نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - <><> يوميات الأعضاء في رمضان مع المشاغب <><>

كاريزمـا · #42 25/09/2007, 01:13 AM

هلا والله المشاغب

كل عام وانت بخير

ندخل ليومك بالتفصيل ونحلله

إقتباس


	وأحب أن أبارك للجميع باليوم الوطني اللي مر علينا بالشرقية ولا درينا عنه .. ما شاء الله على أهل الشرقية في بيوتهم 24 ساعة كنهم سمك ما يطلع من البحر ..!!

إقتباس

والله حنا طلعنا مثلهم مادرينا الا من التلفزيون

إقتباس


	يومية المشاغب برعاية:

إقتباس


	" أسهم المواشي امباااااااااااااااااع "

حتى برمضاان الخرفان ماسلمت منكم بس ترى سعرها زايد هاليومين

إقتباس


	المفتاح من جيبي وشلته بيدي اليمين ودخلته بالباب ثم طلعت وقفلت الباب وطلعت المفتاح من الباب وحطيته بجيبي

مسئلتك صعبه داخ راسي وانا ماغير اقرا يمين ويسار

من أذان العصر حتى أذان المغرب:

إقتباس


	حسيت وأنا نايم أن فيه أحد في حاجة إلى مساعدتي فنهضت أشوف وش يبي هالقلق؟ ما شفت أحد عندي..

تكفى بس يطلبون منك المساعده

بلا من غبائهم ماحصلوا الا انت

إقتباس


	بعد ما رجعت لهم وحسيت أني عطيتهم وجه زيادة .. حطيت لهم محادثة جماعية بالغصب .. وخليتهم يتفاهمون الله يخسهم بصراحة مشكلتهم كبيرة وصعب حلها .. لأن سبب المشكلة بسيط وماله داعي .. بس أنا حاولت أولعها شوي لزوم الأكشن .. بس الحمد لله ما طلعت من عندهم إلا والمشكلة انتهت .. << والله لو ما قرب أذان المغرب عندنا كان مددت الوقت لأشواط إضافية

إقتباس

زين ماشاء الله عليك اللي صالحت بين اثنين خصوصاً برمضان

إقتباس


	رحت عند العيال بالغرفة .. وكان الفطور جاهز بس ناقصه السمبوسة قلت وين السمبوسة؟ .. قالوا نسيناها بالمطعم عصبت عليهم .. وقلت ما نسيتوها إلا بيومي؟ وش أقول الحين بالمنتدى؟ أني فطرت بدون سمبوسة؟

يؤيؤ عاد فطور بلا سمبوسه مثل القدر بلا غطى

فرزل سمبوسه وأقلاها ياملا الغنيمه>> نصيحتها دايم للمتغربين والمتغربات من أفراد

العائله

إقتباس


	1- اتصل مباشرة الملحوس هامور البورصة وقعد يضحك من أول المكالمة لآخرها .. فرحت حسبت الولد انهبل وراحت شوية المخ اللي براسه ... لكن طلع الملحوس مضيع في يومه..!! يقول أن اليوم يومه هو موب يومي قلت يا أخي اليوم 10 يعني يومي .. قال ايه أنا 9 يعني يومي يصير اليوم حاولت أفهم هالملحوس أن يومه هو يوم الجمعة وأنا يوم السبت وأن توقيت نزول الموضوع ماله دخل بتاريخ اليوم .. لكن الملحوس واصل ضحكه وقاعد يقول لي والله أنك ملحوس

والله كلكم يالاثنين داجين وماتدرون وين ربي حاطكم

أجل كل واحد يقول اليوم يومي

إقتباس


	أمووت وأعرف وش معنى ك.ج ؟

كن جنياً

إقتباس


	3- وصلتني رسالة اعجاب من رقم غريب بصراحة الشيطان نغزني ووسوس لي عشان أدق على هالرقم لأن احساس شيطاني يقول أنها رسالة من بنت ... بس ضميري يقول حرام عليك اترك الخرفنة في رمضان لكن شيطاني الخبيث أقنعني أنها خرفنة إسلامية

