05/04/2011, 04:34 AM
|
 | زعيــم مميــز | | تاريخ التسجيل: 11/11/2007 المكان: Here And There !!
مشاركات: 14,060
| |
 مباراه بالانتظار ، خصوصا انها بين ناديين منافسين لبعض المانيو في اخر مباراه امام ويستهام لعب بشكل ممتاز وقدم مباراه كبيره جداً في ظل الظروف اللي تعرض لها ، اقصد تسجيل ويستهام هدفين مقابل لاشيء وبعدها يرجع الفريق ويتعادل ويفوز في اقل من 40 دقيقه ، على مستوى الهجوم والوسط المانيو مستعد تماما ولا خوف ان شاء الله ولكن الخوف كله من الدفاع ، قدام ويستهام ماكان الدفاع مركز تماما وعانينا كثير من هالنقطه واتوقع ويستهام مايملك ذيك الامكانيات ومع ذلك ماوفق دفاعنا في ذيك المباراه ،، اكيد لكل مباراه كلام لكن انا اتكلم عن اخر مباراه خاضها مانشستر ولو اني واثق في ان اللي مر فيه دفاعنا ماهو الا كبوة جواد ،، بالمقابل تشلسي متعادل في آخر مباراه مع ستوك مع مستوى ليس بالممتاز وعلامة استفهام كبيره على تشلسي واتوقع حان الوقت لتغيير انشي لأن مافيه شي يقدمه للفريق ، ورغم مستوى تشلسي هالموسم الا انه يجب ان المانيو يعمل الف حساب لتشلسي ، في الدوري آخر مره قابلناهم ماكان تشلسي مقدم مستويات حلوه قدام مباراتنا معهم بعكسنا تماما اللي كنا ماشين صح في الدوري ومع ذلك تفوق تشلسي علينا ،، وعلى طاري المباريات في الدوري دايما التحكيم ينكبنا قدام تشلسي في مباريات الدوري ، في كل مباراه لو ندقق على القرارات نجد انها قرارات صحيحه لصالحنا ماحتسبت .. ماتكلم ان المانيو مظلوم وان الحكم قراراته لصالح تشلسي لكن دايما مايتوفق الحكام في ادارة مبارياتنا مع تشلسي ، على العموم ان شاء الله تكون مباراه قويه بالنسبه لنا ونحقق المطلوب منها .  الريال مابقي له الا الكاس ودوري الابطال ، عشان كذا راح يركز تماما على الشامبيونز ويخف الضغط على الفريق لأنه مطالب من قبل الجماهير ببطولات هالموسم بالذات لأنه موسم مورينيو .. توتنهام بكل صراحه قادر تماما على ايقاف ريال مدريد ، التوت فريق مميز ويملك لاعبين مميزين وقدراتهم كامله وماينقصهم اي شيء .. شفنا كيف قدام الميلان اعطى كل مباراه حقها وعرف كيف يلعب الذهاب وكيف يلعب الاياب ، ريدناب مدرب ذكي ومحنك وقبل كل هذا خبير ، وانا متأكد ان توتنهام راح يقدم مستوى كبير قدام الريال ،، الريال عنده الحظوظ الكافيه انه يتحكم بالمبــاراه ويسجل ويفوز لكن ماراح تكون بسهوله ،، برجوع هيقوايين وتألق بنزيمه هالفتره راح تعلى الحظوظ اكثر واكثر بالنسبه للمدريديين . ماقصرتو شباب .
|
