نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الـمـشـاغـب · #5 30/08/2011, 04:31 AM

أحقاً سترحل رمضان !

لا يا شيخ حسستني إن شهر رمضان خويك وقايم يودعك عند باب بيتكم .. أجل أحقاً سترحل رمضان ؟

يا إبراهيم أنا من زمان وأنا أقول لك بطّل هالأفلام المصرية تراها ذبحتكم بالتراجيديا والبكبكة والجوازة دي مش لازم تتم .. إلخ إلخ إلخ

حتى والعيد مقبل تبون تنغصون علينا فرحتنا وتثبتون موضوع محزن يقطّع القلب؟

تكفون امسكوا رمضان عشان ما يصيح إبراهيم .. أو اطلبوه وحطوا الجيهان عنده يجوز إنو يهوّن من روحته ونبلغ بعدها الشيخ بالسالفة !!
إبراهيم الله يهديك تراك كبير وعاقل .. يعني توك تدرك إن رمضان بيرحل؟ أو إنك بس تدوّر عنوان يكون له وقع بليغ في أنفس القراء؟ إذا كان كذا فترى ما عند هالقرّاء إلا الدجة لعاد تتعب عمرك بعناوين رنانة من اليوم ورايح

إلا يا جماعة الخير .. نسيت أعايد عليكم جميعاً .. من العايدين والفايزين والسالمين من النار ..
لكن عندي استفسار بسيط ..
علماء الفلك قالوا إن يوم العيد راح يكون بيوم الأربعاء .. حسب الحسابات الفلكية وفي رأيي إنهم على صح !
لكن اليوم تفاجأنا إن هلال العيد طلع في سدير !!
أنا مش فاقع مرارتي غير إن هلال العيد ما يطلع بأي ديرة بالعالم إلا في سدير وكل سنة بعد

جد وش هالديرة اللي ما ينشاف الهلال إلا فيها؟ وكل هالعالم ما شافوا هالهلال؟ وإن شافه أحد بديرة ثانية مستحيل يشوفه قبل أهل سدير !

عموماً .. أنا بأعيد بكرة وأفطر وتراها بذمة أهل سدير

ملاحظة صغيرة : تراي من سدير يعني لحد يحسبني أنتقص منها أو من أهلها بالعكس أنا أفتخر بهالديرة لأن الله خصها بهلال العيد كل عام