أخوي الغالي سلمان العصيمي تحية مني لك على شجاعتك لكتابة موضوع مثل هذا وسلفا معروف الهجوم الي راح تتعرض له وما يبغالها كلام
يعني فكرتك واضحة جدا جدا وصحيحة 100% أيضا
بالله عليكم هذا وقت أجازة ليه الانتقاد أصبح خط أحمر الرجال ما انتقد الشلهوب الشلهوب معذور يروح المريخ مادام الادارة اعطوه اجازة مثل ماذكروا الاعضاء انتهت قصة الشلهوب قضيتنا مع ادارة الهلال !!! والمدرب ان كان هذا قراره لكني لا اظن ان المدرب سيعطي من تلقاء نفسه قرار باجازة في مباراة هامة
لكن فعلا غريبة وغريبة جدا يوم مباراة الهلال في كأس الأبطال تشعر أن الهلال فاضي مافي لا رئيس ولا مدير كرة ولا أحد وهذا الشيئ انعكس على لاعبي الفريق !! واضح انهم مالهم رغبة يلعبون
يعني بالله واحد زي ويلهامسون ورادوي والكوري ما ودهم يحضروا نهائي الابطال !!! يعني انت تبغاهم يعطوك كورة وهم شايفين لاعبين وادرايين سافروا لحضور النهائي وهم في النادي !!!! يا اخي اهم شيئ النفسيات وكلنا شفنا رادوي نفسيته جدا سيئة
بل الفريق كامل سيئ جدا والله لو اني ماني هلالي لتمنيت الهلال ينهزم عشان هذا الموضوع ما يتكرر الهلال أهم من مشاهدة دوري الابطال
الي يقول نواف بن سعد وسامي راحو عشان المدرب !!!!!!! حلوة ذي عشان المدرب يوم مباراة نهائي الابطال طيب كانوا ينتظروا مباراة الفيصلي تخلص ويسافروا !!!! بعد المباراة تكون مباراة الهلال انتهت
شف الموضوع واضح وضوح الشمس اجازة الشلهوب وبعض الاعبين السبب فيها مباراة دوري الأبطال يعني عذر للمغادرة عشان محمد الشلهوب يحضر النهائي متى امداهم يحجزو التذاكر ويرتبوا التذاكر يعني واضح الموضوع من اول الله يبارك للشلهوب وهارد لك
ومافي تفسير آخر ليه ما تعطي المرشدي اجازة !!!!!!!! حضر اغلب مباريات الهلال هذا الموسم ما يستاهل !!! والله اذا كان في لاعب يسحق اجازة فهو المرشدي بغض النظر حول الاختلاف على المستوى لكن الرجل بذل مجهود جبار يشكر عليه
وين احترام الخصم يعني استهتار بالفيصلي والله لولا ستر الله ما تدري وش كان بيصير لو كان فريق غير الفيصلي هل كان سيكون هناك اجازة يعني لو الاتحاد مثلا لو النصر ولا خلاص الفيصلي مضمون
الجمهور الي ينتقدك يا سلمان لو كان الهلال انهزم من الفيصلي كان شفتهم كلهم معك هذه حقيقة يعني لو لاقدر الله هزم الهلال كان اختلف كلامهم 180 درجة ولشاهدت انواع الانتقاد للادارة على الاجازة الي مالها دعاي مع كامل احترامي وتقديري
ادارة الهلال من أنجح الاداراة الي مرت على الهلال بس هذا التصرف غير احترافي اطلاقا
يوم مباراة الهلال مع الفيصلي دوري ابطال ذهاب مدير الكرة ورئيس النادي ونائب الرئيس وبعض اللاعبين الهامين اجازة
لا وفي من يلوم الجمهور الله يلوم الي يلومكم يا جماهير الرياض
تحياتي لك أخي سلمان على الشجاعة بعض المواضيع تستحق الشجاعة لتطرح موضوعك في الصميم لكن يحتاج لشجاعه لطرحه بالتوفيق
ولا عندك الزوري ليه ما تعطيه اجازة !!
اخر تعديل كان بواسطة » ااسامه في يوم » 29/05/2011 عند الساعة » 05:16 PM | 