أجل خرفنه إسلاميه >> يامقلب القلوب ثبت قلبي على دينك

أعنتوك أستح ابليسك أكبر خروف وتطاوعه

تسيف تسطي؟

إقتباس


	دقيت على الرقم : لأتفاجأ بصوت ماجد مقبل اللي حطمني 180 درجة قعد أبومقبل يضحك علي ويقول : جريتك جريتك صح؟ من القهر قمت أصرف الموضوع لموضوع الاستراحة

إقتباس

والله ماعرف لك الا ماجد مقبل سحبك شر تسحيبه

إقتباس


	.. نسيت نفسي وكتبت رد في أحد المواضيع .. وما دريت أنه يوزره إلا بعد ما رديت بس ما حذفته عشان ما يروح تعب ردي على الفاضي .. وقلت يا رب ما يدري ميسي..!!

أكيد الموضوع مهم وفيه محارش

وعجزت تمسك يدك

إقتباس


	المهم اتصل علي ميسي ورديت عليه .. فقام على طول يقول .. ما لك داعي .. منتب رجال .. ومن هالكلام أنا انحرجت وقلت على طول .. قسم بالله ما دريت إلا بعد ما أرسلت الرد .. والله ما قصدت .. وبعدين عادي ترى..!! استغرب ميسي وقال وش قاعد تخربط أنت؟ وش مسوي أنت بيوزري؟

هههههههههههههههههههههههه
ههههههههههههه
تسمع باللي يقول (( اللي على راسه بطحأ يحسس عليها

))

..

إقتباس


	استمرت الخطط بيني وبين ليو ميسي ساعات متواصلة .. وكانت عندنا خطة غير شرعية سميناها الخطة القذرة اللي كانت راح تضمن لنا فوز مؤكد 100% .. لكن تراجعنا عنها باللحظات الأخيرة خفنا من دعاوي المظلومين بصراحة

الا مبروك الفوز >> على الفطنات

طلعت منتب سهل ياحمود سلطان مدري ماجد الخليفي

باقي الجوهر
ماشاء الله محلل ومدرب

بس مااتوقع ان لك دور لأن اللاعبين اللي معك محترفين من الطراز النادر

إقتباس


	دخل ميسي ثم اتصل علي .. قاعد يقول سلطان ترى يوزري موقف .. قلت كيف؟ قال لقيت رسالة بالايميل تو : لقد تم ايقاف عضويتك لأن واحد نشبة يبي يدخل فيها ..!!

يووووه ياليو عادي أحس أكثر وحده جاتها هالرساله انا

أنهبلت أول مره بعدين أستملس جلدي عليها

لا وأقعد أفكر أقول مين اللي بيخترق يوزري

إقتباس


	وكل ما حاولت أصرف أحد منهم وأقول أبي أكتب يوميتي وأفتك منه .. يطلع لي واحد ثاني والله ابتلشت .. أدري بتقولون اطلع من الماسنجر .. بس بأقول لكم وش دخلكم؟ ماسنجري ولا ماسنجركم وجع

ايه المفروض تطلع من المسن لاصار عندك شغل

إقتباس


	إلا تعالوا .. نسيت أقول لكم .. أن أخويانا الاثنين اللي متهاوشين العصر .. رجعوا لي مع أذان الفجر ما دريت وش عندهم .. بس ما عطيتهم وجه .. قلت أنا يوميتي خلصت والحين لا عمركم تراضيتوا خلاص أنا اكتفيت من الأكشن اليوم .. شوفوا اللي يوميتي بعدي وتفاهموا معه ..!!

إقتباس

هذا يفسر سبب مقولتي لك بالبدايه(( ماحصلوا الا انت)

الف شكر لك يالمشاغب على يومياتك الظريفه والخفيفه

والأكشنيه