| اخوي معذبهم من حق جمهور الهلال يبدي رايه بكل صغيره وكبيرة حتى ولو كانت ورقة تدخل مقر النادي.
واذا كان التعبير عن الراي يعتبر نقد خاطئ تقدر تكلم المسئولين عن الشبكة لحذف منتدى الجمهور الهلالي.
اما اذا النقد تعدى حدود الادب فهذا يسيئ لصاحب النقد ولا يسيئ للمنقود ولا للجمهور الهلالي والمسئولية تكون على المشرفين لتنبيه العضووحذف مشاركته.
والامثلة الثلاثة اللي طرحتها ماهي فوق مستوى النقد لأننا مانعيش وسط مجتمع ملائكي ومع ذلك لهم سلبياتهم واخطائهم ومن حقي انتقدهم.
انا من المعجبين بأدارة عبدالله بن مساعد ومع ذلك مو بالضرورة اني ارد على كل نقد يوجه للأدارة السابقة لأن بعض الانتقادات في محلها وردها على اصحابها يعتبر جدل بدون فائدة.
اما سامي ماراح اتكلم عنه لأن الضرب في الميت حرام.
والادارة الجديدة ننتقدها لأنها حتى الان ماوضعت اليد على الجرح وبدل ماتستغني عن لاعبين منتهية صلاحيتهم استغنت عن مدربين اثبتوا نجاحهم مع الهلال مثل الحبشي واوسكار واستغنت عن لاعبين نجحوا مع الهلال مثل تراوري وسيسيه والوقت مايسعف الادارة الجديدة للتعويض او التغيير هذا غير اللاعبين المحليين المغمورين اللي تستمر بالتعاقد معهم وحتى الان مافرحتنا الادارة الجديده الا بخبر التعاقد مع بوبرسكي حتى وان كان على حساب سيسيه. | 