عذراً بالحيل على التأخير..

انشغلت هاليومين


أشكر الجميع على دعواتهم الصادقه والله يتقبل مني ومنكم.

___________________________


سندريلا الهلال

يا هلا واالله ومسهلا ..

إقتباس يعني حماية مستهلك موضوعة تملئ فراغ بس..!! وين التطبيق طيب ..!! اشياء كثيرة نسمعها .. بس مانرى فعالية لتطبيقها ..

المشكله القرارت واضحه وصريحه والميزانيات الممنوحه لتطبيقها كافيه ولله الحمد والمنّـه ، واللي يقرا المهام الموكوله لثمل هالجهات يقول ان حنا في أوربا ..

لكن عدم فعالية الجهات الرقابيه المعنيه بمتابعة تنفيد المهام ومراقبة صرف الميزانيات، وانعدام الامانه والاخلاص وقلة المروءه هي اللي خلتنا نبحث عن من يحمينا ممن وضعوا في الاصل لحمايتنا !!


وين اللي يحبون الوطن ويدعون الوطنيه أمام الكميرات عن هالمهازل و والانفلات و المسخره اللي تصير؟؟

حتى حياء ما عندهم!! يطلعون بالتلفزيونات والبرامج الاذاعيه ويتكلمون عن أعمالهم وانتاجيتهم واخلاصهم وان الاوضاع جيده !! وكأن المواطن لوح مايشوف وما يفهم..

الله يريد بنا خير ان شاء الله ونشوف مسؤولين على قدر من الامانه والاخلاص يكون همهم الاول هو راحة أبناء البلد والحفاظ على مدخولاتهم البسيطه من طمع وجشع التجار..

الله يعافيك يالسندريلا وشاكر لك تواجدك ومشاركتك


_____________________________________


الفيروسه الزرقاء


هلا ومرحبا تراحيب ٍ واجدات..

أنا كويس قداً ونشكر ربنا ، ازيك انتي وازي فوبيا الاخطبارات معاكي؟

بئا تسذا يافيروسه تكرهين السولوساء بس الصدق انك معذوره

إقتباس جت براسي أحلل الغياب قلت بقى 3أسابيع ويبدأ الفاينل ورى ماغيب

ابو طبيع ما يخلي طبعه وين النصيحه اللي تقول التركيز في المحاضرات؟!!
يالله ما علينا أهم شي انتس استانستي >>>> مهوب ينكد أبد

إقتباس مركبه المسرح المنزلي ع Pc علشان أخش جو

انواااع كيف الحال

إقتباس طب اليوم بـ الاختبار وراها حاطه د يزيد نسبته عن 35% والخيار الثاني لاتقل نسبته عن 35 % والخيار الثالث لاشي مما سبق !! من جد حيرتني .. عاد حطيت الخيار لاشي مما سبق .

لا هنا فيه فرق كبير

" يزيد نسبته عن 35% " يعني ان النسبه فوق الـ 35 % ( ولا يمكن أن تكون 35 % )

" لاتقل نسبته عن 35 % " يعني ممكن أن تكون النسبه 35 % أو أقل منها

" لاشيء مما سبق " هذي في الغالب حيلة العاجز ، والعاجز في حالتنا هو انتي

إقتباس طب القصمان وعرفوا ، واحنا مالنا رب نعرف

الهايلكس الـ 88 مصنوع باليابان >>>> تكفيك هالمعلومه بما انك من عشاق اليابان

الـ 88 كانت مكينته قويه والبودي حقه حديد وخطوطه جمليه والقصمان كانوا يقولون وقتها ان اللي صنعه مااات بمعنى أنه لن يصنع مثله أبداً !!

إقتباس ممكن اعرف محتويات " صبه " جاز لي اسمها صبه

اخس يالناعمه ما تعرفين الصبه!! واااخزياه بس !!

