نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الأم مثال للتضحية !!هل تهدم سعادة أبنها بدون ماتدري؟؟

الضحى · #21 01/06/2010, 06:33 AM

إقتباس

الرسالة الأصلية كتبت بواسطة عقـل الهلال


	الضحى كيف حالك وصحتك ؟؟ الله يشفيك يارب قرأت الموضوع والردود وقرأت توضيحك وأعجبني رد أخوي هلالي من أرض اليمن وكان رده لطيف والمثال واضح وحبيت اقول له الله يستر اخاف بكرا تتزوج وتغيرك الحرمه تراهم واللهي مش هينات هذولي نقاشات شطب مروان . __________________________ اختي الضحى تعرفين اللي يقول ان حكينا ندمنا وان سكتنا قهر هذا هو وضعك اللحين وبصراحه موقفك صعب ودي اقول لك انصحي زوجة الابن مع اني اشوف انك راح تنفخين بقربة مشقوقه . __________________________ الأم ماطلبت شيء غلط أو خطأ أو عيب أو خراب بيوت . بالعكس هي دخلت بيت ولدها وحصلت فيه النظام خطأ . طلبت شيء من المفروض انه يكون من المسؤولة الاولى بالبيت واللي هي ربة المنزل . اسمحي لي اختي الضحى بس زوجة قريبك بصراحه ماتستحي يعني عندك أم زوجك , زوجك اللي انتي عايشه معاه وموفر لك كل سبل العيش الكريم ترا اللي رباه وكبره وعلمه هي العجوز هذي , زوجك هذي هي أمه اللي اختارتك من بد البنات . مفروض منها وبدون كرم منها انا اقوول المفروض والواجب انها تسمع كلام هالعجوز لأنها هي عمار البيت والشيء اللي طلبته شيء بصالح الزوجة والزوج والعيال والبيت . تصدقين اختي الضحى والله استغربت بصراحة ماهو من الزوجة اللي ما تصحى الا الساعة 11 استغربت من الزوج اللي مفروض منه انه يأمر زوجته انها تصحى لأمه الصبح حتى لو هي مو مقتنعة لكن لأجل عين تكرم مداين , لأجل أمي حلوة اللبن المدرسة الاولى بالحياة مفروض من الزوج انه يكلم زوجتة ويقول لها ان البيت فيه أمي ولا ابيها تتضايق من شيء أبد واذا تضايقت من شيء اعرفي انه راح تروحين بيت أهلك مع اني ماهقيت انه فيه رجال تسويها . بس خلاصة الكلام الأم ما بدالها أم والزوجة بدالها ألف واربعمية وواحد وثلاثين زوجة , ودامك أخذت امك عندك فا لازم تقوم بواجبك تجاه أمك والقيام ببرها وتحمل كل شيء يصدر منها لأن ثوابها الجنة بصراحة شديدة استغربت من كمية الردود اللي كانت واقفة بصف الزوجة واكتشفت شيء او بالاحرى كل مايمر الزمن اتأكد من ان هالكلام صحيح للآسف حتى اني شفت كذا رد من اخواني كانوا واقفين بصف الزوجة ونسوا وتناسوا حق الأم . لكن باللهي عليكم اسألوا الزوجة اللي مسوية هادية وانا اشوف انها ماهو هادية انما بااااااااااااااردة وحاطه مو بس يدها الا جسمها كله بموية بارده ومتأكده 100% انه ماعليها خوف اسألوها لو امها اضطرت انها تعيش معها بالبيت وطلبت منها انها تصحى بكير معها هل راح تصحى لأمها والا راح تسحب عليها ولا تصحى الا الساعه 11 ؟؟ . آسف ع الاطالة اختي واتمنى ان كلامي كان واضح ووجهة نظري ووصلت للكل , اتمنى انه ماحد يزعل من كلامي

الله يحفظك ياعقل ذكرتني بأفكار ولدي .

أولاً ردك جبرني أرد عليك وكان ودي أتجاهل الموضوع .

ثانياً ماشاء الله تعرف المثل نقابات شطر مروان !!!!

ثالثاً الله يسلمك ويحفظك أنا أحسن الحمدلله .

رابعاً أنت لم تتزوج بعد وأظنك ترى الوالدة هي الصح في كل شيء .!!

فيه أخطاء من الطرفين والمطلوب التقارب أي تتنازل الوالدة عن عاداتها الجميلة

القديمة ولو بعضها ..والزوجة تتنازل عن بعض راحتها وتجامل الأم ولو بكلمة طيبة

ممكن تسأل ..خالتي ودك اسوي شيء ؟؟

يوماً ما تعمل شيء تحبه الخالة وتخبرها أنها عملته علشانها حتى تشعر بالسعادة .

ياعقل ..الله يسلمك الآن البنات مايخدمن أمهاتهن !!الله يعين الشباب !!