نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

SaM!9 · #1 18/04/2012, 09:54 AM

صبااح \ مساااء
الخير للجميع

امم بصراحه فيه نقااط جداً مهمه لازم ينتطرق لها

وبأحاول اختصرها لكم :

اولاً : الدفاع .. طبعاً كلنا نعرف انوا من الموسم الجاي بيروح هوساوي .. وللحين مافيه اللاعب اللي بمستوى هوساوي ليغطي مكانه

.. واكبر دليل مباراة البارحه مع الشباب الأماراتي .. يعني المرشدي و كـ عادته غلطات الى الليل .. وخيرات " لا تعليق " واظهره الله بالخير

..

الحل : مدافع " اجنبي "

ثانياً : التعاقدات المحليه ..! شفت في تويتر الامير عبدالرحمن بن مساغد تويتس يقولون نبي تعاقدات محليه و و و ! كييف بس تبونها !! كل ما قدمت الأداره عرض على لاعب تلاقي 3 4 5 انديه تنافس الهلال فيه !
واكبر دليل شهراني القادسيه , و المحياني , و ياسر , وغيره عد و اغلط ..!!

ثالثاً : روح اللاعبين ..؟ من وجهة نظري الشخصيه .. صراحه اشوف الروح في الأجانب اكثر من المحليين .. ولا يهون ابو بندر

.. بس الأجانب اللي اقصدهم " العربي و هرماش "

الا يوو و ويلي شخبارهم ؟

رابعاً : غرور اللاعبين ! قريت من كم يوم مقال ريكارد مدرب المنتخب .. يقول : عيب لاعبينكم السعوديين الغرور .. تعطونهم مبالغ قويه ومُبالغ فيها .. هو صادق والله .. يا كثر اللاعبين اللي وقعوا عقود احترافيه و خربوا ! الله و اكبر عاااد يا ميسي ولا أيمار !!
صراحه غريبيين جداً لاعبيننا ..!

خامساً : المدرب .. المعروف عادتاًَ انوا المدرب لو خلفه مدرب افضل منه يزيد اداء الفريق و و و .. بس اللي نشوفه بالهلال جا مدرب سيء و خلفه مدرب اسوء ! و الأول و الثاني كانوا بأختيار شخص .. والله يستر لا يكون الثالث من اختياره بعد

!!!

سادساً : الجمهور .. ههه

.. اتكلم على الجمهور ولا الرابطه ! اساساً لو فيه رابطه زي العالم والناس .. كان حظروا الجمهور و استمتعوا وكل شي .. يعني صراحه احس لو يجي اي احد ياخذ المايك بيعطونه !! كيف تبون نحظر بس ؟

ما اقول الى الله يوفق الهلال .. ويعيننا ان شاء الله