نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ..( الاحوال .. والمعارض ).. قسسسم اننا طيبين

الغدير الازرق · #12 24/02/2010, 04:23 AM

هلا والله محمد

ماخفيييك إني مبطي عن معارض السيارات

وبحياتي ماخشيتها إلا مرتين يمكن فما لي بالشريطية

بس عندنا واحد من الجيران شريطي وصاحب معرض ماخلى موتر من مواتر

الجيران ماشراه وفي رواية يقولون إنه عيان

يعني ياتبيع له

بالسعر اللي هو يبيه وإلا تحمل اللي بيجيك أنت وموترك

اما الأحوال قبل شهر تقريباً كنت فيها ابسحب برنت وتفاجئت بغلط

بأسم الوالدة وخذلك مرمطة عشان التعديل واللي يقهر ذولاك اللي بالأرشيف

والله ياعليهم مكاتب تبط التسبد يعني ليييه الأرشيف دايم مكاتبهم وصخة

تحس إنك قاعد تراجع بزبالة الله يكرمك .. حتى إني شفت مكتوب على الجدار

اللي عند مكتب مدير القسم (امشي على كف القدر ولاندري عن المكتوب

)

هذا غيير الزحمة والقلق والتميلح بمجرد ماتلمح طرف عباة

المفروض بالرياض يكون للأحوال فروع أخرى يعني مو معقولة فرع واااحد

انا للحين بطاقتي قديييمة وشهبت وشكلي يجيب الهم فيها

والله استحي

اطلعها لاصار تفتيش وطلبها مني المرور ياشيخ بيتهموني بقضية إنتحال

شخصية

محد مصدق إن هالبرىء انا

دووك يامحمد

نشوفك على خير