إقتباس الرسالة الأصلية كتبت بواسطة دلع-20 هلا وغلا والله موضوعك طلع قطره من بحر من الي بقلبي صحارى قولي كبير يشيل شوي من هالعالم , بس لو صارت الفيصليه الي هي ضيقه خلقه وفيها نفس هالموقف الي قلتيه !! مدري ليه انا يالسعوديين لو ولدنا رفع صوته شوي والا ماجلس زين وهو ياكل قمنا نصارخ علشان مانخرب شي وهالاجانب يطامرون ويخربون بدون اي مبالاه. والا لازم تدخل العائله كلها المحل من اب وام واطفال وعربيه (وتسد العربيه الباب وتجلسين ساعه لو سمحتي .. ومحد يرد عليك) وش نقول وش نخلي ,, الرياض كلها مافيها وسيلىة ترفيه الاالسوق ومضايقينا فيه. يعطيك الف عافيه بردتي قلبي .

هلا والله دلـع شرفني مرورك يالغاليه

ذكــرتيني بموقف صار لنـا بالفصيليه

كـنا جالسين انا وبنات عمي وبنات عمتي بمجمع المـطاعم

وكـان يعج كالعاده بالأجانب

بالطـاوله اللي قـدامنا كان فيه أم وبنتها وولدها تقريبا اعطيه 15 سنه

الولد طلع سيقاره يدخن وكتمنا الله يكتم الظالم يعني من جد عيب في شي اسمه الذوق العام لازم تحترمه
رمى الـسيقاره بالارض

ماصدقنا ينتهي هالمراهق من دخانه الا تبدا البنت تثعوور علينا بالدخان

وحنا نردد يالليل ماطولك

ونفس الشي رمت سيقارتها بالارض

شي مقزز الصراحه سواءً كان لأجنبي أو لغيره



الله يبعد هالـسم عن جميع المسلمين ويعطيهم حريمته ان كانه لوث تسبودهم


الله يعطيتس العافيه دلع


ــــــــــــــــــــــــــــــ

إقتباس الرسالة الأصلية كتبت بواسطة عبدالعزيز الأول بعدي والله ماينفع والله مع هالاجانب الا كذا ماعاد الا هي البيت بيت ابونا والقوم حاربونا خذي مثلا انا امس قاعد انا وخويي نطقطق على لاب توباتنا في كافي عند ملاهي الخيمه والا واقز لكم " طارق التايب" عاد حنا يالسعوديين "حياويين" اذا شفنا واحد مشهور نسوي كننا مانعرفه ونطير سحاب المهم والا اثنين من هالاشوام الا يتميلحون ويغثون طارق التايب "بدنا نتتصور معك" عاد اقول لخويي نجيب اللاعب والاجناب يصورون معهم اجل ساكنه بالسويدي سيتي

رايح لون وي كــافيه;)

لا هيــن مافيها شي اذا صــوروا مـعه لأنهم ماسووا شي غلط

حنا هنا ننـتقد على الخـطاء

إقتباس اجل ساكنه بالسويدي سيتي

لا والله وانا اختك شرهتك على اللي قد طبها

الله يعطيك العافيه أخوي شرفت الموضوع بردك ومرورك

ـــــــــــــــــــــــــــــــــ

إقتباس الرسالة الأصلية كتبت بواسطة عسيريه مصرقعه ايه والله انك صادقه الرياض كلها أجانب أجل تقولين صحارى فيه مصاريه وسواريه أزيدك من الشعر بيت روحي غرناطه تلقين نص اللي بالسوق من الصين ولاّ من اليابان بس صراحه تعجبيني انتي وقريباتك اجل تسحبين الكرسي من المصري ايه هذولا السعوديات ولا بلاش ثانكس ...<--مالي خلق اكتب اسمك تويل مررررره . . . عسيريه مصرقعه

تــصدقين عاد ان الصين واليابان أهــون
نظــيفين وقمة الأدب

تخيلي مره شفت عائله يابانيه الظاهر لأن أكلهم ذاك المدور حقـهم

يوم خلصوا ماكلين شالوا أكلهم وحطـوه بالزباله " الله يكرمتس والقارئين"

يعني ماقالوا ورانا عامل نظافه بينظف ورانا

بس ميخالف خل يروحون لديرتهم وياخذون عيالنا وظايفهم

الله يعطيتس العافيه عسيريه على المرور والرد

وبعدين مهوب طويل اسمي سبعطعش حرف بس

ـــــــــــــــــ

إقتباس الرسالة الأصلية كتبت بواسطة السلام الزعيم هلا فيتس أختي انتي صادقه بكل اللي قلتيه الرياض كأن فيها غزو من هالأجانب وهالشي يزيد بشكل مو طبيعي والله انتس تعجبيني اللي مايجي معك بالذوق لا تصير ذوق معه مابقى الا هالصعيديات يتكلمون عليكم مالقاها لاالا هم يدرسونا دروس خصوصيه وكونوا ثروة مننا بس الفراشة شكلها حلو ماتعودت على هالاشكال متعوده على فرخة صاحبة المجد الهلالي شكرا لك ولقريباتك في مكافحة الاجانب

هلا فيك أكثر أخوي السلام الزعيــم

الا وراكم ماتنتبهون مع المدرسين بلا دروس خصوصيه بلا هم

شرفني مرورك أخــوي والله يعطيك العافيه على المرور والرد


ــــــــــــــــــــــــــــــــــــ

إقتباس الرسالة الأصلية كتبت بواسطة هلالي الظهران أنتم دخلوني بس وأنا اتفاهم مع هالأشكال << اشوا لو انه وطوط المواقف حشوا الهيئه رجوله ,, عموما حنا اللي سمحنا لهم يتجرؤون ونستاهل!!

على طاري الهيــئه ياحبي لهم بس يحمونا من الذئاب المفترســه

واشوا انكم ماتدخلون الأسواق هي زحمه وغثا من غير ماتزاحمونا يكفي إن عندكم سياره متى ماطنت تمشى وتطلع شغلتها ورحت

حنا ماعندنا الا الاسواق تتقاسمونا فيها بعد

وجود إسمك ضمن الرادين على موضوعي يـفرحني

شكـراً لك والله يعطيك العافيه

ـــــــــــــــــــــــــــ