نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

صدى الامس · #13 09/03/2007, 12:10 AM

هلا والله مجد

..

إقتباس


	لمَ تلك النظرة الدونية للسجناء خاصة و أن قضاياهم مختلفة؟؟ لمَ يقسو المجتمع على السجين أياً كانت قضيته؟؟ و لمَ لا توفر المستشفيات أبواب خاصة لهم بحيث لا يراهم مثل هؤلاء السذج؟؟

مشكلة البعض انه يتوهم انه بهذي الطريقة يقدر انه يربي طفله على انه يسمع كلامه وما يخالفه ..
مهما كان هالاسلوب مهوب صحيح .. لان بيكون الطفل في حالة خوف ورعب مستمر ..
لانه صورة المسجون في باله وتدور في تفكيرة في كل لحظة ..
بيكون يسمع الكلام وهو خايف مهوب عشانه لازم انه يسمع الكلام .. !!

إقتباس


	جـزء من موقف يحدث دوماً لي و ربما للكثير, لمَ يُفـسّـر اهتامنا بأي شخص من الجنس الآخر على أنه حب له متوج بحلم السكن معه في منزل واحد ( يعني راسمة عليه )؟؟ لمَ دائماً نقدم سوء الظن على حسنه؟؟ للأسف حتى هنا في الانترنت بقيت هذه المعاناة و تعددت أشكالها!!

مشكلتنا اخذناها من المسلسلات المصرية

..
والا كل شي لازم يكون حب في حب !!
يعني مافيه شي اسمه حب الخير .. ومعاملة القريب كأنه اخو ..
بس لانه مثل ما هو معروف .. بنت العم لـ ولد العم ..
والقريب اولى من الغريب .. صرنا نرقعها بسالفة الحب ..

..
صح احيانا يكون فيه حب بين بعض الاقارب لكن مهوب شرط ..
يعني مافيها شي لو كان واحد يهتم في قريباته مثل خواته . والعكس ..
مشكلة الحين اذا سألت عن القريبات تبدأ سوالف الغمز واللمز

وليش وما ادري وش

؟؟
يعني مهوب عادي اني اسأل عن بنت عمي وبنت خالي !!؟؟

اما في سالفة النت .. الوضع يختلف هي ذمم الناس الوسيعة واللي تفكيرها ضيق وما يوصل حتى خشمهم ..
يعني بعض الناس يتساهل في اعراض الناس والكلام عليهم ..
بعضهم يحسب ان واحد ضحك والا مدح موضوع عضوه ان بينهم شئ !!؟؟!!
الله يخلف علينا بس

!!

إقتباس


	لمَ تنطلق سهام الشك بمجرد رؤية شخص يملك رقمين؟؟ لمَ مجتمعنا يعتبر أن من يحمل رقمين هو إنسان ( لعّـاب )؟؟

هي بـ اختصار .. لأن الشر يعم والخير يخص ..
ولأن الشر المقصود انه انتشر عند الناس ان اللي عنده اكثر من جوال .. بإختصار لعاب ..
عشان كذا صار هالشئ شبه بديهي .. اول ما تشوف واحد معه جوالين .. واحد بإسمه (( إذا ما كان عليه فواتير

)) والثاني سوا بأي اسم .. عشان سواليف تالي الليل وعشان ما يشيل هم يدق على اي رقم وهو ما يخاف لانه بإسم هندي

إقتباس


	هل من الممكن لحريم زمان أن يعيشوا كما كانوا دون وسائل التقنية الحديثة؟؟ أرى في من حولي من الجيل السابق أنه الأكثر اعتماداً على الأجهزة و المعدات الكهربائية, فهل بإمكانهم العيش في جيلنا و ترك أجهزته لنا؟؟

هذي هي مشكلة كل جيل كلن يشوف ان جيله اصعب من الجيل اللي قبله ..
وان هالجيل الجديد فالها وموسعه صدره ومتدلع وكل شي ..
والا لو كان الجيل اللي قبلنا بوقتنا كان فلها من جد وانبسط .. خلي عنتس كلامهم ولا يهمووونتس بس

بس زين ما سويتي مسكتي عليهم صور << يسمع بالتشبيه

اما مسألة ان الجيل السابق يتنازل عن الاجهزة ويعيش زي ما كان قبل يبطووووون عظم

إقتباس


	::في الخارج:: أعاني من حالة ما أدري وش اسمها, لي فترة ما أقابل ابن أمه, بس بغرفتي و أحياناً اضطر أطلع منها أشوف أهلي, ما لي خلق لأحد, حتى المرآيا شلتها من الغرفة عشان ما أشوف نفسي, الجوال مقفلته على طول, أهلي يسافرون, يسيّرون و أنا ما غير بهالغرفة, حتى بالأعياد أعايد إخواني ثالث العيد أو رابعه, من سنة يمكن كنت ما أقابل إلا أهلي الحين حتى أهلي ساحبة عليهم, و اللي زاد الطين بلة إني الأسبوع الجاي مسافرة و في نفس اليوم عندي اختبار في كل المواد اللي درستها خلال الثلاث سنوات و نصف اللي فاتت و مالي خلق أمسك الكتاب!! و الله يوم إني طلعتها صابني رعب ماني مصدقة إن كل هالكتب و هالملازم قد درستها من قبل!! هل من حلول؟؟ >>بس أبغى أذاكـر

مالي الا ادعي لتس .. ربي يوفقتس ان شاء الله .. وش هالحاله

واضح ان القلق والتفكير مسبب لتس ارق وازعاج .. لا نوم ولا راحه ولا شي

..

إقتباس


	يعني لا أحد يدقق أخطاء إملائية و لا غيرها, أهم شيء المعنى

من تقصدين

؟؟
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه

دمتي لنا مبدعه يا مجد ..

وربي يوفقتس ان شاء الله ..