السلام عليكم يا زعماء
اتمنى مشرفين المنتدى يسمحون لي ويرفعون الموضوع انا من زمان ماكتبت
لكن هالمره طفح الكيل
صحيح الحكم نحرنا نحر وكان فيه تلاعب وتواطؤ منه ومو اول مره تكررت بالدور الأول معنا ومع الاتحاد وهذي المباراه وراح تتكرر اذا استمر سكوت الاداره عن المهازل

انا راح اتكلم عن اللاعبين انفسهم لاعبين داخلين المباراه بضغط نفسي رهيب وكأن المباراه اياب نهائي وافضلية التعادل للخصم

نيفيز صرح بعد مباراة الاتحاد انه راح يحرم النصر الدوري وقلت الله يستر من تصريحه وسبب ضغط نفسي عليه وماشفنا هياطه البارح
ناصر الشمراني بطل المقاطع ازعجنا هيا تعال وامس كان من اسوء اللاعبين
سالم الدوسري كان سيئ احتفاظ بالكره كثير والكرت الاول الي حصل عليه بسبب النرفزه الغير مبرره بالرغم انه كان فاول عليه والكرت الثاني ماكان له فاول وهو راح للحكم كأنه يدور اي سبب عشان يضربه
تصرف غير مبرر واتمنى من الاداره خصم من راتبه على عدد المبارايات الي ماراح يلعبها
جحفلي كلمه من حسين وتنرفز على طول ياهوه وين الخبره وين الهدوء وين التجهيز النفسي !!!

مع احترامي لدونيس امس تشكيلته وتغييراته كلها سيئه
مو كل مباراه تنفع معاها نفس الخطه
كان بأمكانه يعدل التشكيله الشوط الثاني وينزل نواف بديل لجحفلي ويرجع للطريقه المعتاده ويمسك النص لكن خربها وخبط

امس خساراتنا كانت من ضغوطات اللاعبين وياما حذرنا من الأستهانه بالخصم مهما كان سيئ لابد من الاحترام
الشمراني ضغط نفسه وضغط اللاعبين ونيفيز مثله
اتمنى يكون درس لهم بالمباراه القادمه مع الاتحاد وان شاء الله يدخلون محترمين للخصم



نجي للجانب الاداري استغرب من ادارة الهلال وادارة الاهلي مع كل هالفساد والتلاعب بالمبارايات السكوت
ليه مايرفعون خطاب للفيفا مرفق فيه المبارايات الي فيها ظلم فاضح للنادي سيء الذكر من الموسم الماضي وهذا الموسم
مانبغى تصريحات نبغى شغل نبغى الفيفا يجي يحقق مو معقوله الي يصير على كذا من الحين الي يتأهل لنهائي كأس الملك يعتبر نفسه وصيف !!!