إقتباس الرسالة الأصلية كتبت بواسطة الـمـشـاغـب أبو طلااااااااااااااااااااااال .. وش هالبرنامج تكفى؟؟ وش اسمه ومتى يجي على الـ mbc ? هم يجيبونهم كأنهم صدق؟ يعني وهم ياكلون ويشربون؟ ويغيرون ملابسهم مثلاً ؟ إذا إيه ارسل لي رسالة خاصة بالتوقيت ويا حبذا لو تدعم كلامك ببعض المقاطع حتى أتأكد إنك ما ظلمتهم

هلا بالمشاغب ... الذيب الأمعط

ادري إن تعليقات الزملاء زعلتك خصوصا البعض تطرق للمذهب بس إمسحها فيني يابعدي ..
وبصراحة مااعرف الوقت .. وأكثر شي معقدني تواقيت البرامج ... خصوصاً الأفلام .. لي عشر سنوات وانا أقول بشتري ملصقات صغيره واحطها على التلفزيون واكتب البرامج والأفلام والمباريات وتوقيتها .. المشكله البيت مليان الحين ملصقات بس عجزان اكتب ..
ماخبرت لي سكرتير بدوام مسائي + راتب مجزي + عمولات + تأمين طبي شامل ماعدا أمراض القلب والأسنان والباطني والعظام والكلى والانف والأذن والحنجرة وامراض العيون والتحاليل بكافتها والأشاعه بجميع أنواعها .. بإستثناء ماذكر التامين يشمله

ماتوحشنيش

إقتباس الرسالة الأصلية كتبت بواسطة الى متى؟؟ اي والله قسم برنامج مسخره لدرجه فضيعه قوي قوي ودي باحد يفقع وجيههم على هالتميلح قدام الكاميرا وقلة الحياء اللي لازم تدخل بالموضوع لو بالغصب والا دلاخته هو وبروده تقل آكل لحم خنزير الله لايبلانا ياخي غار لوشوي>>مافي امل بعد كل هالسب ع الاقل اكتب دعاء المجلس اصرف شوي مشكووووور اخوي ع الموضوع صراحة مفيد ويبرد القلب

أشكرك بعنف عزيزي .. ولاتحرمني حضورك الجميل

إقتباس الرسالة الأصلية كتبت بواسطة انه الهــــلال..وكفى ماطري ليه مكبرين الموضوع ... هو برنامج تافه فهو تافه .... تجلس احيانا ماتطلع فايده فعلا مافيه فايده لكن مثله مثل هالمسلسلات التافهه ولا فيها فايده ... خصوصا بام بي سي خاصة المسلسل الايراني ومسمين الدكتور عمر ليخففوا حدة التوتر... تبا لهم ولا احد قال شيء وبعدها مسلسل ايراني ثاني ... مو مثل ماتعلق شبابنا بلميس وطقتها ... الخطة ب يعلقون الشباب بالايرانيات ؟؟؟؟ وبالتدريج بنشوف هوس شبابنا بالايرانيات ... وما عاد فيه حنق ضد ايران او الشيعه والاعجاب بأسلوب وطريقه حياتهم لان المسلسلات جذابه... عذرا على التفرع نرجع لخالد واسيل ... تخيلوها مسلسل دامكم عارفين انهم يمثلون ... بس احسن شيء تعامله معها يقوم ويساعدها خله يعلم عيالنا اللي بس جالس بالمجلس ورجل على رجل ويتأمر جيبي شاي جيبي قهوة ولايصير ذيخ مثله على قولتك طبقوا الشيء الزين وانسفوا الباقي بعرض الحائط يعني اول مرة اشوف شخص يتعامل مع زوجته بهدوء واحترام وتقدير كبير كأنها بنته مو زوجة بالعادة الرجل عندنا يطالب المرأة ... هو يحليله احسه راحمها وهي كأنها طفله ما اعمم على الرجال بس يعني انا ماشفته الا حلقتين لما كانت تبكي علشان طفلها اللي توفى احس رحمتها عاد انا قلبي رهيف وبعدين ماتدري انها راحت لطبيبه نفسيه لان المجتمع حولها عقدوها علشان جسمها .. وانت تقول العصلا حرام عليك .. يمكن يمكن تشجع الهلال وتدخل على الموضوع وتشوف كلامك هي ناقصة احد يعقدها والله ماينعرف لكم انت تقول عصلا وقرقاص فاتح موضوع عن السمنه شكرا على الموضوع القيم واتمنى ينتهي على البرنامج لاني مااتابعه

أشكرك ... أسعدني تواجدك ..

وقرقاص مايجي منه إلا العلم الغانم .. مع قرقاص مش حتئدر تغمض عنيك

إقتباس الرسالة الأصلية كتبت بواسطة ابو ديم الهلالي ام بي سي من عشر سنوات سقطت .. ؛تى أنها لم تعد تراعي مشاعر الأسرة السعودية وهم يشاهدون بعض السقطات حتى في الإعلانات التجارية .. أصبحت تقدم إيحاءات وإثارة جنسية .. ربما هذه الاعلانات لانشاهدها في الكثير من القنوات الأوروبية .. قناة هدفها مادي بل أسوأ من ذلك بل تحاول غسل الأدمغة والتأثير على فئة الشباب بسبب ما تعرضه من برامج منحطة تماماً

حلو إسم ديم ... اعتقد إنه موضه هالسنة .. كم واحد سمعت إنه سما إسم ( ديم ) بعد ماكانت موضه السنوات القليله اللى راحت ( ميار )

وشكرا لك ولحضورك ويخليلك ديم يارب

إقتباس الرسالة الأصلية كتبت بواسطة صـمـت مووووضوع رايق.... لكن عندي سؤال يفحط في راسي من زمااااان اللي في توقيعك تم ازالته بنجاح وشو...؟؟ ادري لقافه بس تحملن...ض1

السالفه طال عمرك .. كان فيه موقع إسمه ( أسك مي ) يعني إسألني .. تقدر تظغط عليه من هنا وتكتب اللى تبي لي سيدا .. بس عمومتنا المشرفين في هالقسم اعلنوا منع وضع هالرابط .. وانا مسحته علطول .. بحكم إني رجل احب النظام ... الخدمه حلوه للي ماوده يحط إيميله .. الحين المشكله مادري شلون أرد او أتواصل مع المعجبين .. كان شايل عني هم

عاد بعد كم يوم إتضح لي وبالصدفه إن فيه إثنين متهاوشيش من الاعضاء هنا في ذاك الموقع مدري وش عشانه .. والمشرفين هنا منعوا الرابط .. مدري وش دخل سالفه برى في موضوع هنا ؟! المهم يوم عرفت السبب على الأقل حسيت إني آدمي
وعلى فكره واحد من الاعضاء رديت عليه معكم في هالصفحة .. هو أحد المشاكل وأسباب إلغاء الخدمه عننا جميعاً .. واسطته قويه >> صوره تقريبيه له

اتمنى إني رديت عليه بالشكل المطلوب ..

سلام بئه .. والله يانا تعبت من الهذره ..

خلاص لاحد يتكلم ..

تم الرد على جميع الاعضاء الأعزاء

وشكرا للجميع على حضورهم ومرورهم ولاتحرموني من تواجدكم .. ياحبيلكم

اخوكم الصغير ابو طلال