|
ابي افرمت الجهاز .. واحتاج بعض المعلومات .. اللي يعرفها لا يقصر ..
صبحهم بالخير .. بصراحة .. رحمتكم في هالقسم  ما هنا وناسة .. ما فيه الا طلبات .. وواحد اكتشف خطأ .. وواحد عنده صور ما سنجر .. لذلك قررت اني افتح لكم موضوع شات .. تتونسون فيه .. وتأخذون وتعطون .. <<< هذا المستشار متلطم وداخل بيوزري .. وبعد هالمقدمة الماصلة .. انا والله محتاج مساعدتكم .. وابي فزعتكم  .. قدر الله علي وابي افرمت الجهاز حقي  .. بس اخوكم ميح في الكمبيوترات  .. لذلك ابيكم الله لا يهينكم .. تفيدوني بالبرامج اللي يحتاجها الجهاز مع رقم آخر اصدار .. يعني لزوم الفلسلفة على العامل اللي يفرمت الجهاز .. ابيه اذا سمعني وانا اقول له على البرامج واصداراتها .. يفكر اني متغدي مع بيل جيتس .. طبعا انا اعرف بعض البرامج .. واحتاج اصداراتها الاخيرة .. مثلا : real player winZIP win RAR photoshop massnger adope reader . . . جهاز الكمبيوتر .. فأرجوكم .. اللي يقدر يفيدني لا يقصر .. ولا يحتاج روابط تحميل .. لأن اللي بيفرمت الجهاز يقول تعال واختار اي برنامج تحصله موجود عندنا .. وغير كذا .. انا اتذكر واحد من الشباب فرمت جهازه .. ومسحوا له تعريف الواير لس .. لذلك .. اي شخص يبي يحذرني او ينبهني لشيء معين .. يقوله .. والاجر على الله .. ولكم مني كل الشكر مقدما .. وجزاكم الله كل خير .. قبل الاضافة : كتبت موضوع سابق عن مشكلة الاتصال بالواير لس .. ولم تتسنى لي فرصة الشكر لمن حاولوا المساعدة لمشاكل في اليوزر .. فشكرا لهم جميعا .. وعلى رأسهم المستشار .. وجزاهم الله كل خير .. . | 