السلام عليكم ورحمة الله وبركاتة
اخواني الزعماء كل الامنيات لزعيمنا الازرق بالتوفيق والحصول على الكاس بأذن الله تعالى
انا حبيت اشارك بهالموضوع لان هناك شي اهم من الحصول على البطولة
نعم اقسم بالله انها اهم من البطولة وكل بطولات العالم
طبعاً الكل وده يعرف وش هالشي اللي اهم من كل البطولات .
ياجماعة الخير كل واحد يتذكر ان فيه ناس تنتظره بالبيت سواء الوالدين او الاخوان او الاخوات وبصراحة انا اشوف مثل مايشوف الكل ان رجوع الواحد للبيت بالسلامة هي البطولة الحقيقية لوالدينك و اهل بيتك 
. فياليت ياليت الكل يترك السرعة والتهور بالقيادة واقول لكل اللي راح يحضرون المباراة سواء من داخل الرياض ولا خارجها ان شاء الله راح نفرح كلنا بالبطولة والكأس ومانبي نسمع عن فقد اي مشجع سواء هلالي ولا اتحادي لذلك لالالا والف لا للسرعة لا والف لا للتهور لا والف لا لقطع الاشارات 
انا متفائل بالفوز ان شاء الله وراح نحتفل وننبسط لكن بالنادي وليس بالتفحيط والتهور والسرعة ويارب الكل يرجع لبيته بالسلامة وهو مبسوط بتحقيق الهلال للكاس 
اخوكمـ
HeLaLy MaRkA
