وعليكم السلام ورحمة الله وبركاته

اولا حج مبرور خيتو وسعي مشكور والله يتقبل من الجميع


بالنسبة للخدمة الخرافية للخطوط السعودية هي ميب غريبة عليهم وانا من الناس اللي تعاني من هالشيء لكن

وانا هنا لا ادافع عن الخطا ولا ابرر ولكن نجي للمنطق شوي . يعني تتوقعين ان السعودية مقصرة من هالناحية عمدا ؟ ثقي تماما ان اللي شفتيه هو اقصى ما وصلوا له اعزائنا الكرام . وهم مثلهم مثل اي شخص سعودي يريد ان يبيض الوجه امام الجموع الغفيرة التي تنهمر على مطار الملك عزوز المتهالك والمتواضع جدا . العتب هنا على المسؤولين منذ البداية وبغض النظر عن موسم الحج فمن الغير معقول عدم تواجد طائرات محلية عليها الكلام في دولة بحجم السعودية . احنا نسافر من جدة للرياض او للشرقية بطائرات تركية اقرب الى ان تكون باصات ولها جناحين .
اختي اللي انتوا مريتوا فيه مر فيه الملايين قبلكم وانا اولكم واكثركم يمكن حتى ان صارتلي مشكلة في رحلة دولية وتعطلت دراستي الجامعية اسبوعين وتاثر معدلي بسببها . ولكن لا احد يسمعلنا < والطامة الكبرى اني احد الطلاب التابعين للخطوط السعودية
انتوا تاخرت رحلتكم 15 ساعة بس انا اخوي بيطلع للشرقية وهي رحلة داخلية قعد بالمطار 26 ساعة !!
ما حصلكم جدا مخجل بحقنا ووالله اني استحي ان اتكلم مع شخص اماراتي او اجنبي << انتوا اهلنا والله واستغرب من اللي يقول اهل الامارات اجانب ؟؟ عالعموم استحي اذا جينا لنقطة المواصلات بشكل عام والخطوط السعودية بشكل خاص للمستوى الدنيء والمخجل التي تقدمه .
وان تكلمنا عن مطار دبي فوالله لو اتكلم من هنا الى السنة الجاية ما اوفيه حقه << ما شاء الله تبارك الله
اعتذر اختي بالنيابة عن 28 مليون سعودي واتمنى ان تقبلين مني هالاعتذار اللي ما راح يغير شيء من هالموضوع

اخواني اللي مطفين الانوار ويدافعون عن مطار عزوز والخدمات اللي فيه . مدري اضحك والا ابكي

كونوا واقعيين وبعيدا عن العواطف فالانسان الناجح هو من يستفيد من عيوبه ولا يغطيها
يعني بتقنوعوني ان السعودية دولة كاملة مثلا ؟ ؟ حتى الامارات والكويت ومدغشقر فيها عيوب لكن موب هنا الموضوع .
البنت جات وشافت كل شيء خلاص

خيتوو رحم الله من اهداني عيوبي

الله يسعدك اينما حللتي