| وانا وياكم بعد اتذكر موقفين حتى الان لم انساهم ولااعتقد اني بانساهم
الموقف الاول
يوم كنت في الابتدائي كنا نلعب في ساحة كبيرة وكانت واقفة تريلا فقلت حق الربع تعالوا نلعب في التريلا فركبنا فوق وصرنا نتزحلق من القمارة على الكبوت وجاء دوري فقمت تزحلقت وتعلق ثوبي في الانتل حق التريلا فصار رأسي تحت ورجلي فوق وكأني ذبيحة فحاولت اعدل نفسي ماقدرت وحاولوا الربع مساعدتي معرفوا لاننا كنا صغار وقعدت على هذه الحالة لمدة ساعة وكبدي لايعه ورأسي دايخ المهم احد من الربع اخيرا صار ذكي وشاف واحد كبير يمشي في الشارع ونداه وتم تعديل وضعي وتأكدت ان راسي محله !!!!
الموقف الثاني
كنت في السوق وشفت واحد كاني اعرفه وقمت وضربته على رأسه من الخلف شوي التفت لي ولاطلع واحد ثاني ماعرفه اي احراج صارلي تأسفت له لين قلت بس الزين فيه طيب وجسمه ضعيف والا اتوقع ان وجهي بيكون شوارع | 