الصبه عباره عن ستيك لحم بقري well done يقدم مع قطع الباستا الشهيره وسلطة المورتليني

إقتباس ياااااااااااااااربيه اكرهه اكرهه اكرهه هـ النايم مانيب اوطانه خير شر مدري وش لاقين فيه عجزت اهضمه

منوّل يافيروسه منوّل اذا سمعت " فجأة طلبتني لها بلا معياد " ، وبعدين بعدها على طول سمعت" لوتعرفوا بنحبكم و نعزكم كدا أد ايه " ، يبدا خشمي يرعف

إقتباس المصيبه ان هـ الرف الاخير محد يدري عن مكان حلوياتي إلا أنا وماتجي نهاية الاسبوع إلا ومنتهي !!

أنا اعرف وين يروحن

اختي الصغرى تسوي مثل أنتي تغبي الكاكاوات بدرج عندها بالغرفه ، وانا اذا صحيت من النوم المغرب( فترة القهوه عندي) قلت لاخوي الضغير يمر غرفتها ويشكل لنا نوعين ثلاثه المشكله انه ينزل للصاله ويغبيهن بقميصه تقل معه حشيش

إقتباس امممم يمكن اللي مرتفعه السلع المعمره

صحيح المعمره أسعارها ارتفعت بشكل مهوب طبيعي أبد

فيروسه وشي المعمره الله يرحم والديك

إقتباس أخس أخس اخس يـ اللي تمشي حياته

يا شينتس بعد... انواع البثاره ما تخلين شي


تشكراات والله مير يسلمك يالفيروسه ودي أعترف مضطراً أن مشاركاتك لها مذاق خاص


_____________________________________




هلالي ونبضي سامي

وعليكم السلام والرحمه،،

هلا ومسهلا ياغالي ..

مشكور ، والله يرضى عليك ويتقبل منك



_____________________________________



20&الهلال حبي&9

هلا ومسهلا ..

إقتباس وبالنسبه للاسعار ال500 صارت ماتسوي شي تقضي بيومين

من عقب ما كانت الـ500 لها قيمتها ولا تطلع الا وقت الشدايد صرنا نشتري فيها دجاج

تشكراات لمشاركتك


_____________________________________


سهل


هلا والله وغلا بابوحاتم ..

إقتباس صحيح ان 88 ثابت وبدي بس التسعاوي 89 كذا

بس خطوطه تحوم التسبد مهيب هاديه ورومانسيه زي الـ88 ;)

يوم شفت الصوره اللي انت جايب تأكدت من النظريه اللي تقول " سلم لي على التويوتا وبس "

إقتباس وش بنسوي بالفئه الجديده .. لا والله اللي راحت فلوسنا خشاش

اي والله غدن دراهمنا خشاش لكن أغديهم يهونون وما يصدرونها ، بيني وبينك تضيق الصدر !!

إقتباس الله يشفي والدتكم ووالدتنا ويمتعهم بالصحه والعافيه ..

آآمين ، والله يابعدي ان الواحد لا شاف أميمته تعبانه تضيق به الوسيعه ، لكن رب العالمين رحيم بعباده..

تسلم ياغالي على المشاركه

_____________________________________


الهنووف ..نوبتن أخرى

هلا ومسهلا

إقتباس ادري انك تبي تنجز بالردود بس ودي اعذبك

لا عااادي أفا عليك بس ، أصلا انا ما عندي شي

إقتباس اقدر اضمن لكـ 60 متر ب300 الف

عسى ما تكلفتي بس

لا ومن زين الطبايع حاطتن وجه ماسكن علم

إقتباس ايه لاني سمعت ماء زمزم لما شرب له

صحيح ولا عندي شك بأن ماء زمزم معجزه من الخاق سبحانه وتعالى ، بس أمزح معك على سالفت أضمن;)

إقتباس لا حرام عليك عساي اكل وجبه باليوم

طيب صدقتك

إقتباس بتقول لي مو ملزوم تاكل من هالمطعم بقولك هالمطاعم هي الي تضمن اكلهم

يا كثر ما تضمنين خابر لك وظيفة مديرة اداره بالضمان الاجتماعي

إقتباس منتب قد الزواج وراك تتزوج

والله لو تقول لي مرتي تسذا لا أقول لها انثبري >>>> يقاله أقشر

إقتباس ماتلوم البنت اذا متعوده على الرفاهيه وتفاجات برجال يقول مامعي

يعني وشلون؟!! وش نفهم من كلامك؟!

