نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || UCL .. دوري أبطال أوروبا || اليوفي يسحق البلوز بالثلاثة ،و سيتي يودع دوري الأبطال بعد تعادله مع الريال || تقديم ومتابعة ||

مهند حسن · #3 22/11/2012, 01:47 PM

مبروك الانتصار والتاهل لدور ال16

يحلفون لو اني منيب ارسنالي لكان حولت على اي مباراة اخرى

مبارة مملة جدا .. ولن اجعل نشوة التاهل تعمي عيني عن الهرجلة اللي صارت امس

<< حلوة هرجلة

.

عدنا للمربع الاول مربع عدم التفاهم .. المفروض بمرور الزمن ولعب المباريات المجموعه تتفاهم مع بعض بصورة افضل .. مهوب تسوء الامور لهالدرجة.. اول 5 الى 10 دقايق جاكي مرر كم تمريرة غلط بصورة تفقع المرارة ... الفريق في اخر كم مباراة يبدا المباراة ببطء غريب ويحتاج عل الاقل ربع ساعة عشان يدخل جو المباراة ويا ليته يدخلها زي الناس.

لا زلنا عندما نهجم وتنقطع الكرة وننضرب بهجمة مرتدة تكون خطيرة جدا لان المرتدة بيكون فيها 3 او 4 مهاجمين في مواجهة سناترتنا المساكين ولان كازورلا وجاكي وارتيتا طويلين العمر كاشتين قدام وهجمة مونبيليه في الشوط الاول وانفراد مهاجمه بتشيزني اللي اتعملق في اللقطة ابلغ دليل؟

جيرود بالرغم من الاسيستين لكنه احد اسوأ مبارياته مع الارسنال .. امس ثقته بنفسه المفرطة كانت تخليه يحتفظ بالكورة فترات اطول من اللازم الين تنقطع منه .. على الفرنسي ان يضع قدميه في الارض ويعرف انه توه في اول المشوار معنا .. التواضع مطلوب .. وعليه ان يلعب ضمن المجموعة.

فينغر لازم تمسك جيرود وبودلسكي في غرفة مربعة 2متر في متر وتخليهم يشوفو مباراة امس 100 مرة .. ويشوفو كيف كانو يخسرو الكورة بسذاجة كبيرة لانهم ما هم متفاهمين .. الكورة اللي المفروض يسووا فيها ون تو تلقاهم شاتوها والكورة المفروض يشوتو تلقاهم مرروا .. ومرة واحد معطي تمريره في ظهر خويه والثاني داعس وما يدري ان خويه وراه بيعطيه باص .. بالعربي الفصيح هرجلة وفوضى وكانو اثنينهم منتهين.

الاشراقة الوحيدة في المبارة احسبها هي استعادة كوسليني ل (بعض) من أراضيه .. كان قوي في الالتحامات سريع في سباقات السرعة .. عودته لمستواه من صالح الخط الخلفي بأكمله.

تأهلنا رسميا .. اول .. ثاني ما هي مشكلة تشوف الريال المركز الثاني وميلان المركز الثاني .. وش فيها بعد حنا نصير ثاني يمكن نطيح مع ملقا

... ولا دورتموند

.

من شاف كازورلا المنتهي

يوم انه رايح يلعب الركنية والجماهير تغني اوووووووووه سانتي كازورلا .. ويجلس يصفق لهم كان المباراة انتهت

.. مثل هالاشياء تخلي اللاعب يحترق من اجل الشعار

... جمهورنا

.

فتكو بعافية