إقتباس الرسالة الأصلية كتبت بواسطة هلاليه زي القمر اولا هالكلام كلام جرايد يعني ماهي بلسان الاعب عشان تشككون فيه ثانيا صدقني مو الدعيع اللي يبيع الهلال وخذها مني ماراح ينتقل لأي نادي ومن كبر الكذبه النصر يقدم مبلغ وقدره خلهم يسددون اللي عليهم اول ثالثا الدعيع يأنه بيكمل مع الهلال او بيعتزل وان شاءالله يستمر ويحقق كأس اسيا وبعدها يعتزل براحته لاننا بحاجه له في هالمرحله

الله يهديك ياختنا..

شكلك جايه طايره ومطفيه النور ..

وين يبيع وحب و ولاء ..
حنا في عصر احتراف ومن حقه لو بغى يروح لأي نادي ثاني ..
..
النصر جابوا الدوخي المفلس وعبدالغني وعواجيز الاندية كلها وصالح صديق
وبمقدمات عقود يسيل لها لعاب هالشياب
ومستغربه لو خاطبوا الدعيع ؟
شي ثاني راح تكون في نظرهم ضربة للهلال زي سالفة الغشيان ..

كلامك رجعنا عشرين سنة ورى ..

أما سالفة حنا بحاجته ..
صادقه بحاجته احتياط ..
ابو عبدالله كان احتياط لأحمد الصويلح مع باكيتا ..
ولا قال شي ..

ويوسف كان احتياط للمطرف ولا قال شي ..
مو عيب الواحد يكون احتياط .. ابد ..

لكن العيب المكابرة وعدم معرفة اللاعب أن الزمن يمضي بطاقته وحيويته وإبداعات عمر الشباب ..
ابو عبدالعزيز ماقصر والرئيس شبيه الريح ماقصر قال إذا مشكلتك مادية نتكفل بأحلى حفل اعتزال ..
وقبل ست أشهر نشر في الصحف ان إدارة الزعيم أوقفت الاعتزالات بشبه اتفاق مع بعض اعضاء الشرف بعد اعتزال التمياط ويستثنى منهم محمد الدعيع تقديرا لخدمته مع الزعيم ..
.
.
حسن العتيبي في أوقات سابقة كنا ضده وأنا ضده في طريقة تفاوضه مع الإدارة وتصريحه في برنامج بتال ..
ولا تعود الهلاليين نشر غسيلهم أو اخراج أمورهم الداخلية في الصحف ..

لكن الرجل جته فرصة بيعض عليها لا تروح منه وقاعد يقدم مستويات حلوة مع الفريق ..
خاصة ما فيه احتياط ثاني غير الشمري المعار ..
.
.
نصيحة لك .. قربي لك كوب ليمون روقي فيه مزاجك .. واقري كلام الاخوان الي قبل بدون تعصب او البحث بين السطور عن مقاصد غير مطروحة بشكل واضح ..

دمتي بخير و ببطولات زرقاء قادمة .. شال كاسها الدعيع او ياسر ماتفرق ..