الموضوع: صبــاحـك مـثــالـي ... صبـاحـك ( زلابـه ) ... ياواد يا ( رِوِش )
مشاهدة مشاركة بصفحة مستقلة
  #27  
قديم 18/11/2009, 09:12 AM
قرقاص قرقاص غير متواجد حالياً
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
هلا وغلا بأحلى صخره

تصدق زاد غلاك يوم عرفت ان السيليكون جاي من الصخور

من مقدمتك( كامي - كلوس اب- كورن فليكس) يظهر لي يالصخرة انك كنت من اللي كانوا يسهرون بالليل ايام اول وينتظرون غالب كامل وماجد الشبل يخلصون الأخبار ومن بعدهم كراني ونشرة الأحوال الجوية عشان تتابع الأعلانات التجارية اللي تجي الساعة 10 بالليل وتقعد نص ساعة تقول مسلسل ربعنا كانوا يسمعون بشي اسمه أعلان تجاري

الا على طاري الأعلانات ماتخبر لي بيبسي بالليمون ذاك اللي طلع من زمان وجايبين لك سمكتين ويقولون لعطش بكــــــــــــــــــبر البـــــــــــــــــــــــحر


ماعلينا نرجع للدحمي


إقتباس
ثم اخذ يدندن على انغام زقزقة العصافير وشقشقة السنونو

أشك أن ابو سنونو يجي عندنا !! رغم انه في اوربا وبامريكا ينزل عندك وانت تفطر وياكل من يدك تعرف ليش ؟ عندنا مافيه أمان لو يقعد دقيقه يزقزق ويغني مايكمل الدقيقه الثانية الا وهو في القدر مكبوس
عندنا نوعية شباب غريب مالهم أمان وبطريقة ماتلقاها في اي مكان بالعالم !! عصفور يصيدونه قطو بالشارع يرجمونه ولا يلحقونه تصدق مرة شفت واحد راعي فورد كبير مهوب مراهق وقف من سيارته ونزل يلحق قطو !!! حتى البنات ماسلموا منهم !! البنت توثق بالشاب وترسل صورتها ثاني يوم تلقاه موزعها في النت


نيكولاس يمثل شريحة كبيرة عندنا !! نيكولاس بالعربي هو الفوضى !!! شوف عندك هنا بالرياض الشباب الموظفين يطلع من عمله الساعة 2 ويروح يدبغها نص شواية مع بخاري ويكملها ببيبسي ومن بعدها ينام الى العشاء ويقوم يصلي الفروض جمعا باذان واحد و3 اقامات ويطلع للمقهى وخذ عندك تعسيل وحش في خلق الله الى الفجر بعدها ينام ويسحب على الدوام ويقوم متأخر ويروح للدوام بنفسة خايسه والمحصلة الأنتاجية هي صفر مكعب وكل مراجع يقوله راجعنا بكرا ويوم الأربعاء يسحب على الدوام والوعد الجسر والا مايجي هناك يلقونه بشارع المعارض

السؤال اللي يسدح نفسه على اسفلت الرياض السعة 2 الظهر بعز القايله ليش مايكون شعارنا كلنا الدحمي


موسى بن نصير قائد فتوحات اسلامية كبيرة ليت ذوليك السمرمد اختاروا شارع غيره

إقتباس
اكثر من مرّه اطيح بهم وتحوم كبدي

يبي لهم شوية كلوركس

لاتمر من هناك غير طريقك واختر طريق بديل على قولة الرائد ابوشراره
تصدق ذولي يبي لهم خيزران منقع اسبوع كامل في ملح وفلفل وليمون وينجلد فيها الواحد منهم لين يخيس جلده !! بس بيجك واحد من دكاترة الجامعة حالق شنبه وحاط غترته زي مدني رحيمي ويقولك التربية الحديسه تقول ماتضربونهم حرام تعورونهم وبعدين يتعقدون !! تعقدت مصارين العدو

أدري اني طولت بس بأقفل الموضوع بطلب اني اسوي شراكة معك ونستاجر قلابي ونوصل طلبات سيليكون وجرانيت للراغبات في جسم رشيق وقوام ممشوق
اضافة رد مع اقتباس