إقتباس الرسالة الأصلية كتبت بواسطة وهب الريس ثرثار يا عبادل .. إذا كان يتحدث عن مهازل تحكيمية لم تحدث .. فأنت محق .. حال المدريديه قبل مورينيو كان مزري .. فريق لا يوجد به روح المنافسه .......... !! الآن الريال بدأ يعود وبدانا نشاهد فريقنا يقاتل في الملعب من أجل الفوز !! أذلكم مورينيو مع الإنتر .. اخرجكم من دوري الأبطال وحقق مبتغاه .. وتم إذلالكم بطريقة ملكية .. مع الريال قبل أقل من شهر .. وهو قادر في الموسم القادم ,, على إذلالكم على المستوى الأوروبي !! وشكراً لك

لووول ياخي انتم يالمدريدية فلة,, وماتقدرون تتكلمون الا وتجيبون اندية ثانية عشان ترقعون لحالكم,, ما الومكم, مثل مدربكم اللي مدري وش يحس فيه,, كل ماجابوا طاري التحكيم, جاب لنا سالفة برشلونة وتشيلسي بدوري الابطال,, مع انه فريق تشيلسي ما عملها سالفة ولا لج ام العالم باللي صار,, ومن كم يوم تكلم مدربهم جوش هدينك وقال بما معناه انه على اي اساس مورينيو يستخدم اللي صار لنا مع برشلونة لمصلحته!! يعني من جد مدرب مريض ولسانه طويل,, وفاشل لفريق مثل الريال,, مدرب يحلم يصير مثل جوارديولا لسبب,, ان جوارديولا فريقه يلعب للمتعة والفوز,, واي فريق يدربه مورينيو يلعب دفاع وهواش,, من جد ان احس انه يدربه بكتيبة عسكرية,, لأن اللي يسوونه لعيبته بالملعب عيب على فريق محترف يسويه,,
لو كنتوا صادقين يامدريدية كان تكلمتوا عالكروت الحمر اللي كانت مفروض تعطى ضد لاعبينكم,, والا صرتوا مثل المريض مدربكم,,, وعلى فكرة, التحكيم خدم فريقكم كثير والدليل المباراة الاخيرة اللي كان فيه ٣١ خطاء ارتكبه لاعبين مدريد مقابل ١٠ اخطاء ارتكبوها لاعبين البرسا,, و الاحصائيات موجودة.
وكان مفروض كارفيلو من الشوط الاول ينطرد,, ويلحقه الخال اديبايور,, او الخال الثاني لسانا,, اقلها كان عالاقل كرت احمر واحد مفروض يعطى ضد فريقكم,, بس للأسف الحكم كان باين انه خايف من لسان مدربكم,, علشان هالشي تجنب طرد لعيبتكم,,,
نجي للهدف الملغى,, يالطيب الهدف جاء بالشوط الاول,,, وبرسا يلعب بملعبه,, يعني لو انحسب كان مو شرط انكم فزتوا وتأهلتوا!! بس ياخي احلامكم كبيرة,,, وبعدين لو بتقول ان الهدف كان راح يفرق,, بقولك اوكي حلو,, بس الكرت الاحمر اللي لو حصله كارفيلو قبل الهدف, كان حتى الهجمة حقت الهدف الملغى ما جت
طبعا كل مباراة من المباريات الاربع, كان مدربكم حريص انكم ترفسون لعيبة برشلونة ترفيس,, وتدعسون عليهم علشان الاصابات,, وتكفى لاتقولي ان طرد بيبي بمباراة البرنابيو كان غلط,,, اصلا الغريب انه ظل صامل للمباراة وما انطرد من قبل

طبعا انا كمحايد, اشوف ان اللي ينكر جدارة واحقية برشلونة بالتأهل وبالانتصارات اللي يحققها,, مايفهم بالكورة شعرة,,,, يكفي انه مايفوز الا وهو يمتعك,, وبعدين برشلونة من جهة اللاعبين,, دايم تلقاه ناقص, ومع هالشي تلاقي المدرب يرقع الفريق,, مرة تلاقي بوسكتس قلب,, ومرة تلاقي ماسكيرانو,, ومع هالشي مايشتكون او يبكون مثل مدريد...

وفي واحد شاطح وخياله مرة واسع اهنيه يقول ان لو ما انطرد بيبي بالاياب ماكان برشلونة سجل هدفين وكان النتيجة بتنتهي صفر صفر وبيتأهل الريال لأنه تعادل ١-١ لووووووووووول ياخي والله انك مدريدي فلة اجل قدرت سبحان الله تتوقع وش بتكون النتائج حتى والمباريات ما صارت

من جد مدريد مع احترامي للنصر صاروا مثلهم,,, شكاوي بشكاوي,,,
خلوا اللعب بالملعب واتركوا الكلام الزائد
و وروناااا عرض كتافكم اباظيااااات