| لأريد ان استبق الاحداث
ياخبر اليوم بفلوس بكره ببلاش
وان كنت اتوقع ان توقيع التمياط للهلال امر شبه محسوم
بسبب تصريح عضو الشرف الهلالي بندر بن محمد لما علق على ذا الموضوع وقال
ان امر التجديد شبه محسوم، وطبعاً كلنا نعرف ان هذا الشخص (( بندر بن محمد )) له
كلمته المؤثره على اي رئيس هلالي.
بس يأخواني انا مستغرب ليه التجريح باللاعب وحتى في حالة انتقاله لأي نادي آخر ؟؟
اذا انت موظف براتب معين وجاتك وظيفه براتب أعلى اكيد بتقدم استقالتك وتروح للوظيفه الافضل
وهذا اللي صاير بالنسبه للاعبين.
احنا عاطفيين زياده عن اللازم وفينا حب التملك وآخر شي نفكر فيه هو شعور اللاعبين ...
قبل اربع أو خمس سنوات لما انتقل خميس العويران للاتحاد كان خميس في ذاك الوقت أهم
لاعب هلالي وقال الكل بعد انتقاله ان الهلال راح يتأثر بأنتقاله ...
وش صار بعد كذا ؟؟؟
كمل الهلال سلسلة بطولاته ولا كأن مر على تاريخ الهلال لاعب اسمه خميس العويران
والعام الماضي ماحد كان ينكر اهمية الدوخي بالنسبه لنا وراح للاتحاد ...
وش صار ؟؟؟
اللهم لك الحمد سابع نهائي نتأهل له وأن شاء الله تكون سبع بطولات متتالية هلالية
هذا وضع الهلال الآن بس وش وضع الاثنين اللي انتقلوا من الهلال ؟؟؟
واحد صار مكانه الطبيعي معاهم المدرجات ونادراً ماصار يدخل مع الاحتياط ...
والثاني صارت له هوايه جديده وهي التعلق بشباك مرماه ...
وأنا اعتقد ان نواف شاري راحت باله ولا اعتقد انه بيوقع للاتحاد
عشان السلسله الاتحادية بدت تنهار وأولها الاسبوع ذا أو الاسبوع القادم
(( مفاجأه من العيار الثقيل بتقصم ظهور الاتحاديه ))
وحتكون سبب في انفراط عقد اكثر اللاعبين المتواجدين الان
مع حبي لكم
والف مبروك الفوز الهلالي وعقبال الاحتفال بكاس
ابو متعب  | 