السلام عليكم ورحمة الله وبركآته..
كيف الحال ..؟ عساكم موب مخنزرين ..؟!
همسة خارج الموضوع:ياشيخ مابغت تتفعل العضوية !

ياخي ابي افهم شي واحد بس ؟! الناس ماعندهم عيال يروحون المدرسة ؟!
يحطون لك بالجريدة ان امور المدارس ماشية تمام وان الوضع الصحي آمن !
كيف آمن ؟! وانت تجمع اكثر من 45 طالب في غرقة ؟! كيف آمن وتقريبا في كل مدرسة اكثر من 3 حالات ؟!
ولكن ماذا نفعل ؟!
فاصل ثم نواصل :-
ـــــــــــــــــــــــــــــــــــــــــــــــــــــــــــــــــــــــــــــــ

ديتول معقم لليدين يقتل 99.999999999999 من الجراثيم منها انفلونزا الخنازير
ـــــــــــــــــــــــــــــــــــــــــــــــــــــــــــــــــــــــــــــــ
عدنـــــــــــــــا
اي كتب هذه؟ طالب في الابتدائي يدرس منهج ثالث متوسط ! (المنهج المطور)!
مثال: في كتاب العلوم للصف الاول الابتدائي (لاحظ صف اول ابتدائي اي لايعرف الحروف) توجد اسئلة منها:
قارن , استنتج , استخرج , تعريف ! بالله عليكم وش شايفين اطفالنا ؟! كلها كم سنه وينلطع بالددسن (فرارهـ) !
ايضا : في كتاب الرياضيات للصف الاول ثانوي الفصل الدارسي الاول تعدى الـ200 صفحة !
ابي افهم ! الطالب بيطلع (الخوارزمي) ؟!
ــــــــــــــــــــــــــــــــــــــــــــــــــــــــــــــــــــــــــــــــ
انفلونزا الخنازير وما ادراك مانفلونزا الخنازير !
الكثير اصابهم انفلونزا الخنازير ولكن لايعلم !
فالمرض صعب فقط على الحوامل ومرضى الربو وضيق التنفس وغيرها من الامراض!
اما الانسان العادي فكانها انفلونزا عادية اللهم اشد بقليل ! يعني مضاد حيوي باذن الله وتصبح مثل الحصان !
همسة بخصوص التطعيم: التطعيم مضر والبعض يقول انه الربيعة طعم وش يثيت انه تطعيم انفلونزا الخنازير ؟!
ـــــــــــــــــــــــــــــــــــــــــــــــــــــــــــــــــــــــــــــــــــــــ
في الختام بعض الاسئلة :-
1- مالحل برأيك للتخلص من الاعداد الهائلة في المدارس ؟! لدرجة انهم تعدو الـ 50 في بعض المدارس ؟!
2- وش رايك في المنهج المطور ؟!
3- هل تعتقد ان الاعلام كبر المرض ؟!

هذا اول موضوع لي فالعذر والسموحة اذا كان هناك بعض الاخطاء ! وانا متابع للمجلس من تقريبا سنة !

شكرا شبكة الزعيم !