وهذا الجزء الحادي عشر 0
*******************************************
ذهب خالد الى المشعوذ مرة اخرى كما قلت من قبل بانه يريد ان يتعلم هذه المهنه
فطرق خالد الباب ودخل .....
خالد : ودي ياشيخ انك تعلمني من هاذي الاشياء اللي اتسويها حق الناس
المشعوذ ك وليه يا خالد ودك تاخذ مهنتي ( وهو يضحك )
فارتاح قلب خالد للمشعوذ قليلا بعد ان كان يطويه الخوف ولكنه قال
خالد : لا ياشيخ بس ودي اشوف الكتب اللي عندك حتى اتعلم والعلم زينة الحياه
وهذا شي جيد لو ان الواحد تعلم له شي ثاني غير عن الاشياء اللي دوم يعرفها
المشعوذ : اسمع ياخالد انا من شفتك وبكل صراحه ارتحت لك كثير وادري ان
قلبك يحترق من الداخل علشان تاخذ نوره واذا انت حابب تتعلم انا ماعندي مانع
بس تدري مافي شي ابلاش .... وضحك خالد من كلام المشعوذ ...
خالد : انا حاضر بلي تبيه بس تضمن لي ان الاشياء هاذي اللي بتعلمها اتحقق لي
كل شي
المشعوذ : الله يهديك وانت اتظن كل شي تبيه بيتحقق لك
خالد : عجل كيف انت تعمل لي هاذي الاشياء من حجاب ورسمات
المشعوذ : هذا يبغي له قلب قوي ياخالد انه يقدر يخاوي الجن
خالد ... بلع ريجه وكان قال له غدا سوف تموت فخاف من كلام المشعوذ وقال
خالد : بس ودي اشوف الكتب اللي عندك وودي اقراها اذا سمحت
المشعوذ : هاذي الكتب ثمينه وماقدر اعطيك اياها واذا حبيت ان تقراها اجلس
عندي واقراها
خالد : بس انت مشغول مع الناس وهم دوم يجونك ومجلسك مهب فاضي
المشعوذ : انت ماعليك اذا بغيت اتحب انك تجي تعال في اي وقت اتحب
وهنا فرح خالد لان العلاقه توطدت بينهم واخذ يقرا خالد في بعض الكتب حتى صلاة
الظهر فهنا قرر خالد الانصراف لانه على موعد مع ام نوره بعد العصر ... وهنا
ودع خالد المشعوذ ,,, وبعد صلالاة العصر ذهب خالد الى بيت ام نوره
وطرق الباب ... وفي لحظه من اللحظات فتحت اخت نوره وهي دانه الصغرى
المولعه بخالد ومشاعر خالد ... فسلم عليها خالد ولكنها لم تجبه السلام فتعجب
خالد منها وهي تنظر اليه عين بعين وكان في عينها بريق من الحزن ... فقالت
دانه : ليتك ماجيت وخطبت امل وليتك بعدها ماشفناك
انت زرعت في قلبي آهات وقلبي عجز من طرياك
تعجب خالد من كلامها فقال لها .....
خالد : وش هالكلام يا دانه ... حصل مني خطأ لا سمح الله او زعلتك في شي
وهنا جاءت ام نوره ولكن العيون تنظر الى بعضها كان ساعات العالم توقفت
واصبح كل شي في هذه الدنيا كالصنم ... فتكلمت ام نوره
ام نوره : لحظه ياخالد خلني اجيب لك الصحن
ولكن خالد لم ينطق بحرف من هول المفاجأه التى تفاجأ بكلام دانه الذي لم يعتاد ان
يكلمها في يوم من الايام الا بالسلام فقط .... وهنا تركت دانه خالد وذهبت وجاءت
ام نوره واعطته الصحن حتى يذهب به الى المشعوذ ... ومن المفاجأه حتى لم يقل
لام نوره مع السلامه ... وهنا سالت ام نوره دانه .......
ام نوره : وش بلاك دانه اشوفك تنظرين عين بعين لخالد وكانه في شي
دانه .. لم تقدر على الكلام فنزلت دموعها واخذت تبكي .... ولكن ام نوره لم تعلم
ماحكايتها ... ومن شدة البكاء والحزن التف نصف وجهها الى الناحيه الاخرى
وهنا اخذت امها بالبكاء لانها لاتعلم من امرها شي فقررت الاتصال بخالد لياتي
اليهم وياخذهم الى المستشفى ولكن ابو نوره وصل في الوقت المناسب
واخذها الى المستشفى والذين قرروا بانها حاله عصبيه ....
وواصل خالد طريقه الى المشعوذ .... ولكن تزلزلت عواطفه ومشاعره الى
دانه بعد ان سمع كلامها ولم يعرف ماذا يفعل في حينها واخذت افكاره الى دانه
وكلامها الذي فجر آهات جديده في قلب خالد ... حتى وصل خالد الى المشعوذ
واعطاه الصحن .. وهنا قال اله المشعوذ
المشعوذ : اسمع ياخالد اليوم انت اتروح حق ابو نوره واتكلمه في الموضوع
**************
وللجروح بقيه 0