| السلام عليكم جميعآ
يا شباب أنا ردي يمكن يزعلكم شوي بس العشم انكم ابناء الزعيم و ابناء الزعيم حظاريين ويتحملون الأختلاف في الرأي...
أنا متأكد انكم عارفين كيف حقوق نقل المباريات في اوروبا وأمريكا والدول الأخرى اللي سبقونا في هالمجال...وإذا كان احد مايعرف فأسمحولي أوضح لكم ان شراء الحقوق هذا هو احد اهم عوامل نجاح البرامج الأجنبيه في مجال نقل المباريات وأستديوهات التحليل والتغطيه الرهيبه والمشوقه اللي يعرفها اي واحد شاف اي مبارات في الدوري الأنقليزي او الأسباني مثلآ.
احنا دايمآ نشتكي ونقول ليش إخراج المباريات في العالم العربي سيء وليش التحليل سيء...وليش...وليش,
والجواب هو ان اغلب القنوات الفضائيه العربيه ماعندها امكانيات زي القنوات الغربيه لأننا نزعل ونقوم الدنيا اذا احد قنواتنا العربيه اخذت حقوق نقل حصريه لبطوله ما...لا وتوصل اننا نتهمهم بأنهم يحاربون تقدم الكره في بلدنا أو زي ماقال اخوي ابو ذكرى انهم "ضد الرياضه السعوديه"
دعوني أذكركم انه لولا الله ثم بيع هذه الحقوق كان مايقوم كاس العالم برمته...وراح يجي وقت بتصير كل البطولات سواء العربيه أو غيرها ماتنشاف الا كذا ولو طبقنا هالأمور بشكل سليم بيصير دخل الباريات اكبر لأنديتنا وهذا يترجم الى ميزانيات افضل ولاعبين افضل ودوري اقوى وهكذا...
بأختصار احنا جديدين على هالشي ومصيرنا نتعود ونفهم الأيجابيات في مسألة شراء الحقوق.
سامحوني على الأطاله ويجب ان نعظم التجمع ونحترم الفوارق | 