هـــ الشماسيةـــلالي

لا فض فوك أخي العزيز

والله هذا اللي أقوله وأردده دائما وأتمنى من الله أن يرجعنا الى ديننا ويقوينا به في كل المجالات

لك التحية وكامل الاحترام


سما هواها هلالي

أختي الفاضلة .. حياك الله مرة أخرى

والله كل ما ذكرتيه صحيح والمجتمع يعاني منه ولكن مالسبب !!

يعني المشكلة فينا وفي تطبيقنا للاسلام واحنا مو محتاجين نطلع بره عشان نبحث عما فقدناه .. لأن ما فقدناه موجودا عندنا ولكن لم نفعله للأسف أو فعلناه بطريقة معكوسة !!

يعني مثل ما تفضلتي ..ان البنت محد يسمعها وأهلها مطلقين واللي أهلها يعاملوا زفت .. طيب أنا معك بكل هذا بس لو تلاحظي ان المشكلة من الأهل وليس من الاسلام والمجتمع وفي الكثير من العوائل مهتمين ببناتهم أيما اهتمام وبناتهم مرتاحين للآخر وأكيد تعرفي أمثلة ...

وبالنسبة للشباب فصحيح ان مجال الترفيه لديهم قليل جدا بل يكاد يكون معدوم ولكن المشكلة زي ما قلت لك في تطبيقنا للاسلام ولو عملت الدولة نوادي ووسائل ترفيه مباحة راح تنحل المشكلة وما نحتاج للهجرة للشئ الحرام ...

وبعدين قلتي ان الدين بالقلب وان الواحد اذا متمسك بدينه فما في شئ يضيعه ... للأسف أختي كلامك فقط كلام وما اظنك عايشتي الواقع ولو تشوفي الامثلة اللي قدامي راح تتعجبي وتبكي ,.... والله يا اختي أرى شباب مثل الورد وجاؤوا من بلدان عربية يملئ قلوبهم الاسلام وتقوى الله ومرت عليهم شهور وبعدها تشوفي كل واحد فيهم زجاجة الخمر بيده اليمنى وخصر صاحبته بيده اليسرى وياقلب لا تحزن !!


مشكورة



Haмs Alseβa

أختي الفاضلة أنا رديت في نفس الموضوع وقلت ان الغرب لهم ايجابياتهم وما أنكرت هذا والله وزي ما قلتي أن جئت هنا لأستفيد منهم ولكن احنا بنتكلم عن موضوع الهجرة وأظن اني طالب علم وحرجع لديرتي ولست مهاجر !!

وبالنسبة للمرأه فأنا كلي يقين ان امرها أشد صعوبة من الرجل وما ابي أقول قصص رأيتها بأم عيني لبنات سعوديات وكيف تغيروا وانحلت عندهم القيم والاخلاق !.. صحيح حتقولي ممكن نادر بس والله أقولك وأكاد اجزم ان بمعدل كل بنت من بين 4 بنات تتغير اخلاقيا بشكل كبير في الغربة وهذه الاحصائية عملتها بنفسي بحكم مرافقتي للكثير من الدفعات السابقة !!


بالنسبة لموضوعي فأحب أصحح لك الفكرة اللي ببالك لأني انا ما نزلت الموضوع عشان مواضيع الاخت ايمان وان كانت مواضيعها من الدوافع ولكن بالفعل صارت اكثر من قصة وكنت أنتظر اللحظة المناسبة

شكرا لك



sa2009mi


أشكرك الشكر الجزيل أخوي ولا تتهور والنقاش ودي وان شاء الله كل طرف يتفهم الآخر

مشكور يالغلا



اللؤلؤة البيضاء

صحيح كلامك أختي ولكن مثل ما قلت للأخت همس الآن الوضع خطير والله وللأسف أمثال غادة أصبحوا الاغلبية وياريتهم حصدوا مثل علمها !!

وللأسف في ظاهرة غبية صارت تحدث وهي ترك معظم المرافقين للبنات بحجة العمل والارتباطات وبقاء الكثير من المبتعثات لوحدهن وعدي واغلطي السلبيات الناتجة عن هذه التصرفات !!

لك مودتي


أختي Eman -al saad وأخوي ][ هلـآلي للـآبد ][

نقاشكم ممتع ومفيد والله