نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - بانورامـــــــــــــــــــا (( العدد الأول والأخيــــــــــــــــر))

فرصه ضايعه · #18 14/11/2007, 10:58 PM

هلا والله بأخوي مطيع

حضور مميز ومختلف

...

دايم اقرى خواطرك وتعجبني

بس ماالقى نفسي فيهن للأسف

...
عشان كذا أغلب شي ماارد

بس هنا الوضع مختلف واعجبني كثير تغييرك

.... على الأقل أقدر ارد بشي أعرف له

<<< رحم الله امرئ عرف قدر نفسه

أول شي والله ياأنا انعميت من هالخط

...
استاثمت فينا مطيع

ياناس تكفون ارحمونا منه وشيلوه من مجموعة الخطوط

أي واحد يكتب فيه مايحط الحجم المضبوط

ويخلينا نقرأ الموضوع وحنا لاصقين بالشاشه

وأنا زودن على كذا رحت للعرض وحطيت حجم النص الأكبر وهو كان محطوط على متوسط

يالله أنه تعدل

<<< خلاص غثيتوه بالخط ماتسوى عليه

تركتوا الموضوع وركزتوا على الخط بس

888
88
8
نفسي تهوش نفسها

إقتباس


	لحظة ضعف:-

من سنتين تقريباً صار بيني وبين وحدة من أعز صديقاتي مشكلة هي اختلقتها وزعلت

وكلمتني ساعتين مغير تهوش علي

وأنا احاول ادافع عن نفسي

....
أنا مستغربه كلامها وردة فعلها

قلت أكيد أحد داخل بيني وبينها وموصل لها كلام شين عني

بس مب معقوله تصدقهم وتكذبني

قعدت فترة وأنا بلحظة ضعف وانهيار وتفكير

ليه كذا هانت معها العشرة وخربت علي العيد

لأنها دقت قبله بيوم ومازالت تهوش

أنا يوم دقت ماقدرت اوقف دموعي وحسيت أني بحالة ضعف والله أعلم بحالي

...
قلت لأختي وكانت حاضرة نفس السالفه اللي تهوشني عشانها
وأكدت لي أني ماسويت شي غلط

بس هي يمكن واصل لها كلام ثاني وصدقته

قلت مب معقوله يعني مب عادتها تسوي معي كذا أنا أعرفها أكثر وحده
وكل يوم أفضفض لأحد حتى أهلي مستغربين عليها لأنهم يعرفونها

المهم وحده من صديقاتي المقربات نفس حالتي دقت عليها وهاشتها

وللحين حنا ماتوصلنا لسبب مقنع لزعلها

بالأول نحسبها تسوي فينا مقلب

بس طول الوضع

بعد كم شهر دقت علي وقعدت ثلاث ساعات

تعتذر

أنا كله صياح بس

...
صار البلى منها وأنها عندها مشاكل خاصه نعرفها

بس حطت الحره فينا

وفشت خلقها علينا زي مايقولون

تقول لو أني ماأمون عليكم ومااعتبركم أخواتي كان ماسويت لكم كذا

صديقاتنا الثانيات عادي معهم هي كل ذيك الفترة

بس عشانا حنا مقربات منها حطت فينا الحرة

هي مب عادتها تسوي كذا بس يمكن عشان النفسيه كانت مش ولا بد

وناس ولعوا شرارة بسيطه بوجهها وهي ماصدقت خبر

العادة هي تفضفض لنا وحنا نخفف عليها

مب كذا تطب بوجيهنا وحنا ياغافل لكم الله

الحين الحمد لله رجعت الأمور تمام

من عقب ذيك المكالمة

الله يسامحك يالشيفه

<<<< قصة حياتها

الحاصل من هالقصة الطويله العريضه

أني مريت بحالات من الضعف والبكاء مالله به عليم

...
وهشتها يوم اتصلت تعتذر مني

وحذرتها تسوي فيني كذا مرة ثانيه

والحين حنا بسبات ونبات بس مابعد خلفنا صبيان وبنات

إقتباس


	طفــــــــولة:-

الله يخلف على امن جابتني

كل حياتي مع الرجال يوم كنت صغيرة

لعبي وجلوسي وكلش

لدرجة أن رجل خالتي لو دخلت عليه الحين بالغلط يقدر يميزني عن أختي الثانيه

اللي الناس يقولون أن حنا توأم من الشبه

<<< مع أنهم ماعندهم سالفه

بس الحريم يغلطون فينا

وهو مايغلط

يسولف على خالتي يقول أني كنت مطيعه وحليله عكس أختها ماتسمع الكلام

إقتباس


	وكلي عذر على رداءة التنسيق ويبقى العذر ان المرء لا يلام بعد اجتهاده ..

ياحليلك تعتذر وحنا طابين فيك وقطعناك

أثرنا مانستحي على وجيهنا

يعطيك العافيه أخوي مطيع

...
موضوعك متنوع وحلو ...
يكفينا أن كاتبه مختلف عن الكل

خلك على هالوازنيه

سلاااااااااااااااااااام ,,