مبروك الف مبروك الفوز سكاوزيه , مستوى خرافي , احتياطي فخم , روح معنويه مجنونه .. من زمان ماشفت الفريق بهالروح والاصرار , اللاعبين امس كل واحد احسن من الثاني , خط الدفاع والحارس مقضمين , احس المدرب اذا بغاهم يتحمسون قال لهم ترى بنلعب ضد توريس شدّوا حيلكم 
هندرسون يامجنون , وش ذاللونق باص الحشيش ,   الفضل بعد الله في الهدف الاول يرجع
لـ لعبته لـ بيلامي , ويرجع في تمركز ماكسي
مفلح ( بيلامي ) قسم بالله كل يوم يزيد اعجابي في هاللاعب , هذا اذا قالوا لك يحرث الملعب حرث ,
ماكسي مباراة عن مباراة يحرج الملك وكأنه يقول ترى انا قدها العب اساسي ,
رينا , هالحارس فخم , من زمان وانا اقول عطوه دفاع متوازن ويعطيكم أدآء انفراده انيلكا وفتحة الكوبري تحسسك انه حارس من طراز فاخم , الرياكشن توب عنده في صدته لرأسية توريس , يستاهل انه يشيل الكاس والله يستاهل ..
اعتقد , وانا اقول اعتقد ’, ان سبب تميز رينا في اخر الجولات يعود لان كاراجير احتياط , احيانا احس اللاعبين ينحرجون وهم يوجهون كارا , يعني اللاعب اكبر منهم كلهم , صعبه تلقى احد يوجهه , اعتقد رينا اخذ راحته مع سكيرتل وأقير , وحتى كواتيس امس في التوجيه > وجهة نظر 
كارول , يا ناقتي المدلله . موب معنى انك تتسبب في بلنتي يعني تشوت , لاتصير غبي عاد انت مع ذلك كارول امس قدم مباراة حلوه وشفت تقييمه في موقع جول , الظاهر كاني مانسيت فهو 7
: هل الملك كيني تعامل مع المباراهـ بالتشكيله الانسب ؟
اكيد طبعا , والاكيد برضو ان الحماس عند اللاعبين والاصرار هو من جلب النتيجه
: ومارآئك بأدآء المدافع كواتس ؟
كواتس مدافع ممتاز , ولاعب تراهن عليه , راهنت عليه قبل مايطقها اساسي مع الفريق  التحامات هوائيه ممتازه + ينفع يكون مان تو مان مع المهاجم البثر ,, وشفناه امس كيف اخفى توريس تماما . مشكلته انه مطفوق ,
يعني يلزمه شوي ركاده وبيكون من افضل مدافعي البريمير ان الله وفقه ..
: هل تعتقد انً الخِبرَة التي يملكها جيمي كاراغر و ماكسي رودريغيز و كريغ بيلامي و لوكاس ليفا هِي من جعلت ليفربول بهويًة البطل عَ ملعب البلوز تشيلسي ؟ . . / !
الخبره + عنصر الشباب , خطة امس هي خليط بين الروح والعزيمه وصغر سن بعض اللاعبين , كواتس وكيلي وسبيرنغ اعتقد انهم بمباراة امس اكتسبوا شوي خبره , ودخلوا جو المبارايات الكبيره والحماسيه واللي لاتقبل انصاف الحلول , خبره في الحراسه , وخبره في الدفاع ," وخبره في الوسط والهجوم , خلطناها مع بعض وفزنا
: ماهِي ابرَز الإِيجَابِيًات ؟ ، و السًلبِيًات ؟ . . / !
الايجابيات طبعا اكيد التأهل . وتحربة بعض الاحتياطيين وكسب خبره لبعض اللاعبين , وعودة الروح للفريق
سلبيات امس اعتقد المباراة كانت على مستوى عالي , لولا قضاء الله واصابة لوكاس اللي عفست المود شوي ..
: من هُو نجم اللٍقَاء ؟ . . / !
مفلح في المرتبه الاولى , وماكسي وكواتس لوكاس وسبيرنغ ورينا وكل الفريق في المرتبه اللي تحتها
: هل انت مع الزًج بورقتَي ماكسي رودريغيز و كريغ بيلامي بالمُباراة المُقبِلَة امام فريق فولهام يوم الإثنين الجاي بملعب الكوخ إن شاءالله ؟ . . / !
اكيد طبعا , اهم شي ماكسي ," من زمان ودي يلعب اساسي ,. لاعب يخترع لك مساحات , يفتح لك شوارع . ميزته انه يتحرك تحركات مجنونه بدون كوره , يعني احيانا تحس انه مسوي توأمه مع الكوره لدرجه انه يسبق الكوره وهي اللي تلحقه , ماشاء الله تبارك الله ينفع للفرق اللي تسكر ام ام الدفاع , ينفع مع لويزيتو , بيسوون حفله في دفاعهم ..
اتمنى يلعب اساسي , له ذكريات ماكسي في الكوخ , هو مهترك فيهم المباراة اللي راحت , وان شاء الله يكررها
سبيرينغ وكيلي متراهنين بينهم , من اللي يسجل اول هدف مع الفريق الاول وكيلي فاز بالرهان امس , وكان كاتب في تويتر اني اذا سجلت سوف اقبّل شعار ليفربول , لاني احبه
شي اخير , الشوالي امس رغم ني احبه وانه متحمس كثير في المباراة الا انه قلب راسي بكلمة الشياطين الحمر , احد يتكفل ويقول له ان الشياطين الحمر هم الجانب المضلم من انجلترا موب ليفربول ..
برايفت : كيني امس كأنه موب على بعضه , من لاحظ هالشي ؟!
عوض + روان , اعجز عن شكركم , انتم وقودنا الحقيقي , الله يعطيكم الف عافيه ..
عاشق الريال والميلان
الله يعطيك العافيه , ماقصرت ..
هلااا ليفربولي الي ..
راجع لنقاشك ان شاء الله ..
اخر تعديل كان بواسطة » king the heart,s في يوم » 30/11/2011 عند الساعة » 05:38 PM |
