السلام عليكم
أخباركم إن شاء الله طيبين
مبروك الفوز الرائع على الديبور
للأسف ذا الأسبوع كانت كله إختبارات في إختبارات
في الإختبارات الحمد لله جبت فيها درجات حلوة إلا الفيزياء
على العموم بتكلم عن مباراتنا مع الديبور بإختصار

خضيرة : قدم مباراة كبيرة ورائعة جعل مودريتش يأخذ
راحته في الصناعة وتوزيع الكرات وخاصة في الاسيست اللي سواه
لدي ماريا , ومثل ما ذكر أخوي وهب تمريرته الخورافية .

بالنسبة للهدف اللي دخل علينا يعتبر غلطة لفاران اللي قدم
مباراة حلوة بس توه صغير وإن شاء الله يستفيد منها في المباريات القادمة .

بالنسبة لبيبي كل مباراة يثبت أنه مدافع كبير
وكل مباراة يتطور مستواه في كل شيء .

مورينهو في التشكيلة الأساسية اللي دخل فيها حاول
أنه يكتشف لاعب بديل لملك خط الوسط تشابي ألونسو
وأتوقع أن هذي المشكلة الوحيدة لمورينهو لإنه ما يبي يكرر أخطائه
صعبة أنه يعتمد على تشابي ألونسو طول الموسم بذي
الطريقة راح يتعب تشابي فعشان كذا حاول أنه يجيب لاعب
عنده مثل مميزات تشابي ألونسو , والأقرب له مودريتش
رغم أنه بإعتقادي الشخصي أن تشابي ألونسو لاعب مستحيل يتعوض
أو يوجد لاعب مثله .

هذا اللي عندي عن المباراة بإختصار .

بتكلم عن بعض الأشياء على شكل نقاط .

# مشكلة راموس ومورينهو : صراحة استغرب من الأشخاص
اللي يعتقدون أن فيه مشكلة بين راموس ومورينهو ، أنا متأكد مليون
بالمئة أنه ما في مشكلة بينه وبين المو , الماركا والآس تثبت أنهم يبون
الفلو بأي طريقة يطلعون إشاعات أو أي شيء
بس عشان تزيد أربحاهم .

# أوزيل ومودريتش وكاكا ودي ماريا : راح تشوفون مورينهو كثير
ذا الموسم راح يعتمد على ذي الأسماء من ناحية صناعة الأهداف
وراح يداور بينهم وأتمنى أن كاكا في مباراة اليوم يشارك
أخر نص ساعة وأتوقع راح تكون له كلمة في المباراة .

# الواحد صراحة ما يرضيه أنه يشوف ردود شاطحة
واللي ما يرضي الواحد زيادة أنه يشوف أعضاء الرآبطة يردون
على ذي الأشكال اللي صراحة كنت أتوقع أنها انقرضت
بس للأسف للحين موجودة فأتمنى ثم أتمنى
من الأعضاء أنهم إذا شافوا ردود شاطحة وراح تشوفون كثير
أنه يضغطون على علامة التبليغ وإن شاء الله
المشرفين ما راح يقصرون معه .

هذا اللي عندي وأكرر إعتذاري للغياب .
بالتوفيق للهلال وللملكي ريآل مدريد ضد إياكس .