تبين زوجك " يضمن " لك كل يوم موكا وتشيز كيك لا والله راح وطي الضعيف


الله يعافيك يالهنووف ياللي ما تاكلين وااجد ولا تطلبين شي مع الموكا

_____________________________________


العنا

هلا وغلا بمطوّل الغيبات ..

إقتباس عسكريم ابو نص مازال ماسك سعره

أقول ليتك ما رجعت على هالملاحظه الداجه

إقتباس الله يشفي امك ويخليها لكم وتترك عنك سالفه الغلا وتعزمنا لو تاخذ منا قطه عقب العشا

آآآمين ،، ما ذبحنا وقضى دراهمنا الا هالعزايم وخل باب البيت مفتوح

لكن تراي أبعزمك بأي مكان تحب لو تبي نروح أنا واياك وذكرى للندن نتعشى ونجي

الله مير يسلمك وتشكراات لمشاركتك

_____________________________________



التميميه


هلا ومسهلا ..

إقتباس أجل النصابين محلات الرياضه يبيعون شال الهلال ب30,, وعند الملعب يبيعونه ب10,,

وانتي وش دراتس عسى منتب تروحين للملعب لا تقولين أخوي قال لي

إقتباس أول كانت قيمة الميه عندهم,, مثل الخمسميه,,

وينه منوّل ذا ورى ما يرجع

إقتباس والمثل يقول,, ما سويت سوي بك,,

المشكله اننا ما سوينا شي!!

رواتبنا هي هي قال صبه قال احقنه يعني كيف الحال>>> ما وده يهرج

إقتباس الحين ما لقيت الا أصاله وخالد,, يعني الواحد اذا بيستآثم,, يستآثم على شي سنع,, الله يهدينا ,, ويتوب علينا,,

وراكم انتم قطعتوا جلدي

هذا ذوقي وعلى هواي ما لكم دخل

بعدين مثل ما قلت للفيروسه منوّل اذا سمعت " فجأة طلبتني لها بلا معياد " ، وبعدين بعدها على طول سمعت" لوتعرفوا بنحبكم و نعزكم كدا أد ايه " ، يبدا خشمي يرعف

سيبونن براحتي

وبعدين الحين بديت أخفف ولا أسمع الا ابونوره واليسا ولا عمري طوّلت للمسجل


آآآمين الله يصلحنا وهالاغاني ما وراه الا موتة القلب>>>> علم روحك >>> طيب >>> صرت مثل الحريم احاتسي روحي من كثر القرق

الله يعافيك وتشكراات على المشاركه

_____________________________________


الهـ 2006 ــلالي
هلا ومسهلا

آآمين الله يرضى عليك ويحفظك

تشكراات لمشاركتك

_____________________________________


غازي الدبيسي
هلا ومسهلا

إقتباس ولو ترسل ذكرياتك لاطاش ماطاش يسونها حلقه برمضان احسن يمكن يحنوا علينا البكاستانيه اصحاب البقالات ويخفضوا الاسعار والا وزارة التجارة ماعندك احد

الا وانت الصادق تزوج أربع حريم ، يمنيه وهنديه وبنجلاديشيه وباكستانيه ، واذا بغيت شي من البقاله ارسلهن كل وحده تصلح مع جما عتها

تشكراات على مشاركتك واقتراحك اللي مهوب لم جاده

_____________________________________


هو صدز قضيت

اي والله اني تعبت

لكن على أجر ان شاء الله

فمااان الكريم