نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ديوانية الذكريات في المجلس العام ( متجدد ) ..!!

الـمـشـاغـب · #191 12/02/2026, 02:40 PM

إقتباس

الرسالة الأصلية كتبت بواسطة متآبعه بصمت


	2026 وما زلنا على العهد الله يسعدكم جميعاً قسم بالله أحلى موقع على وقتنا مع اني نصراويه صمييييم بس أحبكم يا قروب المطانيخ

لا حول ولا قوة إلا بالله .. كل هالسنين ومعنا وأنتي مندسة؟!
المهم سامحيني إذا طقطقت عليك واغتبتك. ما أذكر وش كنت أحشك فيه بس ما أتوقعك سلمتي من لساني

وعلى سبيل الاحتياط أتمنى من كل شخص يقرا كلامي يقول الله يحللك ويبيحك يا المشاغب.

كنت فاتح قبل شوي إيميلي القديم وأنفض عنه عجاج السنين وأقرا الرسايل القديمة من الأصدقاء والصديقات
وأنا أستغرب من أسلوب كتابتي السخيف وأقول في نفسي معقولة صدق هالجحلط كانوا معجبين؟ لعنبو من لامك
يالمسيح الدجال إذا ادعيت الألوهية بتلقى الفانزات على قفى من يشيل!

المهم وأنا أقلب الرسايل لاحظت إني كنت طايش وما استغربت. لكن تفاجأت إني كنت حنون وأراعي مشاعر المرسل
سواء ولد أو بنت. ولعل هذا يكون شفيع لي عند أي شخص جرحته إنه يسامحني لأنها ما كانت طبيعتي ويمكن صغر
سني كان السبب وتوني ما نضجت الا قبل سنة لما وصلت 30 سنة

هالايميل ورسايله خلتني أحن للمجلس وأسجل دخول وأتساءل وش صار على أحبابنا وأصحابنا؟ مين اللي مات
ومين اللي حي ومين المريض أو المسجون في قضية شرف أو مخدرات ومين اللي باقي يشجع الهلال بشغف؟!

الله يحفظكم جميعاً ويسعدكم ويبارك لكم في حالكم وأهلكم وأموالكم