مشكلة " دول " هي مع اللاعبين الاجانب ، كل واحد يشوف نفسه السوبر ستار ويسوي انا فوق الكل حتى المدرب نفسه ولا يطبقون التكتيك المطلوب ، يعني لاعب مثل ايمانا ، لازم يدخل كل مباراة يسوي فيها عروض وتسحيب و لمسات سحريه !!

يا جماعة ايام جريتس ما كنا نعرف الكلام هذا لأن اللاعبين كانوا متواضعين وكانوا يلعبون للفريق وليس للـ " شو " ، ويلي ، رادوي ، نيفيز ، لي يونج ، بالله فيه مقارنه بين هالاسماء بامكانياتها وبين الاسماء الموجوده حالياً ؟؟

والله المشكلة ليست مشكلة مدرب المشكله من اللاعبين الاجانب وغير ذلك الالمان بشكل عام " الانضباط التكتيكي قبل كل شيء "

قبل النتيجة وقبل الاداء وقبل المستوى.. بعدها يشتغل على الحاجات هذي

طبعاً لما نجي ونلقي اللوم على المدرب لأننا نتلقى اهداف بسهوله ومن فرق صغيرة ارجعوا لأيام جريتس وشوفوا كيف تمرمطنا من فريق الغرافة بالاياب مع العلم ان الذهاب الغرافة ما كانت له هجمه وحده تذكر لكن سبحان الله انقلب الحال واكلنا اربع اهداف بشوطين.

مشكلة الدفاع من بعد ما راح تفاريز. وهذا هو حال الدفاع اللي يبي يحاجج يقولي آخر ثلاث سنوات كيف نطلع من الاسيويه !!

على العموم اتمنى من الادارة ان تصبر على المدرب هذا الموسم ووقتها يتم تقييم العمل،، واللي اعرفه ان تقييم عمل المدربين على النتائج وليس على مزاج الجماهير ولا على اداء الفريق في كل مباراة..

حتى في عز الهلال مع جريتس ما قدرنا نفوز على الاهلي ولا على الاتحاد < !! وكان الاداء سيئ
والآن مدرب جديد و 60% لاعبين جدد وفريق ما انسجم إلى الآن وتطالبون بتغييره ؟؟

للأسف نقول للاعبين انهم مرفهين ومدلعين وصار الجمهور أكثر رفاهيه ودلع ، اجل على كل مباراة بتطالبون بتغيير مدرب اذا المستوى ما اعجبكم.