعيوني .. يالي لابسه الليموني .. لابسه ساعه لماعه .. تسوى كل الجماعه < استخف الولد

وش ذا الغبار اللي طلعتهـ لنا
اقسم بالله انكـ ترااااااااااااااث
ذكرتني بأيام الروضه الخوالي
<< تسنهـ عجوز

إقتباس بصراحه انتم ياحقين المدارس عليكم قصص .. للحين ماتخرجتوا ؟؟ عساها آخر سنه بس

لا ماتخرجنا
باقي سنه ثانيه ونخلص

إقتباس وياحلاتها اذا كنت منحاش من فوق الجدار الواحد يحس بطعم النحشه

ايهـ والله هذي حلاة الهجات
بس حنا بنات
(اذا) هجينا برى المدرسهـ فيها قبايل

إقتباس أتصفق من ابوي ولا أتصفق من الغريب لا أحد يحسبني داشر .. ترا دايم لكل طالب أيام عصيبه

خخخخخخخخخخخخخخخخخخخخخخخـ
أجل تتصفق من الغريب

ايهـ والله لازم الايام العصيبهـ
بس ياحلاتها

سكاي كل الشكر ورده

//
\\

بقايا حرف

إقتباس لا اوصيك وصية ام لابنتها هجي واستانسي ترى ايام وتعدي>> الله من زين النصيحه

اليوم سمعت نصيحتس
بس مو بالهجهـ

اليوم تهاوشت أنا ودرسة العربي
واقسم بالله شوي وتصيح
تدرين ان اليوم المفروض اختبار أدب
وانا ياعمري مادرست
وصحيت الصبح بدري عشان ادرس
وبالاخير يوم رحنا للمدرسهـ وجت بتعطينا الاسئلهـ
قالت : خلاص الامتحان تأجل





حنا قبينا عليها
بصراحهـ حمدت ربي ان انا موهي
وكملنا عليها الحصهـ الخامسهـ بعد


..
والشيء الثاني
اليوم هججت بنت عمي معي من المدرسهـ
حنا نطلع بدري اليوم وهم لا عندهم 7 حصص
وهججتها معي من المدرسهـ ولا أحد يدري
استفدت من نصايحكم
<< تسود مايقال لهـ شيء

يا دختر
شف ردي على أبو طلال عن هالمحور
عجزهت اعيد

إقتباس انا كنت المصري حق الفصل .. يعني لو اتمغط صقعت السبورة من كثر م انا متقدم قدام

بلا الــ DR ماجت من عبث ماشاء الله عليكـ

أنا وسط لا كذا ولا كذاكـ

إقتباس يعطيك الف عافية عالموضوع ... واهنيك على اسلوبك تحياتي

ربي يعافيكـ
اخجلتني

//
\\

أحلاهم وأتحداهم

إقتباس ههههههههههههههههههههههههههههههه أجل بالمدرسة وتسحبون حركات التسحيب مع الاسف تعلمتها بالجامعه >> الناس تعقل بالجامعه وتتشطر وانا عكسهم حتى ايام بكبرها ماداوم الله يستر علي يالله حتحوتة موفقة يااارب وهالله هالله بالنسبة الحلوة

هلا والله وغلا

الله يخلف عاد بالجماعه مره وحدهـ
هذي فيها دكاترهـ ورسوب مع اي حركهـ
يعني الله يستر عليتس

ان شاء الله نرفع روسنا بالنسب
<< ايهـ هين

//
\\

بريماكس

إقتباس تصدقين اني عجاز ارد بس اللي جزمني كله الصوره اللي باخر موضوعك فديت الربوع انا بس اشك انه صورتي غير المره اتستاذني مني فاهمه قبل لا تنزلينه ؟

أنت معكـ ربع
ماودكـ تسلفني اياهـ 5 دقايق
آآآآآآآآآآآآآآآآآآآآآآآآآآآآآآآآآآآآآآآهـ يالربع

تدري ان فيه بيت عند مدرستنا عنهم ربع
وكل يوم وأنا رايحهـ للمدرسهـ او طالعهـ منها
أطب بالسيارهـ
حتى لو كنت اسولف .. اسكت وبعد مانتعدى الربع أكمل سواليفي

واذا كنت طالعهـ لمشوار وصادفت ربع بالطريق
خطر اني اخلي اخوي يصدم
من صراخي
عاد الحمدلله للحين ماقد وقفت مع ربع عند الاشارهـ
وإلا كان ركبت معهـ
عاد تعرف القصمان اذا شافوا احد يشوفهم
يحسب اني خاقهت عليهـ هو ووجهه
مايدري اني على السيارهـ

أوووووووووووووووووووووووووووف هو صدق خلصنا الصفحهـ الأولى

الهنوف
الفيروسه
بلد القلق


لي عودهـ معكم