| ياليتني لاعب كورة!!!!
خل الراتب يتأخر ثلاث شهور مو شهرين!!!
وفي الاخير تجيك ضربة 90 الف ريال!!! اللهم لا حسد .. اللهم لا اعتراض... ربي لك الحمد والشكر على كل شيء.
بس معقولة الواحد يدرس ويسهر شهور وسنين ويتخرج واخرتها ياخذ .. 5000 ريال ويمكن اقل ... هذا اذا حصل وظيفة..
وواحد مامعه الا ثانوي ويمكن اقل .. ويستلم 25 الف بالشهر؟؟؟؟
لا ويتشرطون ويتدلعون ... ولاحد يقول لي شي لان نفسيتي تتعب!!!!
واحد معروض عليه 35 مليون يقول لا ابي العب في اوروبا .. والثاني يقول لو جاني زيادة كم مليون ماوقعت لكم.. انتهى زمن الولاء،، ومابي اصور لانهم مايعطوني فلوس!!!!!
ولا طيب الذكر اللي يتبطح في العين ... ضرب ملايين واخرتها كورة في الـ 18 مايعرف يشوتها ويجليها؟!
والمنتخبات السعودية ومستوياتها في هبوط ذريع .. اشد من هبوط مؤشر الاسهم بعد الـ 20 الف نقطة!!!!
الله يرحم ايام النعيمة والثنيان والمصيبيح وعبادي الهذلول ومشاري العويران وهذال الدوسري وسعد مبارك وصفوق التمياط ... و و و و إلخ. القائمة تطول...
هم اللي بنوا امجاد الهلال لحد ماصار زعيم اندية آسيــا ،،، وكانوا يستلمون 500 ريال بعد كل فوز؟!!! ويفرحون اذا صورهم مصور من استديو في الشميسي!!!!؟؟؟
بذمتكم هذا كلام يدخل العقل؟!
لاحول ولاقوة الا بالله العظيم ...